Echequié 5:10 - Tupanaarü Ore

¹⁰ Curü duü̃xü̃gütanüwa, Pa Yerucharéü̃x, rü tá nangẽxma i duü̃xü̃gü i nanegüxü̃ tátama ngõ̱xgüxü̃, rü nanegü i nanatügüxü̃ tátama ngõ̱xgüxü̃. Rü cuxü̃ tá chapoxcu, Pa Yerucharéü̃x, rü ngẽma duü̃xü̃gü i maxẽxü̃ i íyaxügüxü̃ rü guxü̃ i naanegu tá chanawoone.

Echequié 5:10 Referans Kwoze

Chacaría 2:6

Rü nüma ya Tupana rü ñanagürü: —Choma nixĩ ga guxü̃ma ga togü ga nachixü̃anegügu pexü̃ chawoonexü̃. Natürü i ñu̱xmax rü pexü̃ chamu nax nawa ípechoxü̃xü̃ ya yima ĩane ya Babirónia rü Chióü̃ca̱x piwoeguxü̃. ¡Rü pibuxmü i naxme̱xwa i ngẽma nachixü̃ane i nórtewa ngẽxmaxü̃! Rü choma ya Iraéanearü Tupana nixĩ i pexü̃ chamuxü̃ —ñanagürü.

Echequié 12:14

Rü guxü̃ i naanegu tá chanawoone i ngẽma norü dauruü̃gü i ínachomaegugüxü̃ nax ínapoxü̃güãxü̃ca̱x. Rü ngẽxgumarüxü̃ tá ta chanawoone i ngẽma togü i norü churaragü. Rü ngẽma cho̱xme̱xgu chingexü̃ i taramaxã tá nawe change.

Yeremía 19:9

Rü daa ĩane ya Yerucharéü̃wa tá chanamugü i norü uanügü rü tá nüxü̃ ínachomaeguãchi. Rü ngẽmaca̱x taxucürüwa ngextá naxĩ ya yimá ĩanecüã̱x. Rü ngẽmagagu taiya tá naxca̱x ínangu rü ngẽmaca̱x i ngẽma duü̃xü̃gü rü düxwa tá naxacüxegü tüxü̃ nangõ̱xgü, rü nügütátama nangõ̱xcue”, ñacurügü tá nüxü̃.

Wenaxarü naxümatü ga Tupanaarü mugü 28:64

Rü nüma ya Cori ya Tupana rü togü i nachixü̃anegü i yáxü̃wa ngẽxmagüxü̃gu tá nanawoone. Rü ngẽma nachixü̃anegüwa rü tá nüxü̃ nicua̱xü̃gü i tupananetagü i nainaxca̱x rü nutanaxca̱x ga woo cuma rü woo curü o̱xigü taguma nüxü̃ cua̱xgüxü̃.

Lebítanüxü̃arü puracüchiga 26:29

Rü ngẽxguma i pema rü perü taiyamaxã tá penegümaxã rü pexacümaxã pexãwemügü.

Echequié 36:19

Rü yema norü poxcu ga naxca̱x íchanguxẽẽxü̃ nagagu ga yema chixexü̃ ga naxügüxü̃, rü yemaca̱x nixĩ nax togü ga nachixü̃anegügu chanawoonexü̃.

Echequié 5:2

Rü ngẽxguma marü yapugüãgu ya yima ĩane ya Yerucharéü̃ ¡rü ngẽma tomaepü̱xtücumü i cuyaewa nayaxu i wüxitücumü, rü ĩanearü ngãxü̃wa yagu! ¡Ngẽmawena rü nayaxu i ngẽma norü taxretücumü i cuyae! ¡Rü wüxi ya cüxchimaxã yima ĩanecüwagu yawíü̃güchigü! ¡Rü ngẽma norü tomaepü̱xtücumü i cuyae rü buanecügu nawogü! Rü choma rü yimá ĩanecüã̱xgü i duü̃xü̃güweama tá chixũchigü namaxã i wüxi i tara i cho̱xme̱xgu tá chingexü̃.

Wiyaegü 44:11

Rü cuma rü nüxna toxü̃ cumugü ñoma carnérugü i daiwa nagagüxü̃rüxü̃. Rü ngẽma togü i nachixü̃anegu toxü̃ cuwoonemare.

Amúx 9:9

Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Echequié 22:15

Rü guxü̃ i nachixü̃anegügu tá chanawoone i curü duü̃xü̃gü nax ngéma nangẽxmagüxü̃ca̱x. Rü ngẽmaãcü tá meama íchanapigü i ngẽma curü pecadugü.

