Echequié 48:30 - Tupanaarü Ore

^30-31 Yima ĩane ya Yerucharéü̃ rü tá nüxü̃́ nangẽxma i norü poxeguxü̃tápü̱x i 2,250 metru ixüxü̃ i wüxichigü i nacüwagü. Rü wüxichigü i norü ãgümücü i nacüwawa rü tá nangẽxma i tomaepü̱x i norü ĩã̱xgü. Rü wüxichigü i ngẽma ĩã̱xgü rü tá Iraétücumügu nixãéga. Rü ngẽma naxtapü̱x i nórtewa üxü̃arü ĩã̱xgü rü Rubéü̃gu rü Yudágu rü Lebígu tá nixãéga.

Echequié 48:30 Referans Kwoze

Echequié 48:16

Rü ngẽma naane i ĩane nagu üxü̃ rü norü guxü̃cüwawa rü 2,000 rü naétü 250 metru tá nixĩ i norü ma̱x. Rü ngẽma ãgümücü i nacüwagü rü nawüxigu i norü mã̱xwa.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:16

Rü guma ĩane rü nawüxigumare ga guxü̃cüwawa. Rü norü ma̱x rü nawüxigumare namaxã ga norü tatachinü. Rü yema orearü ngeruxü̃ rü yema úirumena̱xãmaxã nanangugü ga guma ĩane. Rü 2,200 quirumétru nixĩ ga norü ma̱x. Rü yexgumarüxü̃ ta 2,200 quirumétru nixĩ ga norü tatachinü. Rü 2,200 quirumétru ta nixĩ ga norü máchane.

Echequié 42:11

Rü yema ucapugüpe̱xewa nayexma ga norü namaxacü yema ucapugü ga nórtewa ügüxü̃rüü̃tama. Rü yema nórtewa ügüxü̃ ga ucapugüarü ma̱x rü norü tatachinü nüxü̃́ nayexmagü. Rü yema nórtewa ügüxü̃rüxü̃ nüxü̃́ nayexmagü ga norü ücuchicagü rü norü ũxü̃chicagü.

Echequié 45:6

Rü ngẽxgumarüxü̃ tá ta nacüwawa i ngẽma naane i üünexü̃ rü tá ípenaxüxüchi i to i naane i 12 quirumétruarü ngãxü̃ i norü ma̱x rü taxre i quirumétruarü ngãxü̃ i norü tatachinü. Rü ngẽma naane rü guxü̃ma i duü̃xü̃gü i Iraétanüxü̃ca̱x tá nixĩ.

Naanearü ügüchiga 35:23

Rü Acóbu nanegü rü 12 nixĩ. Rü gumá Léawaü̃gücü rü Rubéü̃ nixĩ ga Acóbu nane ga yacü. Rü naenexẽgü nixĩ ga Chimeóü̃, rü Lebí, rü Yudá, rü Ichacá, rü Chaburóü̃.