Echequié 48:15 - Tupanaarü Ore

¹⁵ Natürü ngẽma naane i íyaxüxü̃ i 12 quirumétruarü ngãxü̃ i norü ma̱x rü 2 quirumétruarü ngãxü̃ i norü tatachinü, rü ngexerüxüeca̱xmare nixĩ. Rü ngẽma naane rü name nax duü̃xü̃gü nagu üpataxü̃, rü ngẽmawa nüxü̃́ nangẽxmagüxü̃ i norü wocachitaü̃gü. Rü ngẽma naanearü ngãxü̃wa tá nixĩ i nangẽxmaxü̃ ya ĩane.

Echequié 48:15 Referans Kwoze

Echequié 45:6

Rü ngẽxgumarüxü̃ tá ta nacüwawa i ngẽma naane i üünexü̃ rü tá ípenaxüxüchi i to i naane i 12 quirumétruarü ngãxü̃ i norü ma̱x rü taxre i quirumétruarü ngãxü̃ i norü tatachinü. Rü ngẽma naane rü guxü̃ma i duü̃xü̃gü i Iraétanüxü̃ca̱x tá nixĩ.

Echequié 42:20

Rü guxü̃ma ga norü ãgümücücüwa ga yema naane rü nanangu. Rü yema naane ga Tupanapata ga taxü̃ne nagu üxü̃ rü norü wüxicüwawachigü rü nüxü̃́ nayexma ga norü poxeguxü̃ ga 250 metru ga norü ma̱x. Rü yema norü poxeguxü̃ nixĩ ga yema Tupanapata ga taxü̃nearü naane ga üünexü̃ yáxü̃guxẽẽxü̃ nüxna ga yema naane ga düxétüwa yexmaxü̃ ga tama üünexü̃.

Echequié 44:23

Rü ngẽma chacherdótegü rü nanaxwa̱xe nax chorü duü̃xü̃güxü̃ nangúexẽẽxü̃ nax nüxü̃ nacua̱xgüxü̃ca̱x nax ngexü̃ yixĩxü̃ i ngẽma üünexü̃ rü ñu̱xũchi ngexü̃ yixĩxü̃ i ngẽma chixexü̃. Rü ngẽxgumarüxü̃ ta nanaxwa̱xe nax nangúexẽẽãxü̃ nax ngexü̃ yixĩxü̃ i ngẽma chope̱xewa mexü̃ rü ngexü̃ yixĩxü̃ i ngẽma chope̱xewa ãũãchixü̃.

Echequié 22:26

Rü ngẽma curü chacherdótegü rü ínayatoxẽẽgü i ngẽma chorü ngu̱xẽẽtaegü rü nanaxãũãchigü i ngẽma chorü ngẽmaxü̃gü i üünegüxü̃. Rü naxca̱x nawüxigu i ngẽma tama mexü̃ rü ngẽma üünexü̃. Rü tama toguxexü̃ nangúexẽxẽ i ta̱xacü nixĩ i chope̱xewa mexü̃ rü ta̱xacü nixĩ i chope̱xewa ãũãchixü̃. Rü tama nanaxaure i chorü ngü̃chigarü ngunexü̃gü. Rü tama choxü̃ nicua̱xüü̃gü.