Echequié 5:9 - Tupanaarü Ore

⁹ Rü poraãcü tá pexü̃ chapoxcue erü poraãcü nachixexüchi i ngẽma pexüxü̃. Rü ngẽma poxcu i ñu̱xma tá pexca̱x íchanguxẽẽxü̃ rü yema poxcu ga ü̃pama namaxã pexü̃ chapoxcuxü̃arü yexera tá nixĩ. Rü ngẽmawena rü nataxutama i nangexgumaraxü̃xü̃ i poxcu.

Echequié 5:9 Referans Kwoze

Ore i mexü̃ ga Matéu ümatüxü̃ 24:21

Erü ngẽma ngunexü̃gügu rü poraãcü tá nangẽxma i ngúxü̃ ga noxri naane ixügügumama taguma yexmaxü̃, rü ngẽmawena rü tagutáma wena nangẽxma.

Danié 9:12

Rü yema nax toxca̱x núma cunamuxü̃ ga yema taxü̃ ga guxchaxü̃ rü yemamaxã cuyanguxẽxẽ ga yema poxcu ga tomaxã rü torü ãẽ̱xgacügümaxã cuxueguxü̃. Rü yema poxcu ga Yerucharéü̃na cunguxẽẽxü̃, rü taguma yemaacü cunapoxcu ga to ga ĩane.

Amúx 3:2

Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.

Auxexü̃chiga 4:9

Rü narümemae nixĩ nax daigu nayuexü̃ i duü̃xü̃gü rü tama taiyamaxã. Erü ngẽma taiyamaxã yuexü̃ rü ngúxü̃ ningegümare. Rü tama paxa nayue erü nangearü õnaã̱xgü.

Auxexü̃chiga 4:6

Rü ngẽma chixexü̃ i naxüxü̃ ya chorü ĩane ya Yerucharéü̃ rü Chodómaarü pecaduxü̃ narüyexeramae. Rü guma Chodóma rü Cori ya Tupana rü noxtacüma nayagu taxúema texé naxca̱x íyagoãchiãcü.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Echequié 33:29

Rü ngẽxguma chianexü̃xü̃ chayanguxuchixẽẽgu i Iraéchixü̃ane rü nachitaxü̃xicatama íchayaxüxẽẽgu nagagu i norü chixexü̃ i naxügüxü̃, rü ngẽxguma tá nixĩ i nüxü̃ yacua̱xãchiexü̃ nax choma chixĩxü̃ ya Cori ya Tupana”.