Echequié 6:3 - Tupanaarü Ore

³ Rü ñacurügü tá: “¡Iperüxĩnüe, Pa Duü̃xü̃gü i Iraéanearü Máxpüxanexü̃wa Maxẽxü̃, i ñaa Cori ya Tupanaarü ore i pexca̱x ixĩxü̃ i pema i ma̱xpǘnegüwa maxẽxü̃, rü ngüchitaerugüwa maxẽxü̃, rü natügücutüwa maxẽxü̃, rü doxonexü̃güwa maxẽxü̃! Rü ñanagürü: Choma rü tá pexca̱x íchanangugüxẽxẽ i perü uanügü nax pexü̃ nada̱i̱xü̃ca̱x. Rü tá nagu chipogügü ya yima ĩpatagü ya ma̱xpǘnegüwa ngẽxmagüne ya nawa naxchicüna̱xãgüxü̃ picua̱xüü̃güne.

Echequié 6:3 Referans Kwoze

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Miquéa 6:2

Rü pema, Pa Ma̱xpǘnegü ya Taxü̃ne rü Íxrane, ¡iperüxĩnüe! Erü Cori ya Tupana rü pepe̱xewa tá nüxü̃ nixu i norü duü̃xü̃gü i Iraétanüxü̃arü chixexü̃.

Echequié 36:8

Natürü i pema, Pa Iraéanearü Ma̱xpǘnegüx, rü pewa tá narüxügü i muxü̃ma i nanetügü i taxü̃ i muarü oṍxü̃ naxca̱x i chorü duü̃xü̃gü i Iraétanüxü̃ i paxa tá pexca̱x woeguxü̃.

Yeremía 22:29

¡Pa Ñoma i Naanex, Pa Ñoma i Naanex, Pa Ñoma i Naanex! ¡Nüxü̃ naxĩnü i ngẽma Cori ya Tupanaarü ore!

Yeremía 3:23

Rü ngẽma Iraétanüxü̃ rü ñanagürügü: —Taxuwama toxü̃́ name nax ngüchitaerugüxü̃wa taxĩxü̃ rü ma̱xpǘnegüwa tayaxãũgatanüxü̃, erü cumax, Pa Torü Cori ya Tupanax, rü cuxicatama nixĩ i toxü̃ ícupoxü̃xü̃ nüxna i torü uanügü.

Yeremía 3:6

Rü yexguma Yochía ãẽ̱xgacü ixĩxgu ga Yudáanewa rü yexguma nixĩ ga Cori ya Tupana ga choxü̃ ñaxü̃: —¿Nüxü̃ cudauxü̃ i ngẽma naxügüxü̃ i ngẽma Iraéanecüã̱xgü i tama ixĩnüechaü̃xü̃? Rü nümagü rü guxü̃nema ya ma̱xpǘnegüwa, rü guxü̃ma i nai i imeetaxü̃tüü̃wa rü tupanachicüna̱xãxgüxü̃ nicua̱xüü̃gü. Rü ngẽmaãcü choxna nixĩgachi ñoma wüxi i nge i ngĩtena ngeãẽcürüxü̃.

Yeremía 2:20

Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Ichaía 30:25

Rü ngẽxguma ínanguxgu i ngẽma ngunexü̃ i nagu Cori ya Tupana tá tümaarü uanüxü̃ daixü̃ rü yima ĩanearü poxeguxü̃ tá niwa̱xgü. Rü guxü̃nema ya itaxü̃ne ya ma̱xpǘnegüwa rü ngüchitaeruxü̃wa tá inarüyaegü i natügü rü dexá i poraü̃chiüxü̃.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Nüxíraxü̃xü̃ ga popera ga ãẽ̱xgacügüchiga 14:23

Yerü nümagü ga duü̃xü̃gü rü wüxichigü ga ma̱xpǘnewa rü wüxichigü ga nai ga itaetaxü̃tüxü̃wa norü tupananetagüca̱x nanaxü ga norü cua̱xüxü̃chicagü. Rü yéma nanatogüxẽxẽ ga nutagü rü naixpǘtagü nax yemaxü̃ yacua̱xüü̃güxü̃ca̱x.

Amúx 7:9

Rü ngẽma ãmarearü guruü̃gü i nawa Iraétanüxü̃ norü tupananetagüca̱x ãmaregü igugüxü̃ rü tá chayanaxoxẽxẽ. Rü yima Iraétanüxü̃arü tupananetagüpataxü̃gü rü nagu tá chipogügü. Rü taramaxã tá chanadai i ngẽma Yeruboáü̃tanüxü̃ —ñanagürü ga Cori ya Tupana.

Miquéa 6:1

¡Nüxü̃ pexĩnüe i ngẽma ñu̱xma Cori ya Tupana nüxü̃ ixuxü̃ i ñaxü̃: —Inachi rü ma̱xpǘnegümaxã nüxü̃ ixu i ngẽma curü guxchaxü̃gü nax yima ma̱xpǘnegü nüxü̃ ĩnüexü̃ca̱x i ngẽma cuga! —ñaxü̃.