Echequié 7:14 - Tupanaarü Ore

¹⁴ Rü nayacuegü tá ya cornéta nax daiwa naxĩxü̃ca̱x, rü guxü̃táma nügü nimexẽẽgü, natürü taxuxü̃táma daiwa naxũ. Rü chorü numaxã tá chapoxcue i guxü̃ma i ngẽma Iraétanüxü̃.

Echequié 7:14 Referans Kwoze

Yeremía 4:5

Rü Cori ya Tupana rü ñanagürü: —¡Yerucharéü̃arü ĩanewa rü Yudáanewa nüxü̃ pixugügü i ngẽma ãũcümaxü̃ i tá pexca̱x ínguxü̃! ¡Rü guxü̃ma i Yudáanewa cornétamaxã penaxunagü i ngẽma ãũcümaxü̃! ¡Rü tagaãcü ñapegügü: “Ngĩxã rü yima ĩanegü ya ípoxegugünegu tayangutaque̱xegü”, ñapegügü!

Yeremía 51:27

¡Daiarü cua̱xruxü̃ ya wonera penawe̱x rü nachixü̃anegüwa peyacue i cornétagü nax Babiróniaanearü ĩaneca̱x ípeyaxüãchixü̃ca̱x i pema i togü i nachixü̃anegüarü ãẽ̱xgacügü i Araráanearü ãẽ̱xgacü, rü Miníanearü ãẽ̱xgacü, rü Aquenáanearü ãẽ̱xgacü! ¡Rü nüxü̃ pexuneta i wüxi i churaragüeru nax namaxã inacuáxü̃ca̱x i ngẽma churaragü i daiwa ĩxü̃! ¡Rü inaxĩãchi i ngẽma churaragü i cowaruétügu ĩxü̃ i ñoma munügü i guxü̃ i chixexẽẽxü̃rüxü̃ ixĩgüxü̃!

Yeremía 12:12

Rü guxü̃ma ga yema ínachianexü̃arü ngüchitaeruxü̃wa ne naxĩ ga duü̃xü̃gü ga máxwa̱xegüxü̃. Erü choma ya Cori ya Tupana rü choxü̃́ nangẽxma i wüxi i tara i tá guxü̃wama namaxã chanadaixü̃ i ngẽma nachixü̃ane. Rü taxuwatáma nangẽxma i taãxẽ naxca̱x i ngẽma duü̃xü̃gü.

Yeremía 7:20

Rü ngẽmaca̱x i choma ya Cori ya Tupana ya Guxü̃étüwa Ngẽxmacü rü ñachagürü: Guxü̃ma i chorü numaxã tá taxü̃ i guxchaxü̃ naxca̱x íchanguxẽxẽ i ñaa nachica, rü duü̃xü̃gü, rü woo naxü̃nagü, rü woo naigü i naanewa rüxügüxü̃, rü nanetügü. Rü ñoma wüxi i üxüema i tama ixoxü̃rüxü̃ tá nixĩ —ñanagürü.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Yeremía 6:1

¡Pa Duü̃xü̃gü i Bẽyamíü̃anecüã̱gü, ẽcü paxa ípechoxü̃ nawa ya yima ĩane ya Yerucharéü̃ rü pibuxmü! ¡Rü pema i Tecóawa ngẽxmagüxe rü cornéta picuegü nax naxuãẽgüxü̃ca̱x i duü̃xü̃gü! ¡Rü Bex-aqueréü̃wa rü wüxi i ta̱xacüwa penangĩxichi nax wüxi i cua̱xruxü̃ i caixemaxü̃ pu̱xnagüxü̃ca̱x! Erü wüxi i taxü̃ i ãũcümaxü̃ rü nórtewaama ne naxũ.

Iraétanüxü̃arü muxchiga 10:9

Rü ngẽxguma perü uanügü perü naanewa pexca̱x íyaxü̃ãchigu, rü pema rü naxca̱x peyayixgu nax namaxã pegü pedaixü̃ca̱x, rü name i peyacue ya yima cornétagü rü ñu̱xũchi tagaãcü aixta pexüe. Rü ngẽmaãcü i choma ya Cori ya perü Tupana nax chixĩxü̃, rü tá pexna chacua̱xãchi rü tá pexü̃ íchapoxü̃ i perü uanügüme̱xẽwa.

Auxexü̃chiga 2:3

Rü yexguma poraãcü nanuxgu ga Cori ya Tupana rü nüxna nanayaxu ga guxü̃ma ga Iraéanearü pora. Rü yexguma Iraétanüxü̃ norü uanügümaxã nügü nadaixgu, rü nüma ga Cori ya Tupana rü nüxna nixũgachi rü tama norü poramaxã nüxü̃ narüngü̃xẽxẽ. Rü wüxi ga üxüemamaxã nagu nanangixi ga guxü̃ma ga Iraéane.

Auxexü̃chiga 2:4

Rü nüma ga Cori ya Tupana rü ñoma wüxi i uanü i marü norü würamaxã imaxnetachaxü̃xü̃rüxü̃ nixĩ. Rü ñoma wüxi i uanürüxü̃ nanadai ga guma ĩanearü ngextü̱xücügü rü pacügü. Rü ñoma wüxi ga üxüemarüxü̃ nixĩ ga Cori ya Tupanaarü nu ga namaxã yaguãxü̃ ga napata ga guma ĩane ga mexẽchine ga Chióü̃wa yexmane.