Echequié 47:18 - Tupanaarü Ore

¹⁸ Rü ngẽma Iraéanearü üyeane i éstewaama rü ngẽma Auráü̃anearü üye rü Damácuanearü üye iyacuáxü̃wa tá inaxügü nax éstewaama nadaxü̃. Rü natü i Yudáü̃anacügu tá nida i Garaáxanecüwagu rü ñu̱xmata ĩane ya Tamárawa nangu. Rü yima ĩane ya Tamára rü Már ya Ngearü Maxü̃ã́xü̃cutüwa nangẽxma. Rü ngẽma tá nixĩ i Iraéanearü üyeane i éstewaama ngẽxmaxü̃.

Echequié 47:18 Referans Kwoze

Naanearü ügüchiga 13:10

Rü yexguma ga Lox rü natü ga Yudáü̃pechinügu nidau, rü nüxü̃ nadau ga nax nabaxcaxü̃ ga maxẽgü ñoma Tupana inatoxü̃rüxü̃, rü poraãcü nadexáã́xü̃ ga yema naane ñu̱xmata guma ĩanexacü ga Chóawa nangu. Rü Equítuanerüxü̃ nixĩ ga nax nameanexü̃chixü̃. Rü yemaacü nixĩ naxü̃pa nax Cori ya Tupana yaxoxẽẽãxü̃ ga guma ĩanegü ga Chodóma rü Gomóra.

Yox 40:23

Rü ngẽxguma nabaixgu i natü i Yudáü̃ rü tama naba̱i̱xãchi, rü woo naraü̃wa nanguxgu i ngẽma dexá rü nataãẽama.

Ãẽ̱xgacügü ga guxchaxü̃güarü mexẽxẽruü̃gü 10:8

Rü 18 ga taunecü nixĩ ga Firitéugü rü Amóü̃tanüxü̃ poraãcü chixri namaxã inacua̱xgüxü̃ ga yema Iraétanüxü̃ ga Garaáxanewa maxẽxü̃ ga natü ga Yudáü̃arü tocutüwa ga Amoréutanüxü̃arü naanewa.

Iraétanüxü̃arü muxchiga 32:1

Rü yema Rubéü̃tanüxü̃ rü Gáxtanüxü̃ rü namuxũchi ga naxü̃nagü. Rü yexguma nüxü̃ nadaugügu ga yema Yachéxane rü Garaáxane nax namexü̃ nax naxü̃nagü nawa nayaexẽẽxü̃, rü Moichéxü̃tawa rü chacherdóte ga Ereacháxü̃tawa rü ñu̱xũchi yema duü̃xü̃gümaxã icua̱xgüxü̃xü̃tawa naxĩ. Rü nüxna nayacagü rü ñanagürügü:

Naanearü ügüchiga 31:47

Rü yexguma nüma ga Labáü̃ rü Araméutanüxü̃gawa nanaxüéga ga yema nachica, rü Yegá-chadutá, ñaxü̃gu nanaxüéga. Rü yexgumarüxü̃ ta nüma ga Acóbu rü Ebréugügawa nanaxüéga ga yema nachica, rü Garaáx, ñaxü̃gu nanaxüéga.

Naanearü ügüchiga 31:23

Rü yemaca̱x ga Labáü̃ rü natanüxü̃maxã Acóbuwe nangẽ. Rü 7 ga ngunexü̃güguwena nüxü̃ inayangau nagu ga yema máxpü̱xanexü̃ ga Garaáxgu ãégaxü̃.

Naanearü ügüchiga 13:11

Rü yexguma ga Lox rü nanayaxu ga guxü̃ma ga yema naane ga Yudáü̃pechinüwa üxü̃. Rü yemaacü yema naane ga noxri nawa nayexmagüxü̃arü éstewaama naxũ. Rü yemaacü nixĩ ga Abráü̃ rü Lox ga nügüna yaxĩgachixü̃.

Naanearü ügüchiga 37:25

Rü yemawena rü ínarütogü rü nachibüe. Rü yexguma nachibüeyane rü yáxü̃gu nüxü̃ nadaugü ga Ismaétanüxü̃ ga Garaáxanewa ne ĩxü̃. Rü norü caméyutagu nayana ga pumaragü rü tuxuneruü̃gü rü pumara ga míra ga Equítuanewa nanaxü̃.

Iraétanüxü̃arü muxchiga 34:10

Rü ngẽma üyeane i norü éstecüwawa üxü̃ rü Achá-enáü̃wa tá we̱xgu peyadaxẽxẽ ñu̱xmatáta Chepáü̃wa nangu.

Yeremía 50:19

Rü choma rü nachixü̃aneca̱x tá chanawoeguxẽxẽ i ngẽma Iraétanüxü̃. Rü Carméruwa, rü Bacháü̃wa, rü Efraíü̃arü naane i ma̱xpǘxanexü̃wa, rü Garaáxanewa tá mea nachibüe”, ñachagürü.

Joel 2:20

Rü tá pexna chayaxĩgachixẽxẽ i ngẽma munügü ga nórtewaama ne ĩxü̃, rü tá ngextá ínachianexü̃wa chanamugü. Rü ngẽma nape̱xegu ĩxü̃ rü nataxa i ngearü maxü̃ã́xü̃wa tá chanawoü̃. Rü ngẽma wixweama ügüxü̃ rü Már i Mediteráneuwa tá chanawoü̃. Rü ngẽxma tá niyixe rü tá ngéma nayixanegü. Rü ngẽmaãcü tá poraãcü pexü̃ charüngü̃xẽxẽxü̃ —ñanagürü ga Cori ya Tupana.