Echequié 43:2 - Tupanaarü Ore

² Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Echequié 43:2 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:1

Rü yemawena nüxü̃ chadau ga wüxi ga to ga orearü ngeruxü̃ ga daxũguxü̃ ga naanewa írüxĩxü̃. Rü nüma rü taxü̃ ga pora nüxü̃́ nayexma. Rü norü ya̱u̱xracüüxü̃maxã nangóone ga ñoma ga naane.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.

Echequié 1:28

Rü yema norü ya̱u̱xracüü ga caixanexü̃wa nango̱xgu rü ñoma chirapaema i pucügu nüxü̃ idauxü̃rüxü̃ nixĩ. Rü yemaacü nixĩ ga cha̱u̱xca̱x nangóxü̃ ga Cori ya Tupanaarü üüne. Rü yemaxü̃ chada̱u̱xgu rü ñaxtüanegu chanangücuchi.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:15

Rü nacutü rü ta niyauracüxü ñoma bróũche i meama iya̱u̱xracüüxẽẽxü̃rüxü̃. Rü yexguma yadexaxgu rü natagaxüchi ñoma taxü̃ i dexá i chuxchuxü̃rüxü̃.

Echequié 3:23

Rü ichachi ga choma rü ínadoxonexü̃wa chaxũ. Rü yéma nüxü̃ chadau ga Cori ya Tupanaarü üüne, yema natü ga Quebáxpechinüwa nüxü̃ chada̱u̱xgurüxü̃. Rü chacaxã́püxü rü chanangücuchi ñu̱xmata waixü̃müanewa yaxũ ga chaucatü.

Echequié 1:24

Rü yexguma inaxĩãchigu rü nüxü̃ chaxĩnü ga naga ga guma naxpe̱xatügü. Rü ñoma natü i nagoxü̃chíüxü̃rüxü̃ nixĩ ga nax natagaxü̃. Rü yimá Cori ya Tupana ya Guxãétüwa Ngẽxmacügarüxü̃ nixĩ ga naga. Rü ñoma muxũchixü̃ i churaragügarüxü̃ nixĩ. Rü yexguma íyachaxãchitanügu rü narüweü̃ ga guma naxpe̱xatügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:2

Rü ñu̱xũchi nüxü̃ chaxĩnü ga wüxi ga naga ga tagaxü̃ ga daxũguxü̃ ga naanewa inaxũxü̃ ga ñoma taxü̃ i cotüna i chuxchuxü̃garüxü̃ ixĩxü̃ rü ñoma poraãcü yaduruanexü̃rüxü̃ ixĩxü̃ rü ñoma muxũchixü̃ i duü̃xü̃gü i árpawa ípaxetagüxü̃rüxü̃ ixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:6

Rü ñu̱xũchi nüxü̃ chaxĩnü ga ta̱xacü ga ñoma muxũchixü̃ ga duü̃xü̃gü idexagüxü̃rüxü̃ ixĩxü̃ ga ñoma taxü̃ i dexá i chuxchuxü̃rüxü̃ ixĩxü̃ ga ñoma poraãcü yaduruanexü̃rüxü̃ ixĩxü̃ ga ñaxü̃: “¡Areruya! Erü nüma ya tórü Cori ya Tupana ya Guxü̃étüwa Ngẽxmacü, rü marü ningucuchi nax guxü̃maxã inacuáxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:1

Rü yemawena nüxü̃ chaxĩnü ga muxü̃ma ga duü̃xü̃güga ga daxũguxü̃ ga naanewa tagaãcü ñagüxü̃: “¡Areruya! Torü Tupana nixĩ i tüxü̃ namaxẽxẽẽxü̃. Rü nüma ya tórü Tupana nixĩ i guxü̃arü yexera naxüünexü̃ rü naporaxüchixü̃.

Ore i mexü̃ ga Cuáü̃ ümatüxü̃ 12:41

Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Echequié 9:3

Rü Tupanaarü üüne rü nüxna nayachü̱xüxãchi ga yema taxre ga ixãxpe̱xatüxü̃ ga noxri norü ngãxü̃wa nayexmaxü̃, rü Tupanapata ga taxü̃nearü ĩã̱xwaama naxĩ. Rü nüma ga Cori ya Tupana rü naxca̱x naca ga yema yatü ga línuchimaxã ãxchiruxü̃ ga norü goyexü̃gu ümatüruxü̃ ingexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.

Ichaía 17:12

Rü dücax, nüxü̃ pexĩnüe i ngẽma churaragü i muxũchixü̃ i perü uanügü i ãũgatanüxü̃ ñoma már arü yuapegü ãũgaxü̃rüxü̃. Rü ngẽma nixĩ i naga nax wáita naxüexü̃ i nachixü̃anegü i perü uanügü ixĩgüxü̃. Rü naga rü ñoma dexá i yuapexü̃ i tama íyachaxãchixü̃garüxü̃ nixĩ.

Echequié 11:22

Rü yema querubíü̃gü rü naxügü rü yema ibochicuxü̃ rü nawe nayachü̱xüxãchitanü. Rü yema Tupanaarü üüne ga naétügu chüxüxü̃ rü nüxna nixũgachi ga guma ĩane ga Yerucharéü̃. Rü norü éstewaama yexmane ya ma̱xpǘneétüwa nayachaxãchi.

Echequié 43:4

Rü Cori ya Tupanaarü üüne rü napataarü ĩã̱x ga éstewa yexmaxü̃wa nixücu.

Echequié 44:2

Rü yéma rü Cori ya Tupana rü chomaxã nidexa rü ñanagürü: —Ñaa ĩã̱x rü guxü̃gutáma narüwãxtaecha, rü tama name nax yawãxnaxü̃. Rü ñaa ĩã̱x rü tama name nax texé nawa ixücuxü̃, yerü ñaa ĩã̱xwa nixĩ ga yaxücuxü̃ ga Cori ya Iraétanüxü̃arü Tupana. Rü ngẽmaca̱x i ñaa ĩã̱x rü guxü̃gutáma narüwãxtaecha.

Abacú 3:4

Rü ba̱i̱xbeanexü̃gu ngéma ne naxũ. Rü naxme̱xwa ínaxũxũ i omüema. Rü ngẽmawa nango̱x i ngẽma norü pora.