Biblia Todo Logo
Bib sou entènèt

- Piblisite -




Echequié 45:8 - Tupanaarü Ore

8 Rü ngẽmaãcü i ngẽma Iraétanüxü̃arü ãẽ̱xgacü rü tá nüxü̃́ nangẽxma i noxrütama naane. Rü ngẽmaãcü taxũtáma texéna naane nanapugü. Rü wüxitücumüchigü i ngẽma Iraétanüxü̃ rü tá nüxü̃́ nangẽxma i noxrütama naane —ñanagürü.

Gade chapit la Kopi




Echequié 45:8
18 Referans Kwoze  

Rü nüma i ãẽ̱xgacü rü taxucürüwama texéxü̃ ínata̱xüchi nawa i tümaarü naane. Rü ngẽxguma ãẽ̱xgacü nanegüna naxãxgu i naane rü nanaxwa̱xe i norü naanewa nanegüna nanaxã. Rü ngẽmaãcü taxúema tangearü naaneã̱x rü chorü duü̃xü̃gü rü taxũtáma nawoonemare —ñanagürü.


Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.


Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.


Rü yemaacü nixĩ ga Yochué ga napuxü̃ãxü̃ ga yema naanegü yema Cori ya Tupana Moichémaxã nüxü̃ ixuxü̃rüxü̃. Rü ñu̱xũchi yema Iraétücumügüxü̃ nayanu ga yema naane nax wüxitücumüchigü nüxü̃́ yexmaxü̃ca̱x ga noxrütama naane. Rü yemawena rü marü nataxuma ga dai ga yema naanewa.


Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.


Rü ãẽ̱xgacüpatagü rü nayachixexẽxẽ, rü ĩanegü rü nagu nipogügü. Rü yema nagamaxã rü nayadu̱xruxẽxẽ ga guxü̃ma ga nachixü̃anegü.


Rü wüxi i ngẽma naxacü rü guxü̃arü yexera meama nanayaxẽxẽ. Rü nüma rü naxca̱x nangu̱x nax yayauxãxü̃ ga naeü̃gü rü duü̃xü̃güxü̃ nax nangṍxü̃.


“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.


Ngẽma ãẽ̱xgacü i chixexü̃, rü chixri norü duü̃xü̃gümaxã inacua̱x. Natürü ngẽma ãẽ̱xgacü i tama nügüna nanugüxü̃ i diẽru, rü tá nama̱x i norü maxü̃.


Natürü pema rü penaxãnexẽxẽ rü nüxü̃ pexo i ngẽma ngearü diẽruã̱xgüxü̃. ¿Taux ẽ̱xna ngẽma diẽruã̱xgüxü̃ yixĩxü̃ i chixri pemaxã icua̱xgüxü̃ rü ãẽ̱xgacügüpe̱xewa pexü̃ itúxü̃ rü íyaxuaxü̃güxü̃?


Nawena nax wüxitücumüchigüxü̃ yanuaxü̃ ga naane, rü nüma ga Iraétanüxü̃ rü Yochué ga Núü̃ nanena rü ta nanaxãgü ga norü naane.


Rü ngẽma Iraétanüxü̃arü ãẽ̱xgacügü i cuwa maxẽxü̃ rü namáxwa̱xegü rü guxü̃ma i togü i chixexü̃ naxügü.


Swiv nou:

Piblisite


Piblisite