Echequié 47:7 - Tupanaarü Ore

⁷ Rü yéma naxãnacügüwa nüxü̃ chadau ga muxũchixü̃ ga naigü ga nawa rüxügüxü̃.

Echequié 47:7 Referans Kwoze

Echequié 47:12

Rü ngẽma taxre i naxãnacüwa i ngẽma natü rü tá narüxügü i naguxü̃raü̃xü̃ i ori̱xgü. Rü ngẽma ori̱xgü rü taguma nagüátügü, rü ñu̱xũchi guxü̃gutáma nixoecha. Rü guxcüma ya tauemacügu rü tá nixo erü ngẽma dexá i Tupanapata ya taxü̃newa ne yaxü̃chiüxü̃maxã nimegü. Rü ngẽma norü o rü tá name nax nangṍxü̃ rü ngẽma naatü rü üxüxü̃wa tá name”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:2

Rü guma ĩanearü ngãxü̃gu idaxü̃ ga namaarü ngãxü̃gu nida ga yema natü. Rü nacutügüwa narüxü ga yima nai ga maxẽẽruxü̃. Rü yema nai rü wüxichigü ga tauemacügu naxo, rü yemaacü 12 e̱xpü̱xcüna naxo ga wüxichigü ga taunecügu. Rü naatügü ga yema nai, rü guxü̃ i nachixü̃anegüca̱x üxüxü̃ruxü̃ nixĩ.

Norü taxre ga popera ga ãẽ̱xgacügüchiga 2:13

Rü yemawena rü nüma ga Erichéu rü nanayaxu ga Eríachiru ga mámüxü̃ ga yéma nguxü̃. Rü natü ga Yudáü̃ca̱x nataegu rü yemacutügu nayachi.

Nüxíraxü̃xü̃ ga popera ga ãẽ̱xgacügüchiga 9:26

Rü Charomóü̃ rü wapurugü naxü nawa ga guma ĩane ga Echióü̃-guébewa. Rü guma ĩane rü Eráxarü ĩanearü ngaixcamana nayexma ga Már i Dauchíüxü̃cutüwa ga Edóü̃arü naanewa.

Ínachoxü̃xü̃chiga 15:25

Rü yexguma ga Moiché rü Cori ya Tupanaarü ngü̃xẽẽca̱x ínaca. Rü nüma ga Tupana rü Moichéxü̃ nanawe̱x ga wüxi ga naixacü ga metanüxü̃. Rü nüma ga Moiché rü nanawoochi ga yema naixacü rü natüchiüwa nanatae. Rü yemamaxã nüxü̃́ inayarüxo ga nax naxüxchiüxü̃ ga dexá. Rü yéma nixĩ ga Tupana ga Iraétanüxü̃xü̃ naxüxü̃ rü nüxna naxããxü̃ ga norü mugü nax yemaacü tá mea naxca̱x namaxẽxü̃ca̱x.

Ichaía 60:13

Rü Tupana rü Yerucharéü̃cüã̱xgüxü̃ ñanagürü: —Guxü̃ma i naigü i mürapewa i mexü̃ i Líbanuwa ngẽxmagüxü̃ i pinugü rü abétugü rü chipregü rü tá norü nga̱xãẽruxü̃ nixĩgü ya chopata ya taxü̃ne i ngextá íchachixü̃wa.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.