Echequié 43:15 - Tupanaarü Ore

¹⁵ Rü yema ãmarearü guruü̃arü chauxnagü ga dauxnawa üxü̃ ga naxü̃na nawa ínagugüxü̃ rü 2 metru nixĩ ga norü máxchane. Rü nüxü̃́ nayexma ga ãgümücü ga norü cuípe̱xegü ga dauxü̃wa nadagüxü̃.

Echequié 43:15 Referans Kwoze

Ínachoxü̃xü̃chiga 27:2

Rü ngẽma ãmarearü guruxü̃, rü guxü̃ma i norü ãgümücüpe̱xewa rü tá cunacuipe̱xegüxẽxẽ, rü ngẽma rü tá naxü̃newatama cunaxüxüchi. Rü bróũchemaxã tá cunatüxüne i guxü̃wama.

Wiyaegü 118:27

Rü nüma ya Cori nixĩ i tórü Tupana yixĩxü̃. Rü nüma nixĩ i tüxü̃ yabáixmaxü̃xü̃. ¡Rü ngĩxã napatawa ngẽxmaxü̃ i ãmarechicagu tayanu i ngẽma naixtanügü i nüxna ixãmaregüxü̃!

Lebítanüxü̃arü puracüchiga 9:9

Rü nüma ga nanegü rü nanayauxgü ga nagü rü Aróü̃na nanaxãgü. Rü nüma ga Aróü̃ rü nawa naxueme̱xẽ ga gumá nagü. Rü ãmarearü guruü̃pe̱xechatacu̱xregü namaxã nichagü. Rü gumá nagü ga íyaxücü rü ãmarearü guruxü̃ namaxã ínabaegu.

Ichaía 29:7

Rü guxü̃ma i ngẽma muxũchixü̃ i uanügü i Yerucharéü̃ca̱x íyaxüãchixü̃ nax nagu napogüexü̃ca̱x i naxtapü̱xgü rü norü duü̃xü̃güxü̃ ínayauxü̃xü̃ca̱x rü tá nibuxmü. Rü ñoma wüxi i nanegürüxü̃ rüe̱xna wüxi i ngo̱xetürüxü̃ tá narütauxe.

Nüxíraxü̃xü̃ ga popera ga ãẽ̱xgacügüchiga 2:28

Rü Yoá ga churaragümaxã icuáxü̃ rü Adoníawaama naxǘ, natürü ga ü̃pa rü woetama taguma Acharóü̃wa naxǘ. Rü yexguma Yoá nüxü̃ cuáchigagu ga yema Adoníamaxã naxueguxü̃ ga Charomóü̃, rü Tupanapataarü ãmarearü guruü̃ca̱x niña rü norü cuipe̱xegu nayayauxãchi nax yemaacü nügü ínapoxü̃xü̃ca̱x.

Nüxíraxü̃xü̃ ga popera ga ãẽ̱xgacügüchiga 1:50

Rü nüma ga Adonía rü yema nax Charomóü̃xü̃ namuü̃xü̃ca̱x rü inachi rü Tupanapatawa naxũ. Rü ãmarearü guruü̃arü cuipe̱xegu nayarüngĩ rü yexma nayarücu̱x.

Echequié 43:20

Rü ngẽmawena rü íxracü ya nagü tá cuyaxu rü yimá nagümaxã tá cunamaxcu i ngẽma guruü̃arü cuípe̱xegü. Rü ngẽxgumarüxü̃ ta tá yimamaxã cunamaxcu i ngẽma ngãxü̃wa üxü̃ i naxü̃nearü poxõchigü rü guxü̃ma i ngẽma nabera i nüxü̃ íxümaeguãchixü̃. Rü ngẽmaãcü tá cunaxüünexẽxẽ i ngẽma ãmarearü guruxü̃.

Ínachoxü̃xü̃chiga 27:1

¡Rü naxü i wüxi i ãmarearü guruxü̃ i norü guxü̃cüwawa wüxigumarexü̃! Rü taxre ya metru rü 25 chentímetru tá nixĩ i wüxichigü i nacüwawa. Rü mürapewa i acáchianaxca̱x tá nixĩ. Rü ngẽma norü máchane rü wüxi ya metru rü 25 chentímetru tá nixĩ.