Echequié 5:8 - Tupanaarü Ore

⁸ Rü ngẽmaca̱x i choma ya Cori ya Tupana rü nüxü̃ chixu rü ñachagürü: ‘Choma rü tá ta pemaxã chanu, Pa Yerucharéü̃cüã̱xgüx, rü tá pexü̃ chapoxcue nape̱xewa i ngẽma togü i nachixü̃anecüã̱xgü.

Echequié 5:8 Referans Kwoze

Echequié 15:7

Choma rü tá chaugü chixu nax Yerucharéü̃arü uanü chixĩxü̃. Rü norü duü̃xü̃gü rü wüxi ya üxücha̱xwa tá nibuxmü, natürü nai ya üxü tá ínanagu. Rü ngẽxguma chaugü chixuxgu nax perü uanü chixĩxü̃, rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ i Cori ya Tupana.

Yeremía 24:9

Rü poraãcü tá chanapoxcue i ngẽma duü̃xü̃gü rü ngẽmaca̱x i ngẽma togü i nachixü̃anecüã̱xgü rü ngẽxguma ngẽmaxü̃ nadaugügu rü tá poraãcü namaxã naba̱i̱xãchie. Rü ngẽma nachixü̃anegü i nagu chanawoonexü̃wa rü duü̃xü̃gü rü tá nagu nidauxcüraxü̃gü rü nüxü̃ nacugüe rü nüxü̃ naxoe rü chixexü̃ namaxã nixugüe.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Yeremía 21:5

Rü chomatátama chorü poramaxã, rü taxü̃ i chorü numaxã tá pemaxã yigü tadai.

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Echequié 39:1

—Cumax, Pa Yatüx, ¡Chauégagu Góxmaxã nüxü̃ ixu i norü poxcuchiga rü ñacurügü nüxü̃! “Cori ya Tupana rü ñanagürü, ‘Pa Góx ya Ĩanegü ya Méchemaxã rü Tubáxmaxã Icuáxex, choma rü chaugü chixu nax curü uanü chixĩxü̃.

Echequié 35:3

Rü ñaa tá nixĩ i ngẽma ore i nüxü̃ quixuxü̃: “Cori ya Tupana rü ñanagürü: ‘Choma rü cumaxã nüxü̃ chixu, Pa Ma̱xpǘne ya Cheí, nax cumaxã charüxuanüxü̃. Rü tá cuxü̃ chapoxcu rü tá chianexü̃xü̃ chayanguxuchixẽxẽ i curü naane nax taxúema nawa maxü̃xü̃.

Echequié 28:22

¡Rü namaxã nüxü̃ ixu i ñaa ore rü ñacurügü! “Cori ya Tupana rü ñanagürü cuxü̃: ‘Pa Chidóü̃, choma rü cumaxã nüxü̃ chixu nax curü uanü chixĩxü̃. Rü ngẽxguma cuxü̃ chapoxcugu rü cuwa ichanawe̱xgu i chorü pora, rü ngẽma duü̃xü̃gü rü tá choxü̃ nicua̱xüü̃gü rü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana

Echequié 11:9

Rü pexü̃ tá íchamuxü̃ i nua Yerucharéü̃wa. Rü to i nachixü̃anecüã̱xgüna tá pexü̃ chamugü. Rü ngẽmaãcü tá perü chixexü̃gagu pexü̃ chapoxcu.

Auxexü̃chiga 3:3

Rü muẽ̱xpü̱xcüna guxü̃ma i oragu choxü̃ napoxcu.

Auxexü̃chiga 2:5

Rü nüma ga Cori ya Tupana rü ñoma wüxi i torü uanürüxü̃ nügü nixĩxẽxẽ. Rü nayachixexẽxẽ ga guxü̃nema ga ĩanegü ga Iraéanewa yexmagüne. Rü nagu napogü ga guxü̃nema ga norü ãẽ̱xgacügüpatagü rü nayawa̱xgüxẽxẽ ga guma ĩanegüarü poxeguxü̃tápü̱xgü. Rü yema naane ga mexẽchixü̃ ga Yudáane rü naxca̱x ínananguxẽxẽ ga guxchaxü̃gü rü axu ga nügüwe ãgüxü̃.

Yeremía 50:7

Rü yexguma yema Iraétanüxü̃xü̃ iyangaugügu ga yema norü uanügü rü nanadai. Rü ñanagürügü: “Tama tagagu nixĩ nax nada̱i̱xü̃. Nümagü rü Cori ya Tupanape̱xewa chixexü̃ naxügü. Rü nüxna nixĩgachitanü ya norü Tupana ga nüxü̃ rüngü̃xẽẽchirécü rü norü o̱xigüxü̃ rüngü̃xẽẽcü”, ñanagürügü.

Wenaxarü naxümatü ga Tupanaarü mugü 29:20

Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 13:8

Rü ngẽmaca̱x i choma i Cori ya Tupana rü ñachagürü pexü̃: ‘Rü ñu̱xma nax doraxü̃ pixugüxü̃, rü ñu̱xũchi ngẽma nüxü̃ pidaugüxü̃ rü tama aixcüma nax yixĩxü̃, rü ngẽmaca̱x i choma rü pemaxã chanu. Rü choma ya Cori ya Tupana nixĩ i nüxü̃ chixuxü̃ i ngẽma’.

Echequié 30:19

Rü ngẽxguma tá chanapoxcuegu i Equítuanecüã̱xgü nagagu i norü chixexü̃gü, rü ngẽxguma tá nixĩ i nüxü̃ yacua̱xãchitanüxü̃ nax choma yixĩxü̃ ya Cori ya Tupana’ ” —ñanagürü.

Echequié 34:10

Rü choma ya Cori ya Tupana rü ñachagürü pexü̃, Pa Chorü Carnérugüarü Dauruü̃güx: Choma rü pemaxã ícharüxuanü. Rü tá pexna chaca i chorü carnérugüchiga, rü tá pexna chanayaxu i ngẽma puracü nax chorü carnérugüarü dauruü̃gü pixĩgüxü̃. Rü ngẽmaãcü taxũtáma nüxna pedaugü rü taxũtáma namachimaxã pexãwemügü” —ñanagürü.

Naúü̃ 2:13

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü tá íchanagu i curü carugü i dairuxü̃, rü tanimacaxü̃ tá chayaxĩxẽẽgü. Rü tá chanadai i cuxacügü rü ngẽxma tá nixĩ i yanaxoxü̃ nax curü naanewa nangĩ́xta̱xagüxü̃. Rü taxũtáma texé nüxü̃ taxĩnü i curü ãẽ̱xgacüarü orearü ngeruü̃gü —ñanagürü.

Echequié 16:41

Rü tá ínanagugü ya cupatagü. Rü ñu̱xũchi muxü̃tama i ngexü̃güpe̱xewa tá cuxü̃ napoxcugü. Rü ngẽxma tá chayagu̱xẽxẽ nax cungeãẽxü̃. Rü marü taxũtáma nüxü̃́ cunaxütanügü ga yema namaxã cungeãẽgüxü̃.