Echequié 46:12 - Tupanaarü Ore

¹² Rü ngẽxguma nüma ya ãẽ̱xgacü norü ngúchaü̃maxã Cori ya Tupanana naxããgu i wüxi i naxü̃na i ãmareruxü̃ nax Tupanaca̱x yamáaxü̃ca̱x rü yaguãxü̃ca̱x rüe̱xna wüxi i naxü̃na nax Tupanaxü̃ nangüxmüxẽẽxü̃ca̱x, rü ngẽxguma tá ãẽ̱xgacüca̱x nayawãxna i ngẽma ĩã̱x i éstewaama üxü̃. Rü ngẽma ngü̃chigaarü ngunexü̃gu naxüxü̃ãcü tá inanaxã i norü ãmare nax Tupanaca̱x yamáaxü̃ rü yaguãxü̃. Rü ngẽxguma ínaxũxũxgu ya ãẽ̱xgacü rü tá narüwãxta i ngẽma ĩã̱x.

Echequié 46:12 Referans Kwoze

Echequié 45:17

Rü nüma i ãẽ̱xgacü tá nixĩ i naxãxü̃ i ngẽma naxü̃nagü nax cha̱u̱xca̱x nada̱i̱xü̃ca̱x rü ínaguxü̃ca̱x. Rü ngẽxgumarüxü̃ tá ta inanana i ngẽma ãmaregü i tríguarü o rü chebádaarü o rü bínu i ngẽxguma nango̱xgu ya ngexwacaxü̃cü ya tauemacü rü ngẽxguma ngü̃chigaarü ngunexü̃wa nanguxgu rü ngẽxguma nawa nanguxgu i guxü̃ma i ngẽma petagü ga Iraétanüxü̃wa nüxü̃ chaxunetaxü̃. Rü ngẽxgumarüxü̃ tá ta inanaxã i ngẽma ãmaregü i pecaduarü ütanüruxü̃ ixĩgüxü̃, rü ãmaregü i tríguarü o rü chebádaarü o rü ãmaregü i cha̱u̱xca̱x ínaguxü̃ rü ãmaregü nax choxü̃ nangüxmüxẽẽxü̃ca̱x rü nüxü̃́ nüxü̃ icharüngümaxü̃ca̱x i Iraétanüxü̃arü pecadugü —ñanagürü.

Echequié 46:8

Rü ngẽxguma ãẽ̱xgacü naa̱xtü i düxétüwa ngẽxmaxü̃wa ne naxũxgu, rü name i ngẽma ucapu i ngu̱xẽẽchicaarü ĩã̱xwa nixücu. Rü ñu̱xũchi ngẽxguma ínaxũxũxgu rü name i ngẽmatama ĩã̱xwa ínaxũxũ.

Echequié 44:3

Rü ñaa ĩã̱x rü ãẽ̱xgacüxicatama tá nixĩ ya nawa ixücucü, ega ngẽxguma Cori ya Tupanape̱xewa õna i üünexü̃ nangõ̱xgu. Rü nüma ya ãẽ̱xgacü rü nanaxwa̱xe nax ngẽma ucapu i éstewa ngẽxmaxü̃wa yaxücuxü̃ rü ngématama ínaxũxũxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 29:31

Rü yemawena ga nüma ga ãẽ̱xgacü ga Echequía rü yema duü̃xü̃güxü̃ ñanagürü: —Ñu̱xmax i pemax nax marü Tupanamaxã nüxü̃ pixuxü̃ nax naga tá pexĩnüexü̃ ¡rü nua Tupanapata ya taxü̃newa penagagü i perü naxü̃nagü rü nua penana i perü ãmaregü nax ngẽmamaxã Tupanana moxẽ pexãgüxü̃ca̱x! —ñanagürü. Rü nüma ga yema duü̃xü̃gü rü Tupanamaxã nixaicümagü. Rü yéma nanagagü ga naxü̃nagü rü yéma nanana ga norü ãmaregü ga namaxã Tupanana moxẽ naxãgüxü̃. Rü yema nüxü̃́ ngúchaü̃güxü̃ nax yéma nagagüãxü̃ ga naxü̃nagü nax Tupanaca̱x ínaguaxü̃ca̱x, rü yemaacü nanaxügü.

Lebítanüxü̃arü puracüchiga 23:38

Rü naétü i ngẽma ngü̃chigaarü ngunexü̃gü, rü tá ta penaxüchigaxü̃ i guxü̃ma i ngẽma petagü i cha̱u̱xca̱x ixĩgüxü̃. Rü ngẽxgumarüxü̃ tá ta ipenaxã i ngẽma ãmaregü i namaxã ipexunetaxü̃ rü ãmaregü i perü ngúchaü̃maxã Cori ya Tupanana pexãxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Édra 6:17

Yema petaca̱x Tupanaca̱x ínanagu ga 100 ga wocagü ga iyatüxü̃, rü 200 ga carnérugü ga iyatüxü̃, rü 400 ga carnéruxacügü ga iyatüxü̃, rü ñu̱xũchi 12 ga chíbu ga iyatüxü̃ naxẽ̱xpü̱x ga yema 12 ga Iraétanüxü̃tücumügü. Rü guxü̃ma ga yema rü Tupanaca̱x ínanagu nax yemamaxã Iraétanüxü̃arü pecadugü naxütanügüxü̃ca̱x.

