Echequié 45:9 - Tupanaarü Ore

⁹ Rü chomax ya Cori ya Tupana rü ñacharügü: —¡Pa Iraétanüxü̃arü Ãẽ̱xgacügüx, marütama nax namaxã penuexü̃ rü nüxü̃́ pengĩ́xü̃ i duü̃xü̃gü! ¡Rü aixcüma mea namaxã ipecuá i chorü duü̃xü̃gü! Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Echequié 45:9 Referans Kwoze

Chacaría 8:16

Rü ñaa nixĩ i chanaxwa̱xexü̃ nax penaxüxü̃: “Rü name nixĩ i guxü̃guma aixcümaxü̃ pegümaxã pixugü. Rü ngẽxguma ãẽ̱xgacüpe̱xewa guxchaxü̃gü pemexẽẽgu rü penaxwa̱xe nax aixcümaxü̃ pixugüxü̃ nax ngẽxma yanaxoxü̃ca̱x i ngẽma guxchaxü̃.

Echequié 44:6

¡Rü namaxã nüxü̃ ixu i ngẽma Iraétanüxü̃ i tama chauga ĩnüexü̃!: “Cori ya Tupana rü ñanagürü: ‘Pa Duü̃xü̃gü i Iraétanüxü̃x, ¡nüxü̃ perüxoe i ngẽma taxü̃ i ãũãchixü̃ i pexügüxü̃!

Yeremía 22:3

¡Rü mea duü̃xü̃gümaxã inacua̱x rü mexü̃ i nacümagu pemaxẽ i ñaa nachicawa! ¡Rü ngẽma diẽruã̱xgüxü̃me̱xẽwa tüxü̃ ínanguxü̃xẽxẽ ya yíxema duü̃xẽgü i chixri tümamaxã inacua̱xgüxe! ¡Rü taxṹ i chixri namaxã pixĩgüxü̃ i ngẽma to i nachixü̃anecüã̱xgü, rü yíxema taxcutagü, rü ñu̱xũchi yíxema yutegüxe! ¡Rü taxṹ i ñaa nachicagu tüxü̃ pimáxü̃ ya yíxema duü̃xẽ ya taxuxü̃ma i chixexü̃ üxe!

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Ore i mexü̃ ga Luca ümatüxü̃ 3:14

Rü ñuxre ga churaragü rü ta Cuáü̃na nacagüe, rü ñanagürügü: —¿Toma rü ta̱xacü nixĩ i mexü̃ nax tanaxüxü̃? —ñanagürügü. Rü nanangãxü̃ ga Cuáü̃ rü ñanagürü: —Tama name i texéxü̃ pexãxũneãcüma tümaarü ngẽmaxü̃gü pepuxü̃. Rü tama name i ta̱xacürü doraxü̃ tümachigaxü̃ pixu. Rü name nixĩ i ngẽma diẽru i ãẽ̱xgacü pexü̃́ ngĩmaxã naxütanücümaxã petaãẽgü rü tama yexeracüca̱x ípeca —ñanagürü.

Miquéa 2:9

Rü pema nax ãẽ̱xgacügü pixĩgüxü̃ rü yíxema ngexegüna penapu ya yima tümapata ya nügümaxã tüxü̃́ wüxicane. Rü yíxema tümaxacügü rü nawa tüxü̃ ípewoxü̃ ya yima ĩpata i tüxna chaxãxü̃ne.

Yox 22:9

Rü yutegüxe rü tümamaxã cuxaü, rü taxcutagü chixri tümamaxã icucua̱x.

Yox 20:19

Rü duü̃xẽgü ya ingearü diẽruã̱xgüxe tüxü̃ napuracüexẽxẽ, rü ñu̱xũchi ngéma tüxü̃ nawogümare. Rü ĩpatagü ya tama nüma ínaxüxü̃ne rü noxrüxü̃ nayaxĩgüxẽxẽ.

Yeremía 6:7

Rü Yerucharéü̃wa nixĩ i nangóxü̃ i chixexü̃ ñoma wüxi ya puchuwa dexá ngóxü̃rüxü̃. Rü máetachiga rü chixexü̃chigaxicatama taxĩnü i Yerucharéü̃wa. Ngéma rü yapíxexü̃ rü ngúxü̃ ingexexü̃xicatama nixĩ i chadauxü̃.

Echequié 7:11

Rü paxa tá ínangu i pechixü̃anearü uanü i poraxü̃ rü daimaxã tá nanapoxcue i Yudáanearü duü̃xü̃güarü chixexü̃. Rü ngẽma duü̃xü̃gü i diẽruã̱xgüxü̃ rü taxuxü̃táma ínayaxü i norü duü̃xü̃gü rü bai i norü diẽrugü, rü bai ya napatagü ya mexẽchine. Rü ngẽmaãcü taxuxü̃táma ínayaxü i ta̱xacü i mexü̃.

Echequié 7:23

Rü cumax, Pa Echequiéx ¡rü wüxi ya cadéna ínamexẽxẽ naxca̱x i chorü duü̃xü̃gü i Yerucharéü̃cüã̱xgü! Erü tá chanapoxcue naxca̱x nax poraãcü namáetagüxü̃. Rü yima norü ĩane ya Yerucharéü̃ rü poraãcü máetamaxã nanapá.

Echequié 8:17

Rü yexguma ga nüma ga Cori ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma chixexü̃ i ngẽma Yudátanüxü̃ ügüxü̃? Natürü naétü rü máetamaxã nayapaxẽxẽ i ñaa nachixü̃ane. Rü guxü̃ i ngunexü̃gu choxü̃ nanuxẽẽgüecha. Rü ngẽma norü ãũãchixü̃ i naxügüxü̃ rü düxwa choxmaraü̃wa nanguema.

Amúx 5:24

Natürü ngẽma pexü̃́ chanaxwa̱xexü̃ nixĩ nax guxü̃guma pemücügümaxã pixaixcümaxü̃ ñoma natü i guxü̃guma nagoxü̃chiüechaxü̃rüxü̃. Rü chanaxwa̱xe i ñoma dexá i chuxchuxü̃ i taguma gúxü̃rüxü̃ guxü̃guma mexü̃ nax pexüxü̃.

Amúx 5:15

¡Rü naxchi pexaie i ngẽma chixexü̃! ¡Rü nüxü̃ pengechaxü̃ i ngẽma mexü̃! ¡Rü aixcüma mea penamexẽxẽ i tümaarü guxchaxü̃ i ngẽxguma texé pepe̱xewa tayamexẽxẽchaü̃gu! Rü bexmana ngẽmaãcü tá nixĩ ya Cori ya Tupana ya Guxãétüwa Ngẽxmacü rü tümamaxã yaxãũxãchixü̃ ya yíxema Iraétanüxü̃ ya íyaxügüxe.