Echequié 5:16 - Tupanaarü Ore

¹⁶ Rü choma rü taxü̃tama i taiya tá pexca̱x íchanguxẽxẽ rü ñoma naxnegü ya pexü̃ daixü̃nerüxü̃ tá nixĩ. Rü ngẽma taiya rü tá poraãcü nitachigü rü tá pengebüe rü ngẽmagagu tá düxwa peyue.

Echequié 5:16 Referans Kwoze

Echequié 4:16

Rü yemawena rü choxü̃ ñanagürü: —Yerucharéü̃arü ĩanewa rü tá chanatauxẽxẽ i õnagü. Rü ngẽma õna rü nügü tá nayaxíxra rü ngẽmaãcü tá ngechaü̃ãcü nanangõ̱xgü i duü̃xü̃gü. Rü ngẽma dexá rü ngugügumarexü̃ tá nixĩ, rü oegaãẽãcüma tá nayaxagü.

Auxexü̃chiga 3:12

Rü nüma rü ngúxü̃ choxü̃ ningexẽxẽ, ñoma norü würamaxã choxü̃ namaxü̃xü̃rüxü̃.

Ichaía 3:1

¡Dücax, pexuãẽgü! Cori ya Tupana ya Guxãétüwa Ngẽxmacü rü Yerucharéü̃wa rü Yudáanewa tá nanatauxẽxẽ i guxü̃ma i ta̱xacü ingṍxü̃ i õna rü dexá.

Wiyaegü 7:13

Rü nüma ya Tupana rü marü ínanaxüxü̃ ya naxnegü ya iya̱u̱xramagugǘne. Rü marü ínamemare ya yima naxnegü ya tüxü̃ imáxü̃ne.

Norü taxre ga popera ga ãẽ̱xgacügüchiga 6:25

Rü taxucürüwa texé guma ĩanewa ítaxũxũ rü tixücu, rü yemaca̱x düxwa nigu̱xgü ga nawemügü rü poraãcü taiya nangu̱x ga Chamáriawa. Rü wüxi ga búrueru rü naxãtanü ga 80 tachinü ga diẽru. Rü wüxi ga litruarü ngãxü̃arü ngãxü̃ nagune ga muxtucuü̃ rü naxãtanü ga 5 tachinü ga diẽru.

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Yeremía 52:6

Rü gumá taunecüarü ãgümücüarü tauemacüarü 9 ga ngunexü̃gu rü poraãcü taiya ínangu ga guma ĩanewa. Rü duü̃xü̃gü rü nüxü̃́ nataxuma ga õna.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 5:17

Rü aixcüma pexca̱x tá íchananguxẽxẽ i taiya rü da̱xaweane rü yu. Rü ngéma tá chanamugü i aigü i pexacügü tüxü̃ ngõ̱xcuxü̃. Rü ngẽxgumarüxü̃ ta ngéma tá chanamugü i perü uanügü nax daigu peyuexü̃ca̱x. Rü choma ya Cori ya Tupana nixĩ i chanaxunagüxü̃ i ngẽma’ ” —ñanagürü.