Echequié 44:15 - Tupanaarü Ore

¹⁵ “Rü yema chacherdótegü ga Lebítanüxü̃ ga Chadóxtaagü ixĩgüxü̃, rü yemagü nixĩ ga naxügüamaxü̃ ga chopataarü puracü ga yexguma yema Iraétanüxü̃ choxna ixĩgachitanügu. Rü ñu̱xma rü ngẽma Chadóxtaagü tá nixĩ i choxna ngaixcamagüxü̃ nax chorü puracü naxügüxü̃ca̱x. Rü nümagü tá nixĩ i choxna naxãgüãxü̃ i ngẽma naxü̃nagü i cha̱u̱xca̱x nada̱i̱xü̃arü chíxü̃ rü yimá nagü. Rü choma ya Cori ya Tupana ya Guxãétüwa Ngẽxmacü rü ngẽmaãcü chanaxuegu.

Echequié 44:15 Referans Kwoze

Echequié 48:11

Rü ngẽma naane rü ngẽma chacherdótegü i Chadóxtaagü i choma ya Cori ya Tupana nüxü̃ unetaxü̃ca̱x tá nixĩ. Rü nümagü rü tama yema Lebítanüxü̃rüxü̃ choxna nixĩgachi ga yexguma Iraétanüxü̃ choxna ixĩgachigu. Rü nümagü ga yema chacherdótegü rü nanaxügüama ga chorü puracü.

Wenaxarü naxümatü ga Tupanaarü mugü 10:8

Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

Echequié 44:7

Rü pemax rü penaxãũãchixẽxẽ ya chopata ya taxü̃ne erü nagu penachocuxẽxẽ i duü̃xü̃gü i to i nachixü̃anecüã̱xgü i tama íwiü̃cha̱xmüü̃pe̱xechiraü̃güxü̃ rü tama chorü mugügu maxẽxü̃. Rü naétü ga pema rü chorü õnaca̱x choxna penaxã ga paũ rü chíxü̃ rü nagü. Rü yemaacü yema taxü̃ ga ãũãchixü̃ ga pexügüxü̃maxã peyanaxoxẽxẽ i ngẽma uneta ga pemaxã chaxüxü̃.

Echequié 43:19

Rü ngẽma chacherdótegü i Lebítanüxü̃ i Chadóxtaagü tá nixĩ i cha̱u̱xca̱x naxügüxü̃ i ngẽma puracü. Rü cuma rü tá nüxna cunamu i wüxi i wocaxacü i yatüxü̃ nax pecadutanü cha̱u̱xca̱x yagugüãxü̃ca̱x. Rü choma ya Cori ya Tupana rü ngẽma nixĩ i cuxü̃ chamuxü̃.

Echequié 40:46

Rü ngẽma ucapu i nórteguama dawenüxü̃ rü chacherdótegü i ãmarearü guwa puracüexü̃ca̱x nixĩ. Rü ngẽma chacherdótegü rü Chadóxtaagü nixĩgü. Rü ngẽmagüxicatama nixĩ i Lebítanüxü̃ i mexü̃ nax Cori ya Tupanana ngaixcamagüxü̃ nax naxügüã̱xü̃ca̱x i norü puracü i napatawa —ñanagürü.

Norü taxre ga popera ga Timutéuca̱x naxümatüxü̃ ga Pauru 2:2

Yema ore ga chauxü̃tawa nüxü̃ cuxĩnüxü̃ ga yexguma muxü̃ma ga duü̃xü̃güpe̱xewa nüxü̃ chixuxgu, rü chanaxwa̱xe i ñu̱xma cuxí ngẽma oremaxã cunangúexẽxẽ i togü i yatügü i mea naãẽxü̃ cua̱xgüxü̃ nax nüxĩ́ togüxü̃ nangúexẽẽxü̃ca̱x namaxã i ngẽma ore.

1 Chamué 2:35

Rü ngẽmawena i choma rü tá chayanguxuchixẽxẽ ya wüxi ya chacherdóte ya aixcüma chauga ĩnücü ya choma chanaxwa̱xexü̃ãcüma puracücü rü naxücü i chorü ngúchaü̃. Rü choma rü tá guxü̃gutáma nüxü̃ charüngü̃xẽxẽ nax yamuxü̃ca̱x i nataagü. Rü tá chanamu ya yimá chacherdóte nax guxü̃gutáma yimá choma nüxü̃ chaxunetacü ya ãẽ̱xgacüxü̃ nangü̃xẽẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:22

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü”, ñanagürü ga yema chomaxã idexaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:14

