Echequié 42:11 - Tupanaarü Ore

¹¹ Rü yema ucapugüpe̱xewa nayexma ga norü namaxacü yema ucapugü ga nórtewa ügüxü̃rüü̃tama. Rü yema nórtewa ügüxü̃ ga ucapugüarü ma̱x rü norü tatachinü nüxü̃́ nayexmagü. Rü yema nórtewa ügüxü̃rüxü̃ nüxü̃́ nayexmagü ga norü ücuchicagü rü norü ũxü̃chicagü.

Echequié 42:11 Referans Kwoze

Echequié 42:4

Rü yema ucapugüpe̱xewa rü nayexma ga wüxi ga norü namaxacü ga aixepewa nadaxü̃. Rü 5 metru nixĩ ga norü tatachinü, rü 50 metru nixĩ ga norü ma̱x. Rü yema ucapugüarü ĩã̱xgü rü nórtewaama naxügü.

Echequié 43:11

Rü ngẽxguma ngẽma Iraétanüxü̃ nüxü̃ rüxoegu i ngẽma chixexü̃ i nagu namaxẽxü̃, ¡rü namaxã nüxü̃ ixu nax ñuxãcü tá naxüxü̃ ya yima chopata rü ta̱xacü tá yixĩxü̃ i norü ngẽmaxü̃gü i nawa tá ngẽxmagüxü̃ rü ñuxãcü tá naxüxü̃ i norü ũxũchicagü rü norü ücuchicagü! ¡Rü ngẽmaãcü namaxã nüxü̃ ixu i guxü̃ma i chopatachiga! ¡Rü ngẽxgumarüxü̃ ta namaxã nüxü̃ ixu i chorü mugüchiga nax naga naxĩnüexü̃ca̱x! ¡Rü naxca̱x naxümatü i naxchicüna̱xã ya yima chopata nax ngẽmaãcü mea naxca̱x nangóxü̃ca̱x nax ñuxãcü tá naxügüãxü̃! ¡Rü ngẽxgumarüxü̃ ta naxca̱x naxümatü i guxü̃ma i chopataarü mugü nax ngẽmaãcü aixcüma yanguxẽxẽgüãxü̃ca̱x!

Echequié 44:5

Rü yexguma ga nüma ga Cori ya Tupana rü chomaxã nidexa rü ñanagürü: —Cuma, Pa Yatüx, ¡mea idauchixetü, rü mea irüxĩnü i guxü̃ma i ngẽma chopataarü mugü i tá cumaxã nüxü̃ chixuxü̃! ¡Rü dücax, mea irüxĩnü nax texégü tá tixĩgüxü̃ ya yíxema chopatagu chocuxe rü ñu̱xũchi texégü tá tixĩgüxü̃ ya yíxema taxucürüwa nagu chocuxe!

Echequié 48:30

Yima ĩane ya Yerucharéü̃ rü tá nüxü̃́ nangẽxma i norü poxeguxü̃tápü̱x i 2,250 metru ixüxü̃ i wüxichigü i nacüwagü. Rü wüxichigü i norü ãgümücü i nacüwawa rü tá nangẽxma i tomaepü̱x i norü ĩã̱xgü. Rü wüxichigü i ngẽma ĩã̱xgü rü tá Iraétücumügu nixãéga. Rü ngẽma naxtapü̱x i nórtewa üxü̃arü ĩã̱xgü rü Rubéü̃gu rü Yudágu rü Lebígu tá nixãéga.