Echequié 48:11 - Tupanaarü Ore

¹¹ Rü ngẽma naane rü ngẽma chacherdótegü i Chadóxtaagü i choma ya Cori ya Tupana nüxü̃ unetaxü̃ca̱x tá nixĩ. Rü nümagü rü tama yema Lebítanüxü̃rüxü̃ choxna nixĩgachi ga yexguma Iraétanüxü̃ choxna ixĩgachigu. Rü nümagü ga yema chacherdótegü rü nanaxügüama ga chorü puracü.

Echequié 48:11 Referans Kwoze

Echequié 44:10

Rü yema Lebítanüxü̃ ga choxna ixĩgachitanüxü̃ ga yexguma Iraéanecüã̱x choxna ixĩgachitanügu nax yema tupananetachicüna̱xãgüxü̃ yacua̱xüü̃güxü̃ca̱x, rü ngẽma Lebítanüxü̃ rü tá nanaxütanügü ga yema pecadu ga naxügüxü̃.

Echequié 40:46

Rü ngẽma ucapu i nórteguama dawenüxü̃ rü chacherdótegü i ãmarearü guwa puracüexü̃ca̱x nixĩ. Rü ngẽma chacherdótegü rü Chadóxtaagü nixĩgü. Rü ngẽmagüxicatama nixĩ i Lebítanüxü̃ i mexü̃ nax Cori ya Tupanana ngaixcamagüxü̃ nax naxügüã̱xü̃ca̱x i norü puracü i napatawa —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 5:4

Rü ngẽxguma wena núma naxũxgu ya tórü Dauruü̃xü̃chi ya Cristu, rü pema rü tá penayauxgü i perü ãmare i nga̱xcueruxü̃ i mexẽchixü̃ i taguma ngauxü̃.

Echequié 43:19

Rü ngẽma chacherdótegü i Lebítanüxü̃ i Chadóxtaagü tá nixĩ i cha̱u̱xca̱x naxügüxü̃ i ngẽma puracü. Rü cuma rü tá nüxna cunamu i wüxi i wocaxacü i yatüxü̃ nax pecadutanü cha̱u̱xca̱x yagugüãxü̃ca̱x. Rü choma ya Cori ya Tupana rü ngẽma nixĩ i cuxü̃ chamuxü̃.

Lebítanüxü̃arü puracüchiga 8:35

Rü ngẽmaca̱x i pema rü 7 i ngunexü̃ rü 7 i chütaxü̃ tá nixĩ i Tupanapataarü ĩã̱xü̃tawa pengẽxmagüxü̃. ¡Rü naga pexĩnüe i Cori ya Tupanaarü mu nax tama peyuexü̃ca̱x! Erü ngẽma nixĩ i Cori ya Tupanaarü mu i choxna naxãxü̃” —ñanagürü ga Moiché.

Echequié 44:12

Rü nümagü nixĩ ga yema Iraétanüxü̃maxã inacua̱xüü̃gü ga yexguma tupananetachicüna̱xãgüxü̃ yacua̱xüü̃gügu. Rü yemaacü yema Iraétanüxü̃xü̃ pecadugu nayixẽxẽ. Rü ngẽmaca̱x i ngẽma Lebítanüxü̃ rü tá nanaxütanügü ga yema chixexü̃ ga naxügüxü̃. Rü ngẽma nixĩ i choma ya Cori ya Tupana namaxã chaxueguxü̃.

Echequié 45:4

Rü ngẽma naanewa tá nangẽxmagü i ngẽma chacherdótegü i choxna ngaixcamagüxü̃ nax chopatawa napuracüexü̃ca̱x. Rü ngẽma naanewa tá nüxü̃́ nangẽxma i napatagü. Rü wüxi i naane i üünexü̃ tá nixĩ erü ngẽmawa tá nangẽxma ya chopata.

Echequié 48:12

Rü ngẽmaca̱x i ngẽma chacherdótegü rü tá nüxü̃́ nangẽxma i norü naane nawa i ngẽma naane i üünexü̃ i Cori ya Tupanaarü ixĩxü̃. Rü ngẽma naane rü wüxi i naane i guxü̃ma i naanegüxü̃ rüxüünemaexü̃ nixĩ. Rü ngẽma naane rü Lebítanüxü̃güarü naanecüwawa tá nangẽxma.