Echequié 43:7 - Tupanaarü Ore

⁷ Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.

Echequié 43:7 Referans Kwoze

Echequié 43:9

¡Rü nüxü̃ naxoe nax norü tupananetachicüna̱xãgüxü̃ yacua̱xüü̃güxü̃! ¡Rü nüxü̃ naxoe nax norü ãẽ̱xgacügü i yuexü̃chicüna̱xãgüxü̃ yacua̱xüü̃güxü̃! Rü ngẽxguma i choma rü guxü̃gutáma natanüwa chamaxü̃.

Wiyaegü 47:8

Rü ngẽma yatügü i tachigaxü̃ i guxü̃ i nachixü̃anegüwa ngẽxmagüxü̃ rü namaxã nangutaque̱xe i ngẽma duü̃xü̃gü i Abraáü̃arü Tupanaaxü̃́ yaxõgüxü̃. Rü nüma ya Tupana rü norü tochicaxü̃ i üünexü̃wa narüto rü guxü̃ma i nachixü̃anegüarü ãẽ̱xgacügümaxã inacua̱x. Rü nüma rü guxü̃étüwa nangẽxma.

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:3

Rü ngéma rü nataxutama i ta̱xacü ya Tupana chixexü̃ namaxã ueguxü̃. Rü yima ĩanewa tá nangẽxma i norü tochicaxü̃ ya Tupana rü yimá Corderuxacü. Rü norü duü̃xü̃gü rü tá nüxü̃ nicua̱xüü̃gü.

Echequié 20:39

Pa Iraétanüxü̃x, choma ya Cori ya Tupana rü ñachagürü pexü̃: —Ngẽxguma tama chauga pexĩnüechaü̃gu, ¡rü ẽcü nüxü̃ picua̱xüü̃gü i ngẽma perü naxchicüna̱xãgü i naxchi chaxaixü̃! Natürü nawa tá nangu i ngunexü̃ nax chauga tá pexĩnüexü̃. Rü ngẽxguma rü taxũtáma wena chope̱xewa chixexü̃ pexü namaxã i ngẽma ãmaregü i naxchicüna̱xãgüca̱x ípeguxü̃ nax ngẽmaãcü nüxü̃ picua̱xüü̃güxü̃ca̱x.

Echequié 1:26

Rü yema naanetüweétüwa nüxü̃ chadau ga wüxi ga ta̱xacü ga natochicaxü̃raü̃xü̃ ga nuta ga chafírunaxca̱x ixĩxü̃. Rü yema tochicaxü̃wa narüto ga wüxi ga naduü̃xü̃raxü̃xü̃.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:2

Rü yexguma marü yexma nangutaque̱xegu, rü nüma ga Dabí rü inachi rü ñanagürü: —Pa Chomücügü rü Pa Chorü Duü̃xü̃güx ¡rü choxü̃́ iperüxĩnüe! Rü choma rü choxü̃́ nangúchaü̃ nax chanaxüxü̃ ya Tupanapata nax ngẽxma naxü̃́xü̃ca̱x i ngẽma baú i Tupanaarü mugü nagu nucuxü̃ nax ngéma nangẽxmaxü̃ca̱x ya Tupana. Rü yemaca̱x ga choma rü chananutaque̱xe ga yemaxü̃gü nax naxüxü̃ca̱x ya Tupanapata.

2 Corintios 6:16

¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.

Ore i mexü̃ ga Cuáü̃ ümatüxü̃ 14:23

Rü Ngechuchu nanangãxü̃, rü ñanagürü: —Yíxema choxü̃ ngechaü̃xe rü naga taxĩnü i ngẽma ore i tümamaxã nüxü̃ chixuxü̃. Rü Chaunatü tá tüxü̃ nangechaü̃. Rü choma rü Chaunatümaxã wüxigu tümaxü̃tawa tá tangexmagü.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Echequié 48:35

Rü ngẽma ĩanearü poxeguxü̃tápü̱x rü guxü̃wama rü 9,000 metru tá nixĩ i norü ma̱x. Rü yema ngunexü̃guwena rü naéga ya yima ĩane rü “Cori ya Tupana Nua Nangexma”, tá nixĩ.

Echequié 39:7

Rü ngẽmaãcü tá chorü duü̃xü̃gü i Iraétanüxü̃xü̃ nüxü̃ chacua̱xẽxẽ i chauéga i üünexü̃. Rü tama chanaxwa̱xe nax chixri nachiga yadexagüechaxü̃ i chauéga. Rü ngẽma togü i nachixü̃anegü rü tá nüxü̃ nacua̱xgü nax choma ya Cori ya Tupana rü Iraéanewa ichanawéxü̃ i chorü üüne.

Echequié 10:1

Yemawena rü yema querubíü̃güétüwa yexmaxü̃ ga naanetüweétüwa nüxü̃ chadau ga wüxi ga ta̱xacü ga natochicaxü̃raü̃xü̃ ga nuta ga nga̱xãẽruxü̃ ya chafírunaxca̱x ixĩxü̃.

Yeremía 17:12

Rü choma i Yeremía rü ñachagürü: Rü yima cupata, Pa Tupanax, rü nawa nangẽxma i curü tochicaxü̃ i üünexü̃ rü mexẽchixü̃. Rü noxritama naxü̱xgu ya yima cupata rü yima ma̱xpǘnegu naxü.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Yeremía 14:21

¡Rü ngẽma cuéga i üünexü̃gagu, rü taxṹ i toxü̃ cuxoxü̃! ¡Rü taxṹ i nüxü̃ cuxoxü̃ ya yima ĩane ya curü tochicaxü̃ i üünexü̃ nawa ngẽxmane! ¡Rü nüxna nacua̱xãchi ga yema curü uneta ga tomaxã cuxüxü̃, rü taxṹ i nüxü̃ curüngü̃maxü̃!

