Echequié 45:10 - Tupanaarü Ore

¹⁰ Rü ngẽxguma ta̱xacü ipeyáxgu rü name i aixcüma yáruxü̃ ya mecüwa ipenayá. Rü ngẽxguma ta̱xacürü achiü̃xü̃ pengugügu rü name i naxpáxü̃ i aixcüma mea ngugüguxü̃wa penangugü.

Echequié 45:10 Referans Kwoze

Ucu̱xẽgüchiga 16:11

Ngẽxguma texé tümaarü yáruü̃wa rüe̱xna tümaarü ngugüxü̃wa tangĩ̱xgu, rü Tupana tá tüxü̃ napoxcu. Erü guxü̃ma i ngẽma yáruü̃gü rü ngugüruü̃gü, rü Tupana nixĩ ya nango̱xẽẽcü.

Ucu̱xẽgüchiga 11:1

Nüma ya Cori ya Tupana rü nüxü̃ naxo i ngẽma yáruxü̃ i tama ngugügu nayáxü̃, natürü namaxã nataãxẽ i ngẽma yáruxü̃ i aixcüma mea ngugügu nayáxü̃.

Ichaía 5:10

Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

Ucu̱xẽgüchiga 20:10

Cori ya Tupana rü naxchi naxai i ngẽma yáruü̃gü i tama aixcüma ngugügu yaxü̃ rü ngẽma ngugüruü̃gü i tama mea ããcuxü̃.

Wenaxarü naxümatü ga Tupanaarü mugü 25:15

Rü ngẽma curü yáruü̃gü rü name i aixcüma ngugügu yaxü̃ cuxü̃́ nangẽxma nax ngẽmaãcü mucü ya taunecü nawa cumaxü̃xü̃ca̱x i ngẽma naane i Cori ya Tupana tá cuxna ãxü̃.

Wenaxarü naxümatü ga Tupanaarü mugü 25:13

Rü ngẽxguma ta̱xacüca̱x cutaxegu rüe̱xna ta̱xacümaxã cutaxegu rü tama name nax curü yáruü̃wa cungĩ́xü̃. Rü ngẽxgumarüxü̃ ta ega ta̱xacü i ãchíüxü̃maxã cutaxegu rü tama name nax wüxi i cupaxü̃ i nawa cungĩ́xü̃wa cunangugü.