Echequié 44:13 - Tupanaarü Ore

¹³ Rü ngẽma Lebítanüxü̃ rü taxũtáma choxna nangaicamagü nax chacherdótegürüxü̃ chorü puracü naxügüxü̃ca̱x. Rü ngẽma chorü ngẽmaxü̃ i üünegüxü̃ rü taxũtáma nüxna nangaicamagü, rü yexera i ngẽma chorü ngẽmaxü̃gü i üünexüchixü̃. Rü tá poraãcü ãne ningegü nagagu ga yema chixexü̃ ga naxügüxü̃.

Echequié 44:13 Referans Kwoze

Iraétanüxü̃arü muxchiga 18:3

Rü nümagü i Lebítanüxü̃ rü tá ínamemare nax naxügüã̱xü̃ca̱x i ngẽma Tupanapataarü puracü i nawa cunamuxü̃. Natürü tama name nax Tupanapatawa ngẽxmagüxü̃ i nawechigüna rü ãmarearü guruü̃na nangaicamagüxü̃, erü ngẽxguma nüxna nangaicamagügu rü tá nayue rü pema rü tá ta peyue.

Norü taxre ga popera ga ãẽ̱xgacügüchiga 23:9

Rü yema chacherdótegü ga ma̱xpǘnegüwa yexmagüxü̃ ga tupananetagüarü ãmarechicagüwa puracüexü̃ rü nüxna nachu̱xu nax Cori ya Tupanaarü ãmarearü guruxü̃ ga Yerucharéü̃wa yexmaxü̃wa napuracüexü̃. Natürü natanüwatama nachibüe ga yema togü ga chacherdótegü rü nanangõ̱xgü ga yema paũ ga ngearü pu̱xẽẽruü̃ã́xü̃.

Echequié 36:7

Rü ngẽmaca̱x i choma ya Cori ya Tupana rü namaxã chanaxuegu i ngẽma nachixü̃anegü i pexna ngaixcamagüxü̃ rü choma rü tá poraãcü chanaxãnexẽxẽ.

Echequié 32:20

Rü ngẽma tara rü marü ínamemare. Rü ngẽma taramaxã tá nixĩ i nayuexü̃ i ngẽma muxũchixü̃ma i Equítuanearü churaragü naxrüxü̃ ga yema nüxíra daigu yuexü̃.

Echequié 16:61

Rü choma rü ngẽxguma tá cuxme̱xwa tüxü̃ changexmagüxẽẽgu cuxacügürüxü̃ ya yíxema cueya̱x ya yáxe ya Chamária, rü yíxema cueya̱x ya rübumaexe ya Chodóma, rü woo tama tümagüca̱x nax yixĩxü̃ ga yema uneta ga cumaxã chaxüxü̃, rü ngẽxguma i cumax, Pa Yerucharéü̃x, rü tá nüxna cucua̱xãchi ga yema chixexü̃ ga cuxüxü̃ rü na̱xcha̱xwa tá cuxãne.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 39:26

Rü ngẽma Iraétanüxü̃ i togü i nachixü̃anegüwa ngẽxmagüxü̃ i norü uanügüchixü̃anegüwa rü wena tá wüxiwa chanagagü. Rü ngẽxguma rü taãẽãcü tá norü naanewa nangẽxmagü, rü taxúetama texe ítanabai̱xgügü. Rü ngẽmaãcü tá ichanawe̱x i chorü pora rü chorü üüne nax muxü̃ma i nachixü̃anegü nüxü̃ nadaugüxü̃ca̱x. Rü ngẽma Iraétanüxü̃ rü tá nüxü̃ narüngümae ga yema poxcu ga ü̃pa norü chixexü̃gagu naxca̱x íchanguxẽẽxü̃.

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.