Rü yema chomaxã idexaxü̃ rü ñanagürü ta: “Chanaxwa̱xe i Laodichéawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá aixcüma ixĩcü. Rü nüma nixĩ i nüxü̃ yaxuxü̃ i ore i aixcüma ixĩxü̃ rü inaxügüxü̃ ga guxü̃ma ga yema Tupana üxü̃’.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:7

Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:1

Rü yema chomaxã idexaxü̃ rü ñanagürü ta: “Chanaxwa̱xe i Chárdexwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá 7 i Tupanaãxẽ ya Üünecü nawa ngẽxmacü rü 7 ya woramacuri nüxü̃́ ngẽxmacü’. Rü ñanagürü i nümax: ‘Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x rü woo duü̃xü̃gü nüxü̃ ixugügu nax cha̱u̱xca̱x cumaxü̱̃xgu, natürü tama aixcüma cha̱u̱xca̱x cumaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:18

Rü yema chomaxã idexaxü̃ rü ñanagürü ta: “Chanaxwa̱xe i Tiatírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Tupana Nane ya ñoma üxüemarüxü̃ iya̱u̱xraxetücü rü nacutügü rü ñoma bróũche i meama iya̱u̱xracüüxẽẽxü̃rüxü̃ nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:12

Rü yema chomaxã idexaxü̃ rü ñanagürü ta: “Chanaxwa̱xe i Pérgamuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá nüxü̃́ nangẽxmacü i ngẽma tara i guxü̃cüwawa téxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:8

Rü yema chomaxã idexaxü̃ rü ñanagürü ta: “Chanaxwa̱xe i Echamírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Nüxíra Yexmacü rü Guxü̃guma Ngẽxmaechacü ga yucü rü wenaxarü maxü̃cü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:1

“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.

Echequié 44:10

Rü yema Lebítanüxü̃ ga choxna ixĩgachitanüxü̃ ga yexguma Iraéanecüã̱x choxna ixĩgachitanügu nax yema tupananetachicüna̱xãgüxü̃ yacua̱xüü̃güxü̃ca̱x, rü ngẽma Lebítanüxü̃ rü tá nanaxütanügü ga yema pecadu ga naxügüxü̃.

Yeremía 33:18

Rü tagutáma nataxu i chacherdótegü i Lebítaagü nax guxü̃ i ngunexü̃gu cha̱u̱xca̱x yagugüãxü̃ i carnérugü, rü cha̱u̱xca̱x yagugüãxü̃ i trigute̱xe rü togü i ãmaregü” —ñanagürü.

Nüxíraxü̃xü̃ ga popera ga ãẽ̱xgacügüchiga 2:35

Rü yemawena nüma ga ãẽ̱xgacü rü Benaíaxü̃ naxuneta nax churaragüeru yixĩxü̃ca̱x Yoáchicüxü. Rü chacherdóte ga Chadóxü̃ naxuneta Abiatáchicüxü.

Iraétanüxü̃arü muxchiga 18:7

Natürü cuma rü cunegüxica tá nixĩ i penaxügüxü̃ i ngẽma chacherdótegüarü puracü rü chope̱xewa ãmare pigugüxü̃ rü tüyemachiü̃ruxü̃arü aixepeguama pichocuxü̃ nagu i ucapu i Üünexüchixü̃. Rü ngẽma puracü rü pexica tátama nixĩ i penaxügüxü̃ erü choma rü nagu pexü̃ chamugü nax chacherdótegü pixĩgüxü̃ rü chacherdótegüarü puracü pexügüxü̃ca̱x. Rü ngẽxguma chi texé chacherdótearü puracü uxgu natürü tama chacherdóte tixĩxgu, rü tá yu tümamaxã naxuegu —ñanagürü.

Echequié 40:45

Rü yexguma ga gumá yatü rü chomaxã nidexa rü ñanagürü: —Ngẽma ucapu i súrguama dawenüxü̃ rü chacherdótegü i Tupanapata ya taxü̃newa puracüexü̃ca̱x nixĩ.

Lebítanüxü̃arü puracüchiga 3:3

Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃ i naü̃nütawa ngẽxmaxü̃, rü yima taxre ya norü ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Iraétanüxü̃arü muxchiga 18:5

Erü pexme̱xwa nixĩ i nangẽxmaxü̃ ya chopata rü ñu̱xũchi ngẽma ãmarearü guruxü̃. Rü ngẽxguma ngẽma pexü̃ chamuxü̃ãcü peyanguxẽẽgu rü tagutáma wena Iraétanüxü̃maxã chanu.

2 Chamué 8:17

Rü Chadóx ga Aitúx nane rü Aimérex ga Abiatá nane, rü yemagü nixĩ ga chacherdótegü ixĩgüxü̃. Rü Cheraía nixĩ ga naxümatüxü̃ ga yema Iraéanewa ngupetüxü̃.