Echequié 6:7 - Tupanaarü Ore

⁷ Rü ngẽxguma nüxü̃ pedaugügu nax petanüwa nayuexü̃ i ngẽma muxü̃ma i duü̃xü̃gü, rü ngẽxguma tá nixĩ i nüxü̃ picua̱xãchitanüxü̃ nax aixcüma choma chixĩxü̃ ya perü Cori ya Tupana.

Echequié 6:7 Referans Kwoze

Echequié 38:23

Rü ngẽmaãcü tá nixĩ i muxü̃ma i duü̃xü̃güxü̃ chanawéxü̃ nax choma rü guxü̃étüwa changexmaxü̃ rü chaxüünexü̃. Rü ngẽmaãcü tá chaugü nüxü̃ chacua̱xẽxẽ i duü̃xü̃gü. Rü nümagü rü tá nüxü̃ nicua̱xãchitanü nax choma yixĩxü̃ ya Cori ya Tupana” —ñachagürü.

Echequié 35:15

Rü cuma rü poraãcü cutaãxẽ ga yexguma nagu yanachixegu ga yema naane ga Iraétanüxü̃ noxrüxü̃ yauxgüxü̃. Natürü ngẽma guxcha tátama nixĩ i pexü̃ ngupetüxü̃ Pa Cheíarü Ma̱xpǘnex, rü guxü̃ma i curü naane Pa Edóü̃x. Rü ngẽma curü naane rü chianexü̃xü̃ tá nayanguxuchi. Rü ngẽxguma i curü duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana’ ” —ñanagürü.

Echequié 30:26

Rü ngẽmaãcü i choma rü guxü̃ i nachixü̃anegügu tá chanawoone i ngẽma Equítuanecüã̱xgü. Rü ngẽxguma tá nixĩ i nüxü̃ yacua̱xãchitanüxü̃ nax choma yixĩxü̃ i Iraétanüxü̃arü Cori ya Tupana” —ñanagürü.

Echequié 28:23

Rü cuxca̱x tá íchananguxẽxẽ i da̱xaweanegü. Rü curü uanügü rü tá cuxca̱x ínayachoõchi. Rü guxü̃cüwawa tá taramaxã nanadai i curü duü̃xü̃gü, rü muxü̃ma tá nayue. Rü ngẽmaca̱x curü namagüwa rü tá niya̱x ya nagü. Rü ngẽmaãcü tá nüxü̃ quicua̱xãchi nax choma yixĩxü̃ ya Cori ya Tupana’ ”, ñanagürü.

Echequié 25:17

Rü ngẽmaãcü i choma rü tá poraãcü chaxütanü naxca̱x i chorü duü̃xü̃gü i Yudátanüxü̃. Rü chorü numaxã tá chanapoxcue i ngẽma Firitéugü. Rü ngẽxguma yanguxgu i ngẽma poxcu, rü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana —ñanagürü.

Echequié 24:27

Rü cumax, Pa Echequiéx, rü ngẽma ngunexü̃gu rü tá namaxã quidexa i ngẽma duü̃xü̃ i cumaxã nüxü̃ ixuxü̃ i ngẽma ngupetüxü̃. Rü cumatátama nixĩ i cua̱xruxü̃ quixĩxü̃ naxca̱x i ngẽma duü̃xü̃gü. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana” —ñanagürü choxü̃ ga Tupana.

Echequié 24:24

Rü Echequié tá nixĩ ya perü cua̱xruxü̃ ixĩcü. Rü guxü̃ma ga yema nüma naxüxü̃ rü pema rü tá ta penaxü. Rü ngẽxguma yanguxgu i ngẽma guxchaxü̃gü rü pema rü tá ngẽmawa nüxü̃ picua̱xãchitanü nax choma yixĩxü̃ i Iraétanüxü̃arü Cori ya Tupana chixĩxü̃.

Echequié 23:49

Rü ngẽma taxre i ngĩgüeya̱xgü rü tá ipoxcue nagagu nax yangeãẽmaregüxü̃ rü naxchicüna̱xãxü̃ yacua̱xüü̃güxü̃. Rü ngẽmaãcü tá nüxü̃ picua̱xãchitanü nax choma yixĩxü̃ i Iraétanüxü̃arü Tupana —ñanagürü.

