Echequié 44:3 - Tupanaarü Ore

³ Rü ñaa ĩã̱x rü ãẽ̱xgacüxicatama tá nixĩ ya nawa ixücucü, ega ngẽxguma Cori ya Tupanape̱xewa õna i üünexü̃ nangõ̱xgu. Rü nüma ya ãẽ̱xgacü rü nanaxwa̱xe nax ngẽma ucapu i éstewa ngẽxmaxü̃wa yaxücuxü̃ rü ngématama ínaxũxũxü̃ —ñanagürü.

Echequié 44:3 Referans Kwoze

Echequié 46:2

Rü nüma ya ãẽ̱xgacü rü naa̱xtü i düxétüwa ngẽxmaxü̃wa tá ne naxũ nax nagu naxücuxü̃ca̱x i ngẽma ucapu i ngu̱xẽxẽchica i naa̱xtü i aixepewa ngẽxmaxü̃. Rü wüxi ya yima ĩã̱xarü caxtaxü̃tagu tá nixĩ i yachixü̃. Rü nüma i chacherdótegü rü yoxni tá cha̱u̱xca̱x ínanagu i ngẽma naxü̃nagü i ãẽ̱xgacü ngéma gagüxü̃ nax ngẽmaãcü duü̃xü̃gümaxã choxü̃ nangüxmüxẽẽxü̃ca̱x rü nüxü̃́ nüxü̃ icharüngümaxü̃ca̱x i norü pecadugü. Rü nüma i ãẽ̱xgacü rü tá ĩã̱xü̃tagu nayangücuchi, rü ngẽmawena tá ínaxũxũ. Rü ngẽxguma i ngẽma ĩã̱x rü taxũtáma narüwãxta naxü̃pa nax nayáuanexü̃.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Echequié 34:24

Rü choma rü chorü carnérugüarü Tupana tá chixĩ rü yima chorü duü̃ ya Dabí tá nixĩ i namaxã icuácü. Rü choma ya Cori ya Tupana nixĩ i nüxü̃ chixuxü̃ i ngẽma.

Naanearü ügüchiga 31:54

Rü ñu̱xũchi ga Acóbu rü yexma guma ma̱xpǘnegu nanadai ga ñuxre ga naxü̃nagü rü ñu̱xũchi Tupanaca̱x ínanagu. Rü guxü̃ma ga natanüxü̃ca̱x naca nax nachibüexü̃ca̱x. Rü yemaacü guxü̃ma nachibüe rü yexma ma̱xpǘnegu napegü ga yema chütaxü̃gu.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:20

Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.

Norü taxre ga to ga popera ga ãẽ̱xgacügüchiga ümatüxü̃ 34:31

Rü yexguma yema poperaxü̃ nadaumatüguwena ga ãẽ̱xgacü rü Tupanapata ga taxü̃nearü caxtaxü̃tagu nayachi. Rü yéma Tupanape̱xewa nüxü̃ nixu nax aixcümaxü̃chi tá naga naxĩnüxü̃ rü nagu namaxü̃xü̃ i ngẽma Tupanaarü ucu̱xẽgü rü mugü i ngẽma poperagu ümatüxü̃. Rü nüxü̃ nixu rü tá nayanguxẽxẽ ga yema unetagü ga Tupanamaxã nüxü̃ yaxugüxü̃ ga Iraétanüxü̃.

Ichaía 62:9

Rü ñu̱xma rü pematama tá penabuxu i penetüarü o rü tá penangõ̱x. Rü tá penabuxu i úbagü rü chopata ya taxü̃neã̱xtüwa tá peyaxaxü ya ngexwacaxü̃cü ya bínu, rü tá choxü̃ picua̱xüü̃gü —ñanagürü.

Ichaía 23:18

Natürü ngẽma norü ngẽmaxü̃gümaxã nax nataxegüxü̃tanüwa ngĩxü̃ nayauxgücü i diẽru rü Cori ya Tupanaca̱x tá ngĩxü̃ ínaxüxüchigü. Rü taxũtáma marü nügüaxü̃́rica ngĩmaxã nanguxü̃gü rü ngĩxü̃ nanutaque̱xegü, natürü tá duü̃xü̃gü i Cori ya Tupanaca̱x puracüexü̃na ngĩxü̃ naxãgü i ngẽma diẽru nax ngẽmaãcü muxü̃ma i õnaca̱x rü naxchiru i mexẽchixü̃ca̱x ngĩmaxã nataxegüxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 23:13

Rü Yoáxü̃ idau nax gumá caxta ga Tupanapataca̱x íxücuxü̃wa yexmanexü̃tagu nachixü̃. Rü yexgumarüxü̃ ta nüxü̃ idau ga yema churaragüerugü ga nacüwagu chigüxü̃ rü yema paxetatanüxü̃ ga nacüwawa yexmagüxü̃. Rü guxü̃ma ga yema duü̃xü̃gü rü nataãẽgü rü norü cornétagügu nicuegü. Rü yema wiyaetanüxü̃ rü norü paxetaruü̃gümaxã napaxetagü rü norü wiyaegümaxã Tupanaxü̃ nicua̱xüü̃gü. Rü yexguma yemaxü̃ nada̱u̱xgu ga ngĩma ga Ataría rü ngĩgü irügáutechiru rü aita ixü rü ngĩgürügü: —¡Taechitawa̱xegüxü̃. Taechitawa̱xegüxü̃! —ngĩgürügü.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Echequié 46:12

Rü ngẽxguma nüma ya ãẽ̱xgacü norü ngúchaü̃maxã Cori ya Tupanana naxããgu i wüxi i naxü̃na i ãmareruxü̃ nax Tupanaca̱x yamáaxü̃ca̱x rü yaguãxü̃ca̱x rüe̱xna wüxi i naxü̃na nax Tupanaxü̃ nangüxmüxẽẽxü̃ca̱x, rü ngẽxguma tá ãẽ̱xgacüca̱x nayawãxna i ngẽma ĩã̱x i éstewaama üxü̃. Rü ngẽma ngü̃chigaarü ngunexü̃gu naxüxü̃ãcü tá inanaxã i norü ãmare nax Tupanaca̱x yamáaxü̃ rü yaguãxü̃. Rü ngẽxguma ínaxũxũxgu ya ãẽ̱xgacü rü tá narüwãxta i ngẽma ĩã̱x.

Norü taxre ga popera ga ãẽ̱xgacügüchiga 16:18

Rü nüma ga Acáx rü nanataãẽxẽẽchaü̃ ga Achíriaanearü ãẽ̱xgacü. Rü yemaca̱x nayaxügachi ga yema natamü ga Cori ya Tupanapata ga taxü̃nearü düxétüwa yexmaxü̃ ga ngü̃chigaarü ngunexü̃gu nawa nangutaque̱xegüxü̃. Rü ñu̱xũchi nanaxoxẽxẽ ga yema Tupanapata ga taxü̃nearü ĩã̱x ga düxétüwaama üxü̃ ga ãẽ̱xgacüca̱xicatama ixĩxü̃.