Echequié 44:1 - Tupanaarü Ore

¹ Rü gumá yatü rü wenaxarü Tupanapata ga taxü̃nea̱xtü ga düxétüwa yexmaxü̃arü ĩã̱x ga éstewa üxü̃wa choxü̃ naga. Natürü yema ĩã̱x rü narüwãxta.

Echequié 44:1 Referans Kwoze

Echequié 43:1

Rü yemawena ga gumá yatü rü yema ĩã̱x ga éstewa yexmaxü̃wa chomaxã naxũ.

Echequié 42:14

Rü ngẽxguma Tupanapata ya taxü̃negu nachocugu i ngẽma chacherdótegü rü tama name nax ĩã̱xtü i düxétüwa ngẽxmaxü̃wa naxĩxü̃ naxü̃pa nax ínacuxü̃xü̃ rü ngẽxma nanuãxü̃ i ngẽma naxchiru i Cori ya Tupanaarü puracü namaxã naxügüxü̃, erü ngẽma naxchiru rü nixüüne. Rü ngẽxguma ínachoxü̃gu rü duü̃xü̃gü íngẽxmaxü̃wa naxĩxgu rü name i to i naxchirugu nicu̱xgü —ñanagürü ga gumá yatü.

Echequié 40:17

Rü yemawena ga gumá yatü rü naa̱xtü ga düxétüwaama yexmaxü̃wa choxü̃ naga. Rü yema naa̱xtü rü nacüwawa nutatachinügümaxã ínachauxegu. Rü yéma nacüwawa nayexma ga 30 ga ucapugü.

Echequié 40:6

Rü yemawena ga yema yatü rü yema ücuchica ga éstewaama üxü̃wa naxũ. Rü guma toxṍõnewa naxĩnagü rü nanangu ga yema ücuchicaarü tatachinü. Rü nüxü̃́ nayexma ga 3 metru ga norü tatachinü.

Echequié 46:1

Rü choma ya Cori ya Tupana rü nüxü̃ chixu rü ñachagürü: —Rü ngẽma ĩã̱x i chopataarü ĩã̱xtü i aixepewa ngẽxmaxü̃ i éstewaama, rü name nax nawãxtaxü̃ i ngẽma 6 i ngunexü̃gü i nagu penaxügüxü̃ i perü puracü. Natürü tá peyawãxna i ngẽma ĩã̱x ngẽxguma ngü̃xchigaarü ngunexü̃wa nanguxgu rü ñu̱xũchi ngẽxguma ngexwacaxü̃cü ya tauemacü ngo̱xgu.

Echequié 43:4

Rü Cori ya Tupanaarü üüne rü napataarü ĩã̱x ga éstewa yexmaxü̃wa nixücu.

Norü taxre ga to ga popera ga ãẽ̱xgacügüchiga ümatüxü̃ 33:5

Rü yema taxre ga naxa̱xtügü ga Tupanapata ga taxü̃ne rü yemagu ínanaxüxü̃ ga to ga ãmarearü guruü̃gü naxca̱x ga guxü̃ma ga woramacurigü ga daxũwa ngẽxmagüxü̃.

Norü taxre ga to ga popera ga ãẽ̱xgacügüchiga ümatüxü̃ 20:5

Rü yema duü̃xü̃gü ga Yudáanecüã̱x ga Yerucharéü̃wa ĩxü̃ rü Tupanapata ga taxü̃nea̱xtü ga yexwaca̱xü̃xü̃pe̱xegu nangutaque̱xegü. Rü nüma ga Yochapáx rü norü ngãxü̃tanügu nachi.

Norü taxre ga to ga popera ga ãẽ̱xgacügüchiga ümatüxü̃ 4:9

Rü ínanapoxegu ga yema naa̱xtü ga chacherdótegüarü ixĩxü̃. Rü yexgumarüxü̃ ta ínanapoxegu ga yema naa̱xtü ga taxü̃ ga Tupanapata ga taxü̃ne. Rü ñu̱xũchi nanaxü ga norü ĩã̱xgü. Rü yemagü rü bróũchemaxã nayatügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:18

Rü ngẽma Lebítanüxü̃ rü ñu̱xma rü ta nüxna nadaugü i ngẽma Tupanapataarü ĩã̱x i éstewaama üxü̃ i nawa yaxücuxü̃ ya ãẽ̱xgacü. Rü yemagü nixĩ ga Lebítanüxü̃ ga Tupanapataarü ĩã̱xgüarü dauruü̃gü.

Echequié 46:12

Rü ngẽxguma nüma ya ãẽ̱xgacü norü ngúchaü̃maxã Cori ya Tupanana naxããgu i wüxi i naxü̃na i ãmareruxü̃ nax Tupanaca̱x yamáaxü̃ca̱x rü yaguãxü̃ca̱x rüe̱xna wüxi i naxü̃na nax Tupanaxü̃ nangüxmüxẽẽxü̃ca̱x, rü ngẽxguma tá ãẽ̱xgacüca̱x nayawãxna i ngẽma ĩã̱x i éstewaama üxü̃. Rü ngẽma ngü̃chigaarü ngunexü̃gu naxüxü̃ãcü tá inanaxã i norü ãmare nax Tupanaca̱x yamáaxü̃ rü yaguãxü̃. Rü ngẽxguma ínaxũxũxgu ya ãẽ̱xgacü rü tá narüwãxta i ngẽma ĩã̱x.