Echequié 43:4 - Tupanaarü Ore

⁴ Rü Cori ya Tupanaarü üüne rü napataarü ĩã̱x ga éstewa yexmaxü̃wa nixücu.

Echequié 43:4 Referans Kwoze

Echequié 44:2

Rü yéma rü Cori ya Tupana rü chomaxã nidexa rü ñanagürü: —Ñaa ĩã̱x rü guxü̃gutáma narüwãxtaecha, rü tama name nax yawãxnaxü̃. Rü ñaa ĩã̱x rü tama name nax texé nawa ixücuxü̃, yerü ñaa ĩã̱xwa nixĩ ga yaxücuxü̃ ga Cori ya Iraétanüxü̃arü Tupana. Rü ngẽmaca̱x i ñaa ĩã̱x rü guxü̃gutáma narüwãxtaecha.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Ínachoxü̃xü̃chiga 40:34

Rü yexguma Moiché yanguxẽẽgu ga guma Tupanapata ga nawa naxca̱x naxĩĩxü̃ne, rü yema caixanexü̃, rü guma Tupanapataétügu ínarüxĩ, rü Tupanaarü üünemaxã nanapá.

Echequié 1:28

Rü yema norü ya̱u̱xracüü ga caixanexü̃wa nango̱xgu rü ñoma chirapaema i pucügu nüxü̃ idauxü̃rüxü̃ nixĩ. Rü yemaacü nixĩ ga cha̱u̱xca̱x nangóxü̃ ga Cori ya Tupanaarü üüne. Rü yemaxü̃ chada̱u̱xgu rü ñaxtüanegu chanangücuchi.

Echequié 43:1

Rü yemawena ga gumá yatü rü yema ĩã̱x ga éstewa yexmaxü̃wa chomaxã naxũ.

Echequié 44:4

Rü yemawena ga gumá yatü rü yema ĩã̱x ga nórtewa yexmaxü̃ ga Tupanapata ga taxü̃nepe̱xewa üxü̃wa chomaxã naxũ. Rü choma rü nüxü̃ chadau ga Cori ya Tupanaarü üüne nax napata namaxã yapaxü̃. Rü yexguma ga choma rü waixü̃müanegu chayangücuchi.

Ínachoxü̃xü̃chiga 40:35

Rü nüma ga Moiché rü taxucürüwama yexma naxücu yerü yema caixanexü̃ rü Tupanapatagu ínarüxĩ rü norü üünemaxã nanapá ga guma Tupanapata.

Ichaía 60:1

¡Íperüdagü, Pa Yerucharéü̃cüã̱xgüx! Erü wena ngóonexü̃wa pengẽxmagü. Rü Tupanaarü pora rü petanüwa nangẽxma.

Echequié 3:12

Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.