Echequié 7:18 - Tupanaarü Ore

¹⁸ Rü guxãtáma tümachiru i techaraxü̃gu ticu̱xgü erü ngechaü̃wa tangexmagü. Rü guxü̃watáma tidu̱xruxünegü rü ãnemaxã tanadeãchichametügü. Rü guxãtáma tügü tidüxpü̱xüerugü.

Echequié 7:18 Referans Kwoze

Amúx 8:10

Rü ngẽma perü petachigagü rü ngechaü̃xü̃ tá chayanguxuchixẽxẽ erü yuexü̃ca̱x tá pexauxe. Rü ngẽma perü wiyaegü rü ngechaü̃arü wiyaexü̃ tá chayanguxuchixẽẽgü. Rü ngechaü̃chirugu tá pexü̃ chicu̱xgüxẽxẽ. Rü ngechaü̃maxã tá pegü pibaierugü. Rü yíxema tümane i nügümaxã wüxicacü i yuxü̃ca̱x auxexü̃rüxü̃ tá pexauxe. Rü guxü̃táma taxü̃ i guxchaxü̃gu nayagu”, ñachagürü.

Echequié 27:31

Rü norü ngechaü̃maxã tá nügü nidüpü̱xüerugü. Rü tá ngechaü̃chirugu nicu̱xgü. Rü norü ngechaü̃maxã tá poraãcü cuxca̱x naxauxe.

Ichaía 3:24

Rü ngẽma pumaraarü paacaanechicüxü rü tá nayixanemare. Rü goyexü̃chicüxü rü naixnütamaxã tá pigoyegü. Rü ngẽma mexẽẽyaechicüxü rü tá naba̱i̱xerugümare. Rü ngẽma mexẽchixü̃ i naxchiruchicüxü rü témüxü̃maxã tá pixãxchiru. Rü ngẽma perü mechametüchicüxü rü fierumaxã tá pexü̃ niguchametü.

Yox 21:6

Rü ngẽxguma chomatama nagu charüxĩnügu i ñaa tá pemaxã nüxü̃ chixuxü̃ rü poraãcü chabaixãchi rü muü̃maxã chidu̱xrux.

Yeremía 48:37

Rü guxü̃ma i duü̃xü̃gü rü norü ngechaü̃maxã nügü nidüerugü, rü nügü nidüxchinagugü, rü nügü nawixme̱xgü, rü naxchiru i témüxü̃gu nicu̱xgü.

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.

Wiyaegü 35:26

Rü ñu̱xma chanaxwa̱xe i ãne ningegü i ngẽma duü̃xü̃gü i taãẽgüxü̃ naxca̱x nax chixexü̃gu changuxü̃. Rü chanaxwa̱xe i guxü̃wama ãne ningegü i ngẽma nügü ixugüexü̃ nax choxü̃ nayexeragüxü̃.

Naanearü ügüchiga 15:12

Rü yexguma noxri nachütagu ga Abráü̃ rü yéma poraãcü nipeãchi. Rü ínapeyane, rü ngürüãchi wüxi ga waanexü̃ yexma nangu, rü yemaca̱x poraãcü namuü̃.

Joel 1:13

Rü pemax, Pa Chacherdótegü i Tupanaarü Ãmarearü Guruxü̃maxã Icua̱xgüxex, rü name nixĩ i naxchiru i témüxü̃gu picu̱xgü, rü pexauxe, erü perü Tupanapata ya taxü̃newa rü marü nataxuma i trigu rü bínu i perü ãmareruxü̃ ixĩxü̃.

Yeremía 6:25

¡Rü taxṹ i naanewa pexĩxü̃! ¡Rü taxṹ i namagüwa pexĩxü̃! Erü ngẽma uanügü rü nixãxne. Rü guxü̃wama nangẽxma i muü̃ —ñanagürügü.

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.