Echequié 6:8

Rü tá nangẽxma i ñuxre i petanüxü̃ i taxũtáma yuexü̃. Natürü nümagü rü togü i nachixü̃anegügu tá nawoone.

Echequié 5:12

Rü wüxi i norü tomaepü̱xtücumü i curü duü̃xü̃gü rü da̱xaweanemaxã rü taiyamaxã tá cugu nayue, Pa Yerucharéü̃x. Rü ngẽma to i tomaepü̱xtücumü rü cucüwagu tá norü uanügü nanadai. Rü ngẽma to i tomaepü̱xtücumü i íyaxügüxü̃ rü guxü̃ i naanegu tá chanawoone. Rü choma rü tá ngẽma duü̃xü̃güweama chixũchigü namaxã i wüxi i tara i cho̱xme̱xgu tá chingexü̃.

Auxexü̃chiga 4:10

Rü yema nax nataxuxü̃ ga õna, rü yemaca̱x ga yema ngexü̃gü ga mamagü ga naxacügüxü̃ ngechaxü̃güchirexü̃ rü düxwa naxacü tüxü̃ nadai nax tüxü̃ namuxragüxü̃ca̱x nax yemaacü tümamaxã naxãwemügüxü̃ca̱x ga yexguma nagu napogüegu ga Yerucharéü̃.

Auxexü̃chiga 2:20

¡Dücax, mea nagu rüxĩnü Pa Corix, nax cuma rü taguma texémaxã ngẽma cuxüxü̃! ¿Ẽ̱xna cunaxwa̱xe nax mamagü rü naxacügü ya tüxü̃ namaigüxemaxã naxãwemügüxü̃? ¿Ẽ̱xna cunaxwa̱xe nax curü chacherdótegü rü curü orearü uruü̃gü cupatagu nadaiaxü̃?

Yeremía 9:16

Rü nagu tá chanawoone i nachixü̃anegü i nümagü rü nanatügü rü woo norü o̱xigü tama nüxü̃ cua̱xgüxü̃. Rü norü uanügü rü taramaxã tá nawe changegüxẽxẽ nax nadaiaxü̃ca̱x nax ngẽmaãcü bai i wüxi íyaxüxü̃ca̱x” —ñanagürü ga Cori ya Tupana.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Echequié 20:23

Rü yema ínachianexü̃wa rü namaxã chanaxuegu nax guxü̃ma i nachixü̃anegü i ñoma i naanewa ngẽxmagüxü̃gu tá chanawoonexü̃.

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Yeremía 44:12

Rü guxãma i pema i Yudátanüxü̃ i íyaxügüxe i Equítuanewa ĩxchaü̃xe nax ngéma pemaxẽxü̃ca̱x rü ngẽxma pexãchiü̃xü̃ca̱x rü tá pexü̃ ichayarüxoxẽxẽ. Rü guxãma i pema rü woo ngẽma buxü̃gü rü ñu̱xmata ngẽma iyaexü̃wa nangu, rü tá peyue nagu i ngẽma dai rü taiya. Rü ngẽmaãcü wüxi i cua̱xruxü̃ tá pixĩgü naxca̱x i ngẽma togü i nachixü̃anegü. Rü tá chixexü̃maxã pexü̃ narüdaunü, rü tá pexü̃ nacugüe, rü tá pexü̃ naxo.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Neemía 1:8

¡Rü nüxna nacua̱xãchi i curü ore i Moichémaxã nüxü̃ quixuxü̃! Erü cuma rü nüxü̃ quixu rü ngẽxguma toma chixexü̃ cupe̱xewa taxü̱xgu rü tá togü i nachixü̃anegügu toxü̃ cuwoonemare, natürü ngẽxguma chi wena cuxca̱x tawoeguxgu rü aixcüma nagu tamaxẽgu i curü mugü, rü woo ñoma i naane íyacuáxü̃gu tawoonegu, rü cuma rü chi tochixü̃aneca̱x toxü̃ cuyagagü, rü ngẽma nachica i üünexü̃ i cumatama nüxü̃ cuxunetaxü̃ nax nawa cungexmaxü̃wa wenaxarü toxü̃ cugagüxü̃ca̱x.