Echequié 20:44

Pa Iraétanüxü̃x, rü ngẽxguma choma chaugagutama pexü̃ charüngü̃xẽẽgu rü pexü̃́ nüxü̃ charüngümagu ga yima pecüma ga chixexü̃gü rü yema chixexü̃ ga pexügüxü̃, rü ngẽxguma i pema rü tá nüxü̃ picua̱xãchie nax choma ya Cori yixĩxü̃ i perü Tupana. Rü choma ya Cori ya Tupana ya Guxãétüwa changexmacü nixĩ i nüxü̃ chixuxü̃ i ngẽma —ñanagürü ya Tupana.

Echequié 20:42

Rü ngẽxguma wena tá perü naane ga perü o̱xigümaxã chaxueguxü̃wa pexü̃ chagagügu rü pema rü tá nüxü̃ picua̱xãchie nax choma ya Cori yixĩxü̃ i Iraétanüxü̃arü Tupana.

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Echequié 15:7

Choma rü tá chaugü chixu nax Yerucharéü̃arü uanü chixĩxü̃. Rü norü duü̃xü̃gü rü wüxi ya üxücha̱xwa tá nibuxmü, natürü nai ya üxü tá ínanagu. Rü ngẽxguma chaugü chixuxgu nax perü uanü chixĩxü̃, rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ i Cori ya Tupana.

Echequié 14:8

Rü choma rü tá namaxã chanu i ngẽma yatü, rü wüxi i poxcu i duü̃xü̃güarü cua̱xruxü̃ tá nüxna chaxã nax ngẽmachiga yadexagüxü̃ca̱x i guxü̃ma i duü̃xü̃gü. Rü ñu̱xũchi ngẽma chorü duü̃xü̃gütanüwa tá ichayanaxoxẽxẽ. Rü ngẽxguma tá nixĩ i nüxü̃ picua̱xãchitanüxü̃ i pemax nax choma chixĩxü̃ ya Cori ya Tupana.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.

Echequié 13:21

Rü choma rü aixcüma pexme̱xwa tá íchananguxü̃xẽxẽ i chorü duü̃xü̃gü nax nümagü rü tama yaxõgüãxü̃ca̱x i ngéma nga̱xcueruxü̃arü pora i namaxã penatütachiwegüxü̃ i chorü duü̃xü̃gü. Rü taxũtáma marü wena pexme̱xgu nayi. Rü ngẽxguma i pemax rü tá nüxü̃ picua̱xãchitanü nax choma chixĩxü̃ ya Cori ya Tupana.

Echequié 13:14

Rü tá chayawa̱xẽxẽ i ngẽma naxtapü̱x i cómüxü̃maxã pechaxü̃. Rü ngẽxguma yawa̱xgu rü tá nango̱x ya yimá nutagü ya namaxã penaxügücü, rü pemax rü ngẽma naxtapü̱xtüü̃gu tá peyue. Rü ngẽxguma tá nixĩ i nüxü̃ picua̱xãchigüxü̃ nax choma chixĩxü̃ ya Cori ya Tupana.

Echequié 13:9

Rü choma rü tá chanapoxcue i ngẽma orearü uruü̃güneta i doramarexü̃ daugüxü̃ rü doramarexü̃ ixugüxü̃. Rü nümagü rü taxũtáma Iraétanüxü̃arü ãẽ̱xgacügütücumüwa naxügü. Rü taxũtáma ngẽma Iraétanüxü̃ nagu iwǘgüxü̃ i poperagu tá niwügü. Rü ngẽxguma to i nachixü̃anewa nagagügu rü taxũtáma wena Iraéaneca̱x nawoegu. Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana.

Echequié 12:15

Rü ngẽxguma marü to i nachixü̃anegügu chanawoonegu tá nixĩ i nüxü̃ yacua̱xãchitanüxü̃ nax choma chixĩxü̃ ya Cori ya Tupana.

Echequié 11:12

Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana. Pema rü tama ngẽma chorü mugü nüxü̃ ixuxü̃ãcüma pemaxẽ, rü bai nagu pexĩxü̃ ga yema chorü mugü. Natürü nagu pexĩ ga yema pexna ngaicamagüxü̃ ga nachixü̃anecüã̱xgü nagu maxẽxü̃ ga chixexü̃gü” —ñanagürü ga Cori ya Tupana.

