Echequié 44:5 - Tupanaarü Ore

⁵ Rü yexguma ga nüma ga Cori ya Tupana rü chomaxã nidexa rü ñanagürü: —Cuma, Pa Yatüx, ¡mea idauchixetü, rü mea irüxĩnü i guxü̃ma i ngẽma chopataarü mugü i tá cumaxã nüxü̃ chixuxü̃! ¡Rü dücax, mea irüxĩnü nax texégü tá tixĩgüxü̃ ya yíxema chopatagu chocuxe rü ñu̱xũchi texégü tá tixĩgüxü̃ ya yíxema taxucürüwa nagu chocuxe!

Echequié 44:5 Referans Kwoze

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Wenaxarü naxümatü ga Tupanaarü mugü 32:46

Rü yemawena ga Moiché rü Iraétanüxü̃maxã nidexa rü ñanagürü: —¡Mea pegüãẽgu namaxã penguxü̃ i ngẽma ñu̱xma pexü̃ changúexẽxẽxü̃! ¡Rü ñu̱xũchi pexacügümaxã nüxü̃ pixu nax nümagü rü ta mea nagu namaxẽxü̃ rü yanguxẽxẽgüãxü̃ i guxü̃ma i ngẽma mugü i ñu̱xma pemaxã nüxü̃ chixuxü̃!

Wenaxarü naxümatü ga Tupanaarü mugü 12:32

Natürü i pema rü penaxwa̱xe nax guxü̃guma nagu pexĩxü̃ i guxü̃ma i ngẽma mugü i pemaxã nüxü̃ chixuxü̃. Rü taxũtáma ta̱xacürü to i mugü pixücuchi rüe̱xna ípenaxüxüchi nawa i ngẽma pemaxã nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 8:36

Rü niñaxwetaü̃gü, rü dexá íyexmaxü̃wa nangugü. Rü ñanagürü ga yema ãẽ̱xgacü: —Nua nangẽxma i dexá. ¿Rü tama ẽ̱xna inamexü̃ nax nua choxü̃ ícubaiexẽxẽxü̃? —ñanagürü.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Ucu̱xẽgüchiga 24:32

Rü yexguma yemaxü̃ chada̱u̱xgu, rü chaugüãẽgu namaxã changuxü̃ ga yema nüxü̃ chadauxü̃. Rü yema rü wüxi ga chorü cua̱xruxü̃ nixĩ.

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 11:16

Natürü yema Iraétanüxü̃ ga nórtecüã̱x ga aixcüma Cori ya Iraétanüxü̃arü Tupanaca̱x maxẽchaü̃xü̃ rü nüxü̃ nayadauxü̃gü ga yema chacherdótegü rü Lebítanüxü̃ rü Yerucharéü̃wa naxĩ nax yéma norü o̱xigüarü Tupanaca̱x ãmare íyagugüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:19

Rü ngẽmaca̱x i ñu̱xmax rü name nixĩ nax aixcüma Tupanaca̱x pedaugüxü̃. ¡Rü penaxü̱x ya yima Tupanapata ya taxü̃ne nax ngéma penangexü̃ca̱x i ngẽma baú i Tupanaarü mugü nagu nuxü̃, rü ngéma yima Tupanapata ya taxü̃ne i tá pexüxü̃newa penanaxü̃ca̱x i ngẽma nawechigü i üünegüxü̃! —ñanagürü ga Dabí.

Ínachoxü̃xü̃chiga 9:21

Natürü nayexma ga togü ga nüxü̃́ nataxuraxü̃xü̃ma ga yema Cori ya Tupanaarü ore, rü yemaca̱x düxétüwa nanawogümare ga norü duü̃xü̃gü rü naxü̃nagü.

Echequié 42:9

Rü yema ucapugü ga ñaxtüchiü̃waama yexmagüxü̃ca̱x nax ixücuxü̃ rü yema naa̱xtü ga éstewaama yexmaxü̃wa nixĩ ga ixücuxü̃.

Echequié 46:19

Rü yemawena ga gumá yatü rü yema ĩã̱xcüwawa yexmaxü̃ ga ücuchicawa choxü̃ naga nax nüxü̃ chadauxü̃ca̱x ga yema ucapugü ga nórtewaama ügüxü̃. Rü yema nixĩ ga ucapugü ga chacherdótegüca̱xicatama ixĩgüxü̃. Rü choxü̃ nanawe̱x ga wüxi ga nachica ga guma ĩpata iyacuáxü̃wa yexmaxü̃ ga oéstewaama.

Echequié 47:6

Rü yexguma ga gumá yatü rü choxü̃ ñanagürü: “¡Meama nangugü i ngẽma nüxü̃ cudauxü̃!” ñanagürü. Rü yemawena rü natüxanacügu choxü̃ nataeguxẽxẽ.

Wiyaegü 24:3

¿Rü texé tame nax nawa tanguxü̃ ya yima ma̱xpǘne ya üünene ya Tupana nawa ngẽxmane? ¿Rü texé tame nax napata ya üünenewa tangexmaxü̃?