Yeremía 3:17

Rü ngẽxguma ya Yerucharéü̃ rü Cori ya Tupanaarü tochicaxü̃gu tá naxãéga. Rü guxü̃ i nachixü̃anecüã̱xgü tá ngẽxma nangutaque̱xegü nax ngéma choxü̃ yacua̱xüü̃güxü̃ca̱x. Rü ñu̱xũchi ngẽma norü duü̃xü̃gü rü marü taxũtáma nagu namaxẽ i ngẽma chixexü̃gü i naãẽwa nagu naxĩnüexü̃.

Ichaía 66:1

Tupana rü ñanagürü: —Ngẽma daxũguxü̃ i naane rü chorü tochicaxü̃ nixĩ rü ñoma i naane rü chorü chicutüchica nixĩ. ¿Rü ngexta tá nixĩ i choxü̃́ penaxüxü̃ ya wüxi ya chopata? ¿Rü ngexta tá nixĩ i choxü̃́ penaxüxü̃ i wüxi i nachica i nagu charüngü̃xü̃?

Ichaía 6:1

Rü gumá taunecü ga ãẽ̱xgacü ga Uchía nagu yucü rü nüxü̃ chadau ga Cori ya Tupana ga wüxi ga tochicaxü̃ ga dauxü̃wa yexmaxü̃wa nax natoxü̃. Rü yema naxpechinüchiru rü nanatüétü ga guma napata ga taxü̃ne.

Wiyaegü 132:14

Rü nüma ya Tupana rü ñanagürü: —Daa nixĩ ya yima ma̱xpǘne i chanaxwa̱xene nax guxü̃guma nawa changexmaxü̃. Rü ngẽxma tá chaxãchiü̃ erü chorü me nixĩ.

Wiyaegü 99:5

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü nape̱xegu pecaxã́pü̱xügü! Erü nüma rü naxüüne.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Ínachoxü̃xü̃chiga 29:45

Rü choma rü tá natanüwa chamaxü̃ i ngẽma Iraétanüxü̃, rü norü Tupana tá chixĩ.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Echequié 6:5

Rü naxü̃negü i ngẽma Iraétanüxü̃ i yuexü̃ rü ngẽma naxchicüna̱xãgüpe̱xewa tá chayawogü. Rü yimá naxchina̱xãgü rü norü ãmarearü guruü̃gücüwagu tá chanawoone.

Echequié 6:13

Rü ngẽxguma ngẽma maxẽxü̃ i duü̃xü̃gü nüxü̃ daugügu i ngẽma yuexü̃ i naxchicüna̱xãgüpe̱xegu nuquegüxü̃, rü ãmarearü guruü̃gücüwagu nuquegüxü̃, rü guxü̃ma i ngüchitaerugüxü̃gu nuquegüxü̃, rü ma̱xpǘnegügu nuquegüxü̃, rü guxü̃ma i nai i taetaxü̃tüü̃gu nuquegüxü̃, rü guxü̃ma i castaña i taetaxü̃tüü̃gu nuquegüxü̃, rü ñu̱xũchi ngẽma nachicagü i norü naxchicüna̱xãgüca̱x pumarate̱xe íyagugüxü̃gu nuquegüxü̃, rü ngẽxguma ngẽmaxü̃ nadaugügu i ngẽma duü̃xü̃gü i íyaxügüxü̃ rü tá nüxü̃ nicua̱xãchitanü nax choma chixĩxü̃ ya Cori ya Tupana.

Ínachoxü̃xü̃chiga 25:8

¡Rü cha̱u̱xca̱x penaxü ya wüxi ya chopata nax yimawa duü̃xü̃gütanüwa changexmaxü̃ca̱x!

Nüxíraxü̃xü̃ ga popera ga ãẽ̱xgacügüchiga 8:13

Natürü i ñu̱xmax rü cuxca̱x chanaxü ya wüxi ya cupata ya taxü̃ne nax guxü̃guma ngéma cumaxü̃xü̃ca̱x —ñanagürü.

Norü taxre ga popera ga ãẽ̱xgacügüchiga 16:4

Rü yema nachicagü ga tupananetagüca̱x ãmare íyagugüxü̃ ga ma̱xpǘnegüwa rü guxü̃ma ga naigü ga imeetaxü̃tüü̃wa, rü nüma ga Acáx rü yemawa ínanagu ga naxü̃nagü rü pumarate̱xegü.

Wiyaegü 68:17

Rü nüma ya Tupana rü guxü̃nema ya naweü̃maxã Chinaíarü ma̱xpǘnewa ínaxũxũ nax napata ya Chióü̃wa ngẽxmanewa naxũxü̃ca̱x.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Chacaría 13:3

Rü ngẽxguma chi tangexmagu ya wüxi ya Tupanaarü orearü uruxü̃neta i nüxü̃ ixuxechaxü̃ i ore i tama Tupanaarü ore ixĩxü̃, rü tümanatü rü tümaé tá ñanagürügü tüxü̃: “Cuma rü name nax cuyuxü̃ erü ngẽma ore i nüxü̃ quixuxü̃ rü doramare nixĩ rü tama aixcüma Cori ya Tupanaarü ore nixĩ!” ñanagürügü. Rü tümanatü rü tümaé tátama tüxü̃ nacana i ngẽxguma tügü tixuxgu nax Tupanaarü orearü uruxü̃ tixĩxü̃.