Echequié 11:10

Rü perü uanügü rü taramaxã tá pexü̃ nadai. Rü ngẽma Iraéanearü üyeanewa tá nixĩ i perü chixexü̃ca̱x pexna chacaxü̃ nax pexü̃ chapoxcuexü̃ca̱x. Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana.

Echequié 9:7

Rü yemawena rü nüma ga Cori ya Tupana rü yema yatügüxü̃ namu rü ñanagürü nüxü̃: —¡Chopata ya taxü̃newa pexĩ rü penaxãũãchixẽxẽ! ¡Rü yuexü̃maxã penapaxẽxẽ i naa̱xtü! —ñanagürü. Rü nüma ga yema yatügü rü ínachoxü̃ rü inanaxügüe ga nax nadaiaxü̃ ga yema ĩanecüã̱x ga duü̃xü̃gü.

Echequié 7:9

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.

Echequié 7:4

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma chixĩxü̃ ya Cori ya Tupana” —ñanagürü.

Echequié 6:13

Rü ngẽxguma ngẽma maxẽxü̃ i duü̃xü̃gü nüxü̃ daugügu i ngẽma yuexü̃ i naxchicüna̱xãgüpe̱xegu nuquegüxü̃, rü ãmarearü guruü̃gücüwagu nuquegüxü̃, rü guxü̃ma i ngüchitaerugüxü̃gu nuquegüxü̃, rü ma̱xpǘnegügu nuquegüxü̃, rü guxü̃ma i nai i taetaxü̃tüü̃gu nuquegüxü̃, rü guxü̃ma i castaña i taetaxü̃tüü̃gu nuquegüxü̃, rü ñu̱xũchi ngẽma nachicagü i norü naxchicüna̱xãgüca̱x pumarate̱xe íyagugüxü̃gu nuquegüxü̃, rü ngẽxguma ngẽmaxü̃ nadaugügu i ngẽma duü̃xü̃gü i íyaxügüxü̃ rü tá nüxü̃ nicua̱xãchitanü nax choma chixĩxü̃ ya Cori ya Tupana.

Auxexü̃chiga 4:9

Rü narümemae nixĩ nax daigu nayuexü̃ i duü̃xü̃gü rü tama taiyamaxã. Erü ngẽma taiyamaxã yuexü̃ rü ngúxü̃ ningegümare. Rü tama paxa nayue erü nangearü õnaã̱xgü.

Yeremía 25:33

Rü ngẽma ngunexü̃gu rü ngẽma duü̃xü̃gü i Cori ya Tupana daixü̃ rü guxü̃wama i ñoma i naanegu tá nawoone. Rü taxúetama naxca̱x taxauxe, rü taxúetama texe tanade i ngẽma naxü̃negü nax itanata̱xgüxü̃ca̱x. Rü ñoma naü̃rüxü̃ tá waixü̃müanewa nawogümare.

Yeremía 18:21

Rü ngẽmaca̱x i ñu̱xma rü cuxna naxca̱x chaca nax taiyamaxã rü taramaxã nayuexü̃ i nanegü rü naxacügü i ngẽma duü̃xü̃gü i chixexü̃ chomaxã ügüxü̃ rü ngẽma naxma̱xgü rü ngẽnegüxü̃ rü ngetegüxü̃ íyaxügüxü̃ rü ngẽma nategü rü da̱xaweanemaxã nayue rü ngẽma norü ngextü̱xügü rü daigu nayue.

Yeremía 14:18

Rü ngẽxguma tá naanewa chaxũxgu, rü tá nüxü̃ chadau i ngẽma daigu yuexü̃ i duü̃xü̃gü. Rü ngẽxguma ĩanegu chaxücugu, rü tá nüxü̃ chadau i duü̃xü̃gü i taiyamaxã iyuetanüxü̃. Rü woo ngẽma orearü uruü̃gü, rü ngẽma chacherdótegü rü wüxi i nachixü̃ane i tama nüxü̃ nacua̱xgüxü̃wa tá nanagagü” —ñanagürü.