Norü taxre ga popera ga ãẽ̱xgacügüchiga 6:29

Rü ngẽmaca̱x tüxü̃ tamuxra ya chaune rü tüxü̃ tangõ̱x. Rü moxü̃ãcü rü ngĩxna nüxü̃ chacua̱xãchixẽxẽ nax ngĩne tüxü̃ namuxü̃ nax tüxü̃ tangṍxü̃ca̱x. Natürü i ngĩma rü ngĩnexü̃ iyacu̱x —ngĩgürügü ga yema nge.

Wenaxarü naxümatü ga Tupanaarü mugü 32:26

Rü ngẽma nagu charüxĩnüxü̃ nixĩ nax chanawoanemarexü̃ i ngẽma duü̃xü̃gü nax ngẽmaãcü iyanaxoxü̃ca̱x i naéga i ñoma i naanewa.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Yeremía 13:14

Rü ngẽmawena i choma rü tá nügü chanadaixẽxẽ i ngẽma duü̃xü̃gü. Rü ñoma tüxü̃ yapuxẽẽxü̃rüxü̃ tá nügü nixĩgüxẽxẽ. Rü ngẽxgumarüxü̃ ta i ngẽma nanatügü rü nanegümaxã tá nügü nadai. Rü taxũtáma choxü̃́ nangechaxü̃tümüxü̃gü. Rü taxũtáma nüxü̃́ nüxü̃ charüngüma i norü chixexü̃ i naxügüxü̃. Rü choma rü tá ichayanaxoxẽxẽ, rü taxũtáma nüxü̃ changechaü̃. Rü chomatama ya Cori ya Tupana nixĩ i nüxü̃ chixuxü̃ i ngẽma’ ” —ñanagürü ya Cori ya Tupana.

Yeremía 49:32

¡Rü naxca̱x pengĩ́e i norü caméyugü rü guxü̃ma i norü wocagü! Rü choma rü guxü̃ i nachixü̃anegügu tá chanawoone i ngẽma duü̃xü̃gü i nügü idücatügüxü̃. Rü tá naxca̱x íchananguxẽxẽ i taxü̃ i guxchaxü̃gü i guxü̃ i nachixü̃anegüwa ne ĩxü̃. Rü choma ya Cori ya Tupana nixĩ i ngẽma ñachaxü̃.

Yeremía 49:36

Rü Eráü̃arü duü̃xü̃güca̱x tá íchanangugüxẽxẽ i norü uanügü i ñoma buanecügü ya guxü̃cüwawa ne ĩcürüxü̃. Rü ngẽmaãcü guxü̃ i nachixü̃anegügu tá chanawoonexẽxẽ i ngẽma Eráü̃tanüxü̃. Rü ngẽmaãcü guxü̃ i nachixü̃anegu tá nawoonemare.

Auxexü̃chiga 4:3

Rü ngẽma naixnecücüã̱x i airugü rü naxacü tüxü̃ nimaigü, natürü ngẽma duü̃xü̃gü i Yerucharéü̃cüã̱xgü rü tama ngechaü̃xü̃ nacua̱xgü naxrüxü̃ i ngẽma abetrú i nacharaü̃ chianexü̃wa wogümarexü̃.

Echequié 17:21

Rü ngẽma rüporamaegüxü̃ i norü churaragü rü daigu tá nayue. Rü ngẽma maxẽxü̃ i íyaxügüxü̃ rü guxü̃ i ñoma i naanegu tá chanawoone. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma ya Cori ya Tupana chixĩxü̃ i pemaxã nüxü̃ chixuxü̃ i ngẽma”.

Auxexü̃chiga 4:16

Rü nümatama ga Cori ya Tupana rü nanawoonemare, rü tama nüxü̃ narüngü̃xẽxẽ. Rü taxúema naga taxĩnüe ga yema chacherdótegü rü taxúema nüxü̃ tangechaü̃ ga yema ãẽ̱xgacügü.

Echequié 12:15

Rü ngẽxguma marü to i nachixü̃anegügu chanawoonegu tá nixĩ i nüxü̃ yacua̱xãchitanüxü̃ nax choma chixĩxü̃ ya Cori ya Tupana.

Danié 9:7

Rü cumax, Pa Cori Pa Tupanax, rü aixcümacü quixĩ. Rü ngẽmaca̱x poraãcü cupe̱xewa taxãnee i toma i Yerucharéü̃cüã̱xgü, rü ngẽma togü i totanüxü̃ i Iraétanüxü̃ i ngaicamawa rü yáxü̃wa to i nachixü̃anegu cuwoonexü̃ nagagu nax tama cuga naxĩnüexü̃.