Echequié 41:22 - Tupanaarü Ore

²² Rü nape̱xewa ga yema ucapu ga üünexü̃arü ĩã̱x rü nayexma ga wüxi ga ta̱xacü ga ãmarearü guruü̃raxü̃xü̃ ga mürapewanaxca̱x. Rü yema rü guxü̃ma ga norü ãgümücü ga nacüwawa rü wüxi ga metru nixĩ. Rü wüxi ga metru rü naétü ngãxü̃ ga metru nixĩ ga norü máxchane. Rü guxü̃ma ga norü cuípe̱xexü̃gü rü naparagü rü nacüwagü rü nainaxca̱x nixĩgü. Rü gumá yatü rü ñanagürü choxü̃: —Ñaa nixĩ i ngẽma mecha i Tupanape̱xewa ngẽxmaxü̃ —ñanagürü choxü̃.

Echequié 41:22 Referans Kwoze

Maraquía 1:12

Natürü i pema rü choxü̃ pinuxẽxẽ erü tama nüxü̃ pengechaxü̃ i ngẽma chorü ãmarearü guruxü̃ i chorü mecha ixĩxü̃. Rü ngẽmaca̱x i ãmare i tama mexü̃ cha̱u̱xca̱x nawa pigugü.

Maraquía 1:7

Rü pema rü chorü ãmaregüarü guruü̃wa penana i ãmaregü i tama imexü̃, rü ngẽxguma rü ípeca rü ñaperügügüama: “¿Ta̱xacüwa i chixexü̃ cumaxã taxüexü̃?” ñaperügügü. Dücax, pema rü chixexü̃ chope̱xewa pexüe erü chorü ãmarechicawa penana i ãmare i tama imexü̃.

Echequié 44:16

Rü nümagü i chacherdótegü tá nixĩ i chopatagu nachocuxü̃, rü chorü ãmarearü guruü̃na nangaicamagüxü̃ nax cha̱u̱xca̱x naxügüã̱xü̃ca̱x i chorü puracü. Rü nümagü tá nixĩ i namaxã inacua̱xgüxü̃ i ngẽma puracü i choma nagu chanamugüxü̃.

Echequié 23:41

Rü ngĩmagü rü mexẽchixü̃ ga pechicaxü̃wa irütogü nape̱xewa ga wüxi ga mecha ga marü ímemarexü̃. Rü yexma mechagu inaxügü ga yema chíxü̃ rü yema pumarate̱xe ga choxrü ixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:3

Rü yemawena ínangu ga wüxi ga to ga Tupanaarü orearü ngeruxü̃ ga daxũcüã̱x. Rü nüma rü yema pumarate̱xearü guruü̃pe̱xegu nachi. Rü yéma nanange ga wüxi ga buetarexacü ga pumarate̱xearü guruxü̃ ga úirunaxca̱x. Rü nüxna nanaxã ga taxü̃ ga pumarate̱xe nax yema tochicaxü̃pe̱xewa yexmaxü̃ ga pumaraarü gute̱xeruü̃wa yaguãxü̃ca̱x, nax yema pumaraema rü wüxigu Tupanaarü duü̃xü̃güarü yumüxẽmaxã Tupanaxü̃tawa nanguxü̃ca̱x.

Nüxíraxü̃xü̃ ga popera ga ãẽ̱xgacügüchiga 6:20

Rü yema nachiã ga Üünexüchixü̃ rü 9 metru nixĩ ga norü ma̱x, rü norü taxmachiã rü 9 metru ta nixĩ rü norü máchanemachiã rü 9 metru ta nixĩ. Rü Charomóü̃ rü nachiã ga üünexüchixü̃pe̱xegu nanaxǘ ga wüxi ga pumarate̱xearü guruxü̃ ga ocayiwanaxca̱x. Rü úirumaxã nanapexene ga guxü̃wama.

Lebítanüxü̃arü puracüchiga 24:6

¡Rü ngẽma chope̱xewa ngẽxmaxü̃ i mecha i úiruxica ixĩxü̃, rü ngẽmaétügu taxretücumügu yanu i ngẽma paũ! Rü ngẽmaãcü wüxitücumüchigü rü tá nüxü̃́ nangẽxma i 6 i paũ.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:20

Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.

