Echequié 41:25 - Tupanaarü Ore

²⁵ Rü yema naxmachiã ga ngãxü̃wa yexmaxü̃arü ĩã̱xgü rü dauxü̃cüã̱xchicüna̱xãgümaxã rü palmerachicüna̱xãgümaxã nanga̱xãẽgü. Rü yexgumarüxü̃ ta nixĩ ga nanga̱xãẽgüxü̃ ga naxtapü̱xgü. Rü yema nüxíraxü̃xü̃ ga naxmachiã ga nawa ixücuxü̃arü düxétüwa rü nayexma ga wüxi ga waicumüchate̱xexü̃ ga nainaxca̱x.

Echequié 41:25 Referans Kwoze

Echequié 41:18

Rü yema mürapewagü ga norü tüchiãruü̃gü rü naxchicüna̱xãgümaxã nanga̱xãxẽ. Rü wüxi ga mürapewawa nayexma ga wüxi ga dauxü̃cüã̱xchicüna̱xã rü to ga mürapewawa nayexma ga wüxi ga palmerachicüna̱xã. Rü yemaacü nixĩ ga guxü̃cüwawa. Rü wüxichigü ga yema dauxü̃cüã̱xchicüna̱xãgü rü nataxrechametü.

Nüxíraxü̃xü̃ ga popera ga ãẽ̱xgacügüchiga 7:6

Rü ñu̱xũchi Charomóü̃ nanaxü ta ga wüxi ga ãxmachiãmarexü̃ ga caxtagümaxã ípuxegumarexü̃. Rü 22 metruarü ngãxü̃gu nixĩ ga norü ma̱x, rü 13 metruarü ngãxü̃ nixĩ ga norü taxmachiã. Rü yemape̱xewa nayexma ga to ga naxmachiã ga caxtagümaxã ípuxegumarexü̃ natürü naxãpataétü.

Echequié 40:16

Rü yema ucapugü ga yema ücuchicaarü guxü̃cüwawa yexmagüxü̃ rü norü caxtagü nüxü̃́ nayexma ga norü beü̃tánagü ga fierumena̱xãnaxca̱x. Rü yexgumarüxü̃ ta ga yema ucapu ga ngu̱xẽẽchica ga iyacuáxü̃wa yexmaxü̃ rü aixepewa nüxü̃́ nayexma ga norü beü̃tánagü ga fierumena̱xãnaxca̱x. Rü yema beü̃tánagü rü palmerachicüna̱xãgümaxã nanga̱xãẽgü.

Echequié 41:16

Rü yema beü̃tánagü rü fierumena̱xãnaxca̱x nixĩ. Rü yema naxpenüxü̃gü rü norü tomaepü̱xcüwawa rü mürapewagü nixĩ. Rü yema beü̃tánatüü̃wa nadaxü̃ ga naxtapü̱x rü mürapewamaxã natü. Rü yema ĩã̱xétüwa üxü̃ ga naxtapü̱x rü ta rü mürapewamaxã natü. Rü yemaacü ga yema naxtapü̱x ga Tupanapata ga taxü̃ne rü aixepewa rü düxétüwa rü guxü̃wama mürapewamaxã natü.