Norü taxre ga popera ga ãẽ̱xgacügüchiga 19:19

Rü ñu̱xmax, Pa Corix, Pa Torü Tupanax, ¡rü ngẽma Achíriaanearü ãẽ̱xgacüme̱xẽwa toxü̃ ínanguxü̃xẽxẽ nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

Ínachoxü̃xü̃chiga 14:18

Rü ngẽxguma Faraóü̃pe̱xewa rü guxü̃ma i ngẽma norü churaragüpe̱xewa chaugü chawe̱xgu nax ñuxãcü chaporaxü̃, rü nüma i Equítuanecüã̱xgü rü tá nüxü̃ nicua̱xãchitanü nax aixcüma Cori ya Tupana chixĩxü̃ —ñanagürü.

Ínachoxü̃xü̃chiga 14:4

Natürü i choma rü tá Faraóü̃xü̃ íchanataiãchiarü maxü̃ã̱xẽxẽ rü nüma rü tá pewe nangẽ. Rü ngẽxguma i choma rü Faraóü̃pe̱xewa rü guxü̃ma i norü churaragüpe̱xewa tá ichanawe̱x i chorü pora nax ngẽmaãcü nüxü̃ yacua̱xãchitanüxü̃ca̱x i ngẽma Equítuanecüã̱xgü nax choma rü aixcüma Cori ya Tupana chixĩxü̃ —ñanagürü.

Ínachoxü̃xü̃chiga 7:5

Rü ngẽxguma Equítuanecüã̱xgüxü̃ chanawe̱xgu i chorü pora rü marü íchanagaxü̃gu i Iraétanüxü̃, rü ñu̱xũchi nüma i Equítuanecüã̱xgü rü tá nüxü̃ nicua̱xãchitanü nax aixcüma choma yixĩxü̃ ya Cori ya Tupana —ñanagürü.

Echequié 6:6

Rü guxü̃ma i ngẽma naane i nawa pemaxẽxü̃arü ĩanegü rü tá inayarüxo. Rü ngẽma perü tupananetagüarü ãmarearü guruü̃gü rü tá nagu nipogügü. Rü ngẽmaãcü i ngẽma ãmarearü guruü̃gü rü tá noxtacüma nayarüxo. Rü ngẽma perü tupananetachicüna̱xãgü rü íxraxü̃gu tá napoü̃gü. Rü ngẽma perü pumaraarü guruü̃gü rü tá niwa̱xgü. Rü guxü̃táma i ngẽma pema pexügüxü̃ rü tá inayarüxo.

Echequié 6:8

Rü tá nangẽxma i ñuxre i petanüxü̃ i taxũtáma yuexü̃. Natürü nümagü rü togü i nachixü̃anegügu tá nawoone.

Echequié 12:19

¡Rü ñaa nachixü̃anecüã̱xmaxã, rü Yerucharéü̃cüã̱xmaxã, rü ñu̱xũchi guxü̃ma i Iraétanüxü̃maxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Oegaãẽacüma tá penangõ̱x i pewemü, rü muü̃ãcüma tá peyaxaxü i perü dexá! Rü ñaa nachixü̃ane rü tá inayarüxo rü tá nangeãcu nagagu i ngẽma máeta i naxügüxü̃ i norü duü̃xü̃gü.

Echequié 20:26

Rü choma rü chanayexrü nax norü tupananetagüca̱x tüxü̃ ínagugüxü̃ca̱x ga guxema nanegü ga rüyamaegüxe. Rü yemaacü chanayexrü nax nügünatama ngechaü̃ naxãgüxü̃ca̱x rü nüxna nacua̱xãchiexü̃ca̱x nax choma yixĩxü̃ ya Cori ya norü Tupana —ñanagürü.

Echequié 22:16

Rü cugagu rü guxü̃ma i nachixü̃anegü rü tá chixri cuchiga nidexagü. Natürü ngẽmagagu rü cumax, Pa Yerucharéü̃x, rü tá nüxü̃ quicua̱xãchi nax choma yixĩxü̃ i Iraétanüxü̃arü Tupana —ñanagürü.

Echequié 32:15

Rü ngẽxguma tá chianexü̃xü̃ chayanguxuchixẽxẽgu i Equítuane rü marü nayuegu i ngẽma ngéma maxẽxü̃, rü ngẽxguma tá nüxü̃ picua̱xãchitanü nax choma yixĩxü̃ ya Cori ya Tupana.