1 Corintios 10:21

Rü pema nax peyaxaxgüxü̃ ya yimá bínu ya tórü Corixü̃ namaxã picua̱xüü̃gücü rü taxucürüwama namaxã pexãmücü i ngẽma duü̃xü̃gü i ngo̱xgüwe rüxĩxü̃. Rü pema nax tórü Coriarü mechawa penangṍxü̃ i ngẽma õna i nüxü̃ namaxã picua̱xüü̃güxü̃ rü taxucürüwama ngẽma duü̃xü̃gü i ngo̱xgüwe rüxĩxü̃arü mechawa rü ta peyachibüe.

Charumóü̃arü wiyae 1:12

Rü ngẽxguma cumax, Pa Ãẽ̱xgacüx, mechawa curütoxgu, rü chorü pumara rü cuxü̃ napa.

Ucu̱xẽgüchiga 9:2

Nanadai ga wocagü nax naxüaxü̃ca̱x ga taxü̃ ga õna, rü nanaxü ga wüxi ga bínu ga mexẽchicü, rü nanamexẽxẽ ga norü mecha nax yemaétüwa inaxǘaxü̃ca̱x ga norü õna.

Norü taxre ga to ga popera ga ãẽ̱xgacügüchiga ümatüxü̃ 4:19

Rü ñu̱xũchi nüma ga Charomóü̃ rü nüxü̃ ínanaxüxü̃xẽxẽ ga guxü̃ma ga yema togü ga Tupanapata ga taxü̃nearü yexmaxü̃gü ga pumarate̱xearü guruxü̃ ga úirunaxca̱x, rü yema mecha ga nagu nanuxü̃ ga yema paũ ga Tupanaca̱x ixĩxü̃.

Nüxíraxü̃xü̃ ga popera ga ãẽ̱xgacügüchiga 7:48

Ñu̱xũchi Charomóü̃ rü nanaxüxẽxẽ ta ga guxü̃ma ga togüama ga yemaxü̃gü ga Cori ya Tupanapata ga taxü̃newa yexmagüxü̃. Rü yema nixĩ ga yema pumarate̱xearü guruxü̃ ga úirunaxca̱x, rü yema mecha ga úirunaxca̱x ga paũ ga üünexü̃arü üruxü̃, rü yema 10 ga omügü ga muxchiraü̃xü̃ ga úirunaxca̱xgü ga naxmachiã ga üünexüchixü̃pe̱xegu nuxü̃, rü 5 ga norü tügünecüwawa rü 5 ga norü to̱xwecüwawa. Rü yexgumarüxü̃ ta nanaxü ga yema ngã̱xãẽruü̃gü ga putüragü, rü omügü, rü ãxchataxü̃gü ga úirunaxca̱x, rü copugü, rü pirañagü ga omüchiraü̃arü yoyeruxü̃, rü tacháũgü, rü cucharóü̃gü, rü pumarate̱xearü guruü̃gü. Rü guxü̃ma ga yemagü rü úirunaxca̱x nixĩgü. Rü yexgumarüxü̃ ta ga yema aixepewa yexmaxü̃ ga naxmachiã ga üünexü̃chixü̃arü ĩã̱xgüarü bichágragü rü yema Tupanapata ga taxü̃nearü ĩã̱xgüarü bichágragü rü úirunaxca̱x nixĩgü.

Nüxíraxü̃xü̃ ga popera ga ãẽ̱xgacügüchiga 6:22

Rü yemaacü ga guma Tupanapata ga taxü̃ne rü guxü̃ma ga nachiãwa úirumaxã nanapexmachiãgü. Rü yexgumarüxü̃ ta úirumaxã nanapexgü ga yema guruxü̃ ga nachica ga üünexüchixü̃pe̱xegu üxü̃.

Ínachoxü̃xü̃chiga 30:8

Rü ñu̱xũchi yáuanecü ngẽma ora i omügü nagu yananaigüxẽẽxü̃gu rü ngẽmaãcü tátama nanaxü i Aróü̃. Rü ngẽma tá guxü̃gutáma gucü ya taunecügu chope̱xewa nanaxü i Aróü̃taagü.

Ínachoxü̃xü̃chiga 25:23

¡Rü naxü i wüxi i mecha i mürapewa i acáchianaxca̱x! Rü 90 chentímetru tá nixĩ i norü ma̱x, rü 45 chentímetru i norü tatachinü rü 65 chentímetru i norü máchane.