Echequié 48:14 - Tupanaarü Ore

¹⁴ Rü ngẽma naane rü guxü̃ma i to i naane i Iraéanewa ngẽxmagüxü̃xü̃ narümemae. Rü woo íxraxü̃ i ngẽma naane rü taxucürüwa namaxã tataxe rüe̱xna ta̱xacümaxã tanaxüchicüü rüe̱xna texéna tanaxã. Erü ngẽma naane rü Cori ya Tupanaarü nixĩ.

Echequié 48:14 Referans Kwoze

Lebítanüxü̃arü puracüchiga 27:28

Rü ngẽxguma texé ta̱xacü Tupanana ãxgu nax noxrüxicatama yixĩxü̃ca̱x, rü taxucürüwa wena namaxã tataxe rüe̱xna naxca̱x tataxe. Rü woo ega tümaarü duü̃xü̃gü yixĩxgu, rüe̱xna tümaxü̃nagü yixĩxgu, rüe̱xna tümaarü naanegü i noxri tümanatüarü ixĩxü̃ yixĩxgu, rü taxucürüwa wena namaxã tataxe rüe̱xna naxca̱x tataxe. Erü ngẽma Cori ya Tupanana ixãxü̃ nax guxü̃gutáma noxrü ixĩxü̃ rü naxüüne.

Echequié 48:12

Rü ngẽmaca̱x i ngẽma chacherdótegü rü tá nüxü̃́ nangẽxma i norü naane nawa i ngẽma naane i üünexü̃ i Cori ya Tupanaarü ixĩxü̃. Rü ngẽma naane rü wüxi i naane i guxü̃ma i naanegüxü̃ rüxüünemaexü̃ nixĩ. Rü ngẽma naane rü Lebítanüxü̃güarü naanecüwawa tá nangẽxma.

Lebítanüxü̃arü puracüchiga 25:34

Rü ngẽma naanegü i naxü̃nagübü nawa rüxügüxü̃ i Lebítanüxü̃arü ĩanegüwa ngẽxmagüxü̃, rü taxucürüwama namaxã tataxe. Erü ngẽma naanegü rü guxü̃gutáma noxrü nixĩgü.

Lebítanüxü̃arü puracüchiga 23:20

Rü nüma ya chacherdóte rü Cori ya Tupanape̱xewa tá nayachü̱xüxacüüxẽxẽ i ngẽma naxü̃nagü wüxigu namaxã i ngẽma paũ i nüxíra buxuxü̃ i triguwa üxü̃. Rü ngẽma tá nixĩ i ãmaregü i namaxã Tupanaxü̃ yacua̱xüü̃güxü̃. Rü guxü̃ma i ngẽma ãmaregü rü chacherdótearü tá nixĩ.

Ínachoxü̃xü̃chiga 22:29

Rü ngẽma penetügüarü o i choxna üxü̃, rü name nixĩ i paxa choxna penaxã. Rü ngẽxgumarüxü̃ ta i perü úbachiüwa rü chanaxwa̱xe i paxa choxna penaxã i ngẽma choxna üxü̃. Rü yimá nüxíraü̃cü ya pene ya woetama choxna ücü, rü name nixĩ i chopatawa naxca̱x penaxütanü i ngẽma choma nagu chaxunetaxü̃.

Romanos 8:23

Rü tama ñaa naanexicatama nixĩ i ngúxü̃ ingexü̃ i ñu̱xma, natürü yixema i tüxü̃́ ngẽxmaxü̃ i Tupanaãxẽ ya Üünexü̃ rü ta ngúxü̃ tingegü. Rü ñu̱xma nax tüxü̃́ nangẽxmaxü̃ i Naãxẽ ya Üünexü̃ ya Tupana tüxna muxü̃, rü ngẽma nixĩ i norü ügü i ngẽma mexü̃gü ya Tupana tüxna ãxchaü̃xü̃ i daxũguxü̃ i naanewa. Rü ñu̱xma rü ítanangu̱xẽxẽ nax Tupana tüxü̃ dexü̃ rü ngexwaca̱xü̃xü̃ i taxü̃negü tüxna naxãxü̃.

Lebítanüxü̃arü puracüchiga 25:32

Rü Lebítanüxü̃ rü guxü̃guma nüxü̃́ nangẽxma i tauxcha nax wena naxca̱x nataxexü̃ ya ĩpatagü ya norü ĩanegüarü aixepewa ngẽxmagüne.

Echequié 48:13

Rü ngẽma chacherdótegüarü naanecüwawa rü ngẽma Lebítanüxü̃ tá nüxü̃́ nangẽxma i norü naane. Rü ngẽma naane rü 12 quirumétruarü ngãxü̃ tá nixĩ i norü ma̱x, rü norü tatachinü rü 5 quirumétru tá nixĩ. Rü guxü̃wama i ngẽma naane i üünexü̃ i Cori ya Tupanaarü ixĩxü̃ rü tá nüxü̃́ nangẽxma i 12 quirumétruarü ngãxü̃ i norü ma̱x, rü 10 quirumétru i norü tatachinü.

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!