Echequié 7:16 - Tupanaarü Ore

¹⁶ Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Echequié 7:16 Referans Kwoze

Ichaía 59:11

Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Ichaía 38:14

Rü ñoma chirugürüxü̃ rü cówagürüxü̃ rü muxtucugürüxü̃ charüdoxü. Rü yima chauxetügü rü düxwa nipae nax yeü̃cürü daxũ chadawenüxü̃ rü ñachagürü: “Pa Corix, ngúxü̃ chinge. ¡Ẽcü cha̱u̱xca̱x yataanexẽxẽ!” ñachagürü.

Édra 9:15

Pa Cori ya Iraétanüxü̃arü Tupanax, cuma rü tomaxã cumecüma rü ngẽmaca̱x ícuyaxüxẽxẽ i ñuxre i totanüxü̃ i ñu̱xma maxẽxü̃. Tomagü rü aixcüma cupe̱xewa chixexü̃ taxügü, rü ngẽmaca̱x taxucürüwa cuxna tangaicamagü —ñachagürü nüxü̃.

Ichaía 37:31

Rü ngẽma Yudáanewa íyaxügüxü̃ i duü̃xü̃gü rü tá nimu ñoma nanetügü i ãxchúmaxãxü̃ rü ixoxü̃rüxü̃.

Echequié 36:31

Rü ngẽxguma tá nüxna pecua̱xãchiegu ga yema pecüma ga chixexü̃ rü yema chixexü̃gü ga pexügüxü̃, rü pema rü tá pegücha̱xwa pexãnee naxca̱x ga yema pecadugü rü chixexü̃gü ga pexügüxü̃.

Yeremía 44:28

Rü noxre tátama tixĩ ya yíxema naétüwa maxẽxe i ngẽma dai rü ñu̱xũchi woeguxe nüxna i Equítuane nax wena Yudáanewa taxĩxü̃ca̱x. Rü guxü̃ma ga yema duü̃xü̃gü ga Yudáanewa íyaxügüxü̃ rü Equítuanewa ĩxü̃ nax ngéma namaxẽxü̃ca̱x, rü tá nüxü̃ nadaugü nax texéarü ore tá aixcüma inguxü̃, choxrü ore, rüe̱xna ngẽma duü̃xü̃güarü̃ ore.

Yeremía 44:14

Rü yíxema noxretama i pema i Yudátanüxü̃ i íyaxügüxe ga Equítuanewa ĩxẽ nax ngéma pemaxẽxü̃ca̱x rü bai tá texé tiña erü guxãtáma tayue. Rü woo texé tanaxwa̱xe nax Yudáaneca̱x tawoeguxü̃ nax ngẽxma tayaxãchiü̃xü̃ca̱x rü taxũtáma tawoegu. Rü yíxema noxretama ya tüxü̃ yagagümarexexicatama tá tawoegu’ ” —ñanagürü ga Yeremía.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Wiyaegü 55:2

¡Rü choxü̃́ irüxĩnü rü choxü̃ nangãxü̃! Erü chorü guxchaxü̃gagu chaxoegaãxẽ rü poraãcü chamuü̃.

Yeremía 9:19

Rü Chióü̃gu nüxü̃ taxĩnü i naga i duü̃xü̃gü nax aixta naxüexü̃ namaxã nax ngúxü̃ yangegüxü̃. Rü ñaãcü aixta naxüe: Taxü̃ i ngechaü̃wa tangexmagü erü tórü ĩane rü nachitaxü̃xica ínayaxü. Rü ngẽmaca̱x poraãcü taxãnee. Rü ñu̱xma i tórü uanügü rü tachixü̃anena to i nachixü̃anewa tá tüxü̃ nagagü. Rü tapatagü rü nachitaxü̃xica ngéma nayaxügü.

Echequié 14:22

Natürü noxretátama nixĩ i íyaxügüxü̃. Rü nümagü rü nanegümaxã rü naxacügümaxã tá Yerucharéü̃wa ínachoxü̃. Rü ngẽxguma tá Babiróniawa nangugügu i nümagü, rü pemax i ngéma pengẽxmagüxü̃ rü tá nüxü̃ pecua̱x nax ñuxãcü chixexü̃gu namaxẽxü̃ i ngẽma duü̃xü̃gü rü ngẽma chixexü̃ i naxügüxü̃. Rü ñu̱xũchi taxũtáma pengechaxü̃gü naxca̱x i guxü̃ma i ngẽma poxcugü i Yerucharéü̃ca̱x íchanguxẽẽxü̃.

Echequié 34:6

Rü yema chorü carnérugü rü guxü̃ma ga máxpü̱xanexü̃gu rü ma̱xpǘnegügu rü guxü̃ma ga naanegu nügü nawoone rü ínatüe. Rü taxúema naxca̱x taxoegaãxẽ, rü naxca̱x tayadaugü.

Naúü̃ 2:7

Rü ngẽma ãẽ̱xgacü naxma̱x rü to i nachixü̃anewa ngĩxü̃ nagagü namaxã i ngĩxü̃taxü̃gü. Rü ñoma muxtucurüxü̃ iyaxaxunetanü rü ngĩgü napaxremügüãcüma ixauxe.

Chofonía 1:14

¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.

Ichaía 59:12

Rü yixema rü Tupanamaxã ta̱xacü tixugüe rü ngẽma tórü chixexü̃gütama nixĩ i tüxü̃ íxuaxü̃xü̃. Rü ngẽma tórü chixexü̃ rü tawa nangẽxmagü, rü nüxü̃ tacua̱x i tórü pecadugü.

Yeremía 3:21

Rü ngẽma auexü̃ i ngüchitaeruxü̃güwa rü chianexü̃güwa i duü̃xü̃gü nüxü̃ ĩnüexü̃ rü nümagü nixĩ i Iraétanüxü̃ i auxexü̃ rü ngechaü̃ca̱x ícagüxü̃. Erü chixexü̃gu namaxẽ, rü choxü̃ narüngümae i choma nax norü Cori ya Tupana chixĩxü̃.