Echequié 46:1 - Tupanaarü Ore

¹ Rü choma ya Cori ya Tupana rü nüxü̃ chixu rü ñachagürü: —Rü ngẽma ĩã̱x i chopataarü ĩã̱xtü i aixepewa ngẽxmaxü̃ i éstewaama, rü name nax nawãxtaxü̃ i ngẽma 6 i ngunexü̃gü i nagu penaxügüxü̃ i perü puracü. Natürü tá peyawãxna i ngẽma ĩã̱x ngẽxguma ngü̃xchigaarü ngunexü̃wa nanguxgu rü ñu̱xũchi ngẽxguma ngexwacaxü̃cü ya tauemacü ngo̱xgu.

Echequié 46:1 Referans Kwoze

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Ínachoxü̃xü̃chiga 20:9

Rü 6 i ngunexü̃gu tá nixĩ i cunaxüxü̃ i guxü̃ma i curü puracü i cuxüxchaü̃xü̃.

Ore i mexü̃ ga Luca ümatüxü̃ 13:14

Natürü yema ngutaque̱xepataü̃arü ãẽ̱xgacü rü nanu, yerü Ngechuchu rü ngü̃xchigaarü ngunexü̃gu ngĩxü̃ narümexẽxẽ ga yema nge. Rü yemaca̱x ga yema ãẽ̱xgacü rü ñanagürü duü̃xü̃güxü̃: —Nangexma i 6 i ngunexü̃ i nagu namexü̃ nax ipuracüexü̃. Rü ngẽma ngunexü̃gügu nixĩ i namexü̃ nax nua pexĩxü̃ nax pegü peyarümexẽẽgüxü̃ca̱x rü tama i ngü̃xchigaarü ngunexü̃gu —ñanagürü.

Echequié 46:6

Rü ngẽma ngunexü̃ i ngexwacaxü̃cü ya tauemacü nagu ngóxü̃gu rü tá inanaxã i wüxi i wocaxacü i yatüxü̃ rü 6 i carnéruxacügü rü wüxi i carnéru i yatüxü̃. Rü guxü̃ma i ngẽma naxü̃nagü rü taxuwama ichixexü̃ tá nixĩ.

Echequié 8:16

Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.

Naanearü ügüchiga 3:19

Rü poraãcü tá cupuracü rü cuxaiya nax cuxü̃́ nangẽxmaxü̃ca̱x i cuwemü ñu̱xmatáta cuyu̱x rü ngẽmaãcü wena tá waixü̃müca̱x cutaegu, yerü yemawa cuxü̃ chaxü ga noxrix, rü waixü̃mü quixĩ rü wena táxarü ngẽmaxü̃ quixĩ —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:18

Rü ngẽma Lebítanüxü̃ rü ñu̱xma rü ta nüxna nadaugü i ngẽma Tupanapataarü ĩã̱x i éstewaama üxü̃ i nawa yaxücuxü̃ ya ãẽ̱xgacü. Rü yemagü nixĩ ga Lebítanüxü̃ ga Tupanapataarü ĩã̱xgüarü dauruü̃gü.

Echequié 10:3

Rü yexguma yexma naxücugu ga yema yatü rü yema querubíü̃gü rü guma Tupanapata ga taxü̃nearü súrwaama nayexmagü. Rü wüxi ga caixanexü̃maxã nayapa ga yema Tupanapataã̱xtü ga aixepewaama yexmaxü̃.

Echequié 40:19

Rü gumá yatü nanangu nax ñuxre ga metru yixĩxü̃ ga naa̱xtü ga yema nüxíraxü̃ ga ücuchica iyacuáxü̃wa inanaxügü rü ñu̱xmata yema ücuchica ga aixepewa yexmaxü̃wa nangu. Rü 50 ga metru nixĩ ga naa̱xtü ga aixepewa üxü̃. Rü yema naa̱xtü ga nórtewa yexmaxü̃ rü yema naa̱xtü ga éstewa yexmaxü̃maxã nawüxigu ga norü tatachinü.

Echequié 43:1

Rü yemawena ga gumá yatü rü yema ĩã̱x ga éstewa yexmaxü̃wa chomaxã naxũ.

Echequié 46:3

Rü ngü̃xchigaarü ngunexü̃gu rü ngẽxguma nango̱xgu ya ngexwacaxü̃cü ya tauemacü rü nüma i duü̃xü̃gü rü ngẽmatama ĩã̱xpe̱xewa tá choxü̃ nicua̱xüü̃gü.

Echequié 46:12

Rü ngẽxguma nüma ya ãẽ̱xgacü norü ngúchaü̃maxã Cori ya Tupanana naxããgu i wüxi i naxü̃na i ãmareruxü̃ nax Tupanaca̱x yamáaxü̃ca̱x rü yaguãxü̃ca̱x rüe̱xna wüxi i naxü̃na nax Tupanaxü̃ nangüxmüxẽẽxü̃ca̱x, rü ngẽxguma tá ãẽ̱xgacüca̱x nayawãxna i ngẽma ĩã̱x i éstewaama üxü̃. Rü ngẽma ngü̃chigaarü ngunexü̃gu naxüxü̃ãcü tá inanaxã i norü ãmare nax Tupanaca̱x yamáaxü̃ rü yaguãxü̃. Rü ngẽxguma ínaxũxũxgu ya ãẽ̱xgacü rü tá narüwãxta i ngẽma ĩã̱x.