Édra 3:5

Rü yexgumarüxü̃ ta ínanagu ga ãmaregü ga ngü̃chigaarü ngunexü̃gu íguxü̃, rü yema ãmaregü ga yexwacax ixücucü ga tauemacügu íguxü̃, rü yema ãmaregü ga togü ga petagu Tupanaca̱x íguxü̃. Rü yexgumarüxü̃ ta ínanagu ga yema ãmaregü ga texé tümaarü ngúchaü̃maxã Tupanaca̱x ixãmaregüxü̃.

Édra 1:4

Rü yíxema petanüxü̃ ya tama woeguchaü̃xe, rü name nixĩ i diẽrumaxã, rü úirumaxã, rü õnamaxã rü wocagümaxã nüxü̃ tarüngü̃xẽxẽ i ngẽma woeguxü̃. Rü naétü rü name nixĩ i nüxna tanaxã i tümaarü ãmare naxca̱x ya Tupanapata ya taxü̃ne ya Yerucharéü̃wa wena tá naxügüne” —ñanagürü ga ãẽ̱xgacü ga Chíru.

Norü taxre ga to ga popera ga ãẽ̱xgacügüchiga ümatüxü̃ 5:6

Rü nüma ga ãẽ̱xgacü ga Charomóü̃ rü guxü̃ma ga Iraétanüxü̃ rü guma yexwaca̱xü̃ne ga Tupanapata ga taxü̃nearü düxétügu nangutaque̱xegü nape̱xe ga yema baú ga Tupanaarü mugü nagu nucuxü̃. Rü yexma Tupanaca̱x nanadai rü ínanagu ga muxü̃ma ga carnérugü rü wocaxacügü ga iyatüxü̃. Rü yema nax namuxũchixü̃ ga yema carnérugü rü wocaxacügü ga Tupanana naxãgüxü̃ rü taxucürüwa texé tayaxugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:21

Rü moxü̃ãcü rü yéma nanagagü ga 1,000 ga wocaxacügü ga yexwacax yaexü̃, rü 1,000 ga carnérugü. Rü Tupanaca̱x nanadai ga yema naxü̃nagü rü ãmare ga bínu naétü naba, rü yemaacü guxü̃ma ga Iraétanüxü̃égagu Tupanaca̱x ínanagu.

Nüxíraxü̃xü̃ ga popera ga ãẽ̱xgacügüchiga 3:4

Rü yemaca̱x Gabóü̃wa naxũxũxü̃ nax Cori ya Tupanaca̱x naxü̃nagü yexma yadaixü̃ca̱x. Yerü guma ma̱xpǘne nixĩ ga guxü̃ ga naigü ga ma̱xpǘnegüarü yexera rümáchanemaene. Rü Charomóü̃ rü yema nachicawa Tupanaca̱x nanadai rü ínanagu ga 1,000 ga naxü̃nagü.

Iraétanüxü̃arü muxchiga 29:39

Rü ngẽma nixĩ i ãmaregü i choxna tá pexãgüxü̃ nagu i ngẽma ngunexü̃gü i marü nüxü̃ chaxunetagüxü̃. Rü naétüwa i ngẽma ãmaregü rü tá choxna penaxã i ngẽma ãmaregü i namaxã peyanguxẽẽxü̃ i wüxi i perü uneta i chomaxã nüxü̃ pixuxü̃. Rü ngẽxgumarüxü̃ tá ta choxna penaxã i ngẽma ãmaregü i perü ngúchaü̃maxã choxna pexãgüxü̃. Rü ngẽma ãmaregü i tá choxna pexãgüxü̃ nixĩ i ãmaregü i cha̱u̱xca̱x pedaixü̃ rü piguxü̃, rü ãmaregü i arína rü bínu, rü ãmaregü i cha̱u̱xca̱x pedaixü̃ rü piguxü̃ nax pemaxã icharüngü̃xmüxü̃xü̃ca̱x —ñanagürü ga Tupana.

Lebítanüxü̃arü puracüchiga 7:16

Natürü ngẽxguma ngẽma naxü̃na rü wüxi i unetaca̱x yixĩxgu nax cha̱u̱xca̱x tayamáxü̃ rüe̱xna wüxi i ãmare i ngúchaü̃maxã choxna taxãxü̃ yixĩxgu rü ngẽmatama i ngunexü̃ i nagu cha̱u̱xca̱x tayaguxü̃gu tá tanangõ̱x i namachi. Natürü ega nangẽxmagu i ngẽma íyaxüxü̃ rü marü name i moxü̃ãcü tanangõ̱x.

Lebítanüxü̃arü puracüchiga 1:3

Rü ngẽma tümaarü ãmare rü tá tümaxü̃natama nixĩ. Rü wüxi i woca iyatüxü̃ i taxuwama chixexü̃ tá nixĩ. Rü chopataã̱xtüwa ngẽxmaxü̃ i guruü̃wa tá nixĩ i itayaguxü̃. Rü ngẽxguma i choma ya Cori ya Tupana rü tá chanayaxu.

Echequié 44:1

Rü gumá yatü rü wenaxarü Tupanapata ga taxü̃nea̱xtü ga düxétüwa yexmaxü̃arü ĩã̱x ga éstewa üxü̃wa choxü̃ naga. Natürü yema ĩã̱x rü narüwãxta.