Echequié 41:26 - Tupanaarü Ore

²⁶ Rü yema nüxíraxü̃xü̃ ga naxmachiã rü nüxü̃́ nayexma ga norü beü̃tánagü ga fierumena̱xãgünaxca̱x. Rü nacüwagüwa rü palmerachicüna̱xãmaxã nangã̱xãẽgü. Rü yema ucapugü ga Tupanapata ga taxü̃nena yaxũxgüxü̃ rü yemagü rü ta nüxü̃́ nayexma ga norü beü̃tánagü ga fierumena̱xãgünaxca̱x. Rü yemacüwagüwa rü ta palmerachicüna̱xãmaxã nangã̱xãẽgü.

Echequié 41:26 Referans Kwoze

Echequié 41:16

Rü yema beü̃tánagü rü fierumena̱xãnaxca̱x nixĩ. Rü yema naxpenüxü̃gü rü norü tomaepü̱xcüwawa rü mürapewagü nixĩ. Rü yema beü̃tánatüü̃wa nadaxü̃ ga naxtapü̱x rü mürapewamaxã natü. Rü yema ĩã̱xétüwa üxü̃ ga naxtapü̱x rü ta rü mürapewamaxã natü. Rü yemaacü ga yema naxtapü̱x ga Tupanapata ga taxü̃ne rü aixepewa rü düxétüwa rü guxü̃wama mürapewamaxã natü.

Echequié 40:16

Rü yema ucapugü ga yema ücuchicaarü guxü̃cüwawa yexmagüxü̃ rü norü caxtagü nüxü̃́ nayexma ga norü beü̃tánagü ga fierumena̱xãnaxca̱x. Rü yexgumarüxü̃ ta ga yema ucapu ga ngu̱xẽẽchica ga iyacuáxü̃wa yexmaxü̃ rü aixepewa nüxü̃́ nayexma ga norü beü̃tánagü ga fierumena̱xãnaxca̱x. Rü yema beü̃tánagü rü palmerachicüna̱xãgümaxã nanga̱xãẽgü.

Echequié 41:5

Rü yemawena ga gumá yatü rü nanangu ga naxtapü̱x ga Tupanapata ga taxü̃ne ga düxétüwaama. Rü yema naxtapü̱x rü 3 metru nixĩ ga norü yaxcü. Rü yema naxtapü̱xarü düxétüwa rü guxü̃cüwawa nayexma ga ucapugü ga nawa yaxũxgüxü̃ ga 2 metru chigü ixĩgüxü̃ ga norü tachiã.

Nüxíraxü̃xü̃ ga popera ga ãẽ̱xgacügüchiga 7:6

Rü ñu̱xũchi Charomóü̃ nanaxü ta ga wüxi ga ãxmachiãmarexü̃ ga caxtagümaxã ípuxegumarexü̃. Rü 22 metruarü ngãxü̃gu nixĩ ga norü ma̱x, rü 13 metruarü ngãxü̃ nixĩ ga norü taxmachiã. Rü yemape̱xewa nayexma ga to ga naxmachiã ga caxtagümaxã ípuxegumarexü̃ natürü naxãpataétü.

Echequié 40:48

Rü yexguma ga yema yatü rü yema Tupanapata ga taxü̃nearü ucapu ga nüxíra nawa ixücuxü̃wa choxü̃ naga. Rü nanangu ga norü caxtagü. Rü wüxichigü ga guma caxtagü rü 2 metruarü ngãxü̃ nixĩ ga norü tamena̱xã. Rü guma Tupanapataarü ĩã̱x ga nawa ixücuxü̃ rü 7 metru nixĩ ga norü tatachinü. Rü wüxichigü ga yema naxpenüxü̃ ga nacüwawa yexmagüxü̃ rü wüxi ga metruarü ngãxü̃ nixĩ ga norü tatachinü.

Nüxíraxü̃xü̃ ga popera ga ãẽ̱xgacügüchiga 7:4

Rü nayexma ga 3 chimüü̃ ga beü̃tánagü ga mea we̱xgu nuxü̃ rü yema 3 chimüü̃ ga beü̃tánagü ga wüxichimüü̃wachigü rü nügüarü to̱xma̱xtawa niyexmachigü.