Echequié 48:13 - Tupanaarü Ore

¹³ Rü ngẽma chacherdótegüarü naanecüwawa rü ngẽma Lebítanüxü̃ tá nüxü̃́ nangẽxma i norü naane. Rü ngẽma naane rü 12 quirumétruarü ngãxü̃ tá nixĩ i norü ma̱x, rü norü tatachinü rü 5 quirumétru tá nixĩ. Rü guxü̃wama i ngẽma naane i üünexü̃ i Cori ya Tupanaarü ixĩxü̃ rü tá nüxü̃́ nangẽxma i 12 quirumétruarü ngãxü̃ i norü ma̱x, rü 10 quirumétru i norü tatachinü.

Echequié 48:13 Referans Kwoze

Ore i mexü̃ ga Luca ümatüxü̃ 10:7

¡Rü wüxi ya ĩpatagutama perücho, rü ngéma pechibüe rü peyaxaxü̱x i ngẽma nüxü̃́ ngẽxmaxü̃ i ngẽma ĩpatacüã̱xgü! Erü wüxi i puracütanüxü̃ rü name nixĩ nax naya̱u̱xãxü̃ i norü natanü naxca̱x i norü puracü. Rü yima ĩanewa pengẽxmagüyane rü tama chanaxwa̱xe i nai ya ĩgu peyapegü.

Echequié 45:5

Rü ngẽxgumarüxü̃ tá ta nixĩ i ngẽma to i norü ngãxü̃ i ngẽma naane. Rü 12 i quirumétruarü ngãxü̃ tá nixĩ i norü ma̱x rü 5 quirumétru i norü tatachinü. Rü ngẽma naane rü ngẽma Lebítanüxü̃ i Tupanapatawa puracüexü̃arü tá nixĩ nax ngẽmaãcü i nümagü rü nüxü̃́ nangẽxmaxü̃ca̱x ya norü ĩanegü ya nawa namaxẽne.

Echequié 45:3

Rü ngẽma naane ya Cori ya Tupanaca̱x ípexüxüchixü̃ rü 12 quirumétruarü ngãxü̃ tá nixĩ i norü ma̱x rü 5 quirumétru tá nixĩ i norü tatachinü. Rü ngẽma naane ya Cori ya Tupanaca̱x ípexüxüchixü̃ rü wüxi i naane i yexera üünexü̃ tá nixĩ. Rü ngẽxma tá nixĩ i naxüxü̃ ya Cori ya Tupanapata.

Wenaxarü naxümatü ga Tupanaarü mugü 12:19

Rü ngẽxguma ngẽma naanewa pemaxẽyane ¡rü taxṹ i nüxü̃ perüngümaexü̃ i ngẽma Lebítanüxü̃!

Echequié 48:12

Rü ngẽmaca̱x i ngẽma chacherdótegü rü tá nüxü̃́ nangẽxma i norü naane nawa i ngẽma naane i üünexü̃ i Cori ya Tupanaarü ixĩxü̃. Rü ngẽma naane rü wüxi i naane i guxü̃ma i naanegüxü̃ rüxüünemaexü̃ nixĩ. Rü ngẽma naane rü Lebítanüxü̃güarü naanecüwawa tá nangẽxma.

Echequié 48:14

Rü ngẽma naane rü guxü̃ma i to i naane i Iraéanewa ngẽxmagüxü̃xü̃ narümemae. Rü woo íxraxü̃ i ngẽma naane rü taxucürüwa namaxã tataxe rüe̱xna ta̱xacümaxã tanaxüchicüü rüe̱xna texéna tanaxã. Erü ngẽma naane rü Cori ya Tupanaarü nixĩ.

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!

Lebítanüxü̃arü puracüchiga 25:34

Rü ngẽma naanegü i naxü̃nagübü nawa rüxügüxü̃ i Lebítanüxü̃arü ĩanegüwa ngẽxmagüxü̃, rü taxucürüwama namaxã tataxe. Erü ngẽma naanegü rü guxü̃gutáma noxrü nixĩgü.