Echequié 45:4 - Tupanaarü Ore

⁴ Rü ngẽma naanewa tá nangẽxmagü i ngẽma chacherdótegü i choxna ngaixcamagüxü̃ nax chopatawa napuracüexü̃ca̱x. Rü ngẽma naanewa tá nüxü̃́ nangẽxma i napatagü. Rü wüxi i naane i üünexü̃ tá nixĩ erü ngẽmawa tá nangẽxma ya chopata.

Echequié 45:4 Referans Kwoze

Echequié 43:19

Rü ngẽma chacherdótegü i Lebítanüxü̃ i Chadóxtaagü tá nixĩ i cha̱u̱xca̱x naxügüxü̃ i ngẽma puracü. Rü cuma rü tá nüxna cunamu i wüxi i wocaxacü i yatüxü̃ nax pecadutanü cha̱u̱xca̱x yagugüãxü̃ca̱x. Rü choma ya Cori ya Tupana rü ngẽma nixĩ i cuxü̃ chamuxü̃.

Echequié 40:45

Rü yexguma ga gumá yatü rü chomaxã nidexa rü ñanagürü: —Ngẽma ucapu i súrguama dawenüxü̃ rü chacherdótegü i Tupanapata ya taxü̃newa puracüexü̃ca̱x nixĩ.

Echequié 45:1

—Rü ngẽxguma sortéuãcü pegü peyanuxgu i naane nax wüxichigü i natücumü i Iraétanüxü̃ nüxü̃́ ngẽxmaxü̃ca̱x i norü naane, rü Cori ya Tupanaca̱x tá ípenaxüxüchi i wüxi i naane i 12 quirumétruarü ngãxü̃ i norü ma̱x rü 10 quirumétru i norü tatachinü. Rü ngẽma naane rü wüxi i naane i üünexü̃ tá nixĩ.

Echequié 44:28

Rü ngẽma chacherdótegü rü taxũtáma ngẽma togü i Iraétanüxü̃rüxü̃ nüxü̃́ nangẽxma i norü naane i Iraéanewa. Rü choma tá nixĩ i norü naanerüxü̃ chixĩxü̃ i Iraéanewa. Rü ngẽmaãcü i choma rü tá ngẽma chacherdótegüarü chixĩ.

Echequié 40:46

Rü ngẽma ucapu i nórteguama dawenüxü̃ rü chacherdótegü i ãmarearü guwa puracüexü̃ca̱x nixĩ. Rü ngẽma chacherdótegü rü Chadóxtaagü nixĩgü. Rü ngẽmagüxicatama nixĩ i Lebítanüxü̃ i mexü̃ nax Cori ya Tupanana ngaixcamagüxü̃ nax naxügüã̱xü̃ca̱x i norü puracü i napatawa —ñanagürü.

Echequié 45:3

Rü ngẽma naane ya Cori ya Tupanaca̱x ípexüxüchixü̃ rü 12 quirumétruarü ngãxü̃ tá nixĩ i norü ma̱x rü 5 quirumétru tá nixĩ i norü tatachinü. Rü ngẽma naane ya Cori ya Tupanaca̱x ípexüxüchixü̃ rü wüxi i naane i yexera üünexü̃ tá nixĩ. Rü ngẽxma tá nixĩ i naxüxü̃ ya Cori ya Tupanapata.

Echequié 48:8

Rü Yudátücumüwena rü tá Tupanaca̱x penaxüüchi i wüxi i naane. Rü ngẽma naane rü éstewa tá inaxügü rü ñu̱xmata oéstewa nangu. Rü ngẽma naane rü 12,500 metru tá nixĩ i norü tatachinü. Rü norü ma̱x i éstewa ixügüxü̃ rü ñu̱xmata oéstewa nguxü̃ rü ngẽma togü i naanegüarü ma̱x tá nüxü̃́ nangẽxma. Rü ngẽma naanearü ngãxü̃gu tá nixĩ i naxüxü̃ ya Tupanapata.