Echequié 41:12 - Tupanaarü Ore

¹² Rü oéstewaama rü nayexma ga wüxi ga ĩpata ga ĩã̱xtü ga ípoxeguxü̃guama dawenüne. Rü guma ĩpata rü 35 metru nixĩ ga norü tachiã, rü 45 metru ga norü ma̱x. Rü naxtapü̱xarü yaxcü rü 2 metruarü ngãxü̃ nixĩ.

Echequié 41:12 Referans Kwoze

Echequié 42:13

Rü gumá yatü rü chomaxã nidexa rü ñanagürü: —Ngẽma naã̱xtüarü poxeguxü̃arü to̱xma̱xtawa ngẽxmagüxü̃ i ucapugü i nórtewa ngẽxmagüxü̃ rü súrwa ngẽxmagüxü̃, rü ucapugü i üünexü̃ nixĩgü. Rü ngẽma chacherdótegü i Cori ya Tupanaca̱x daugüxü̃ rü ngẽma ucapugüwa tá nixĩ i nangõ̱xgüãxü̃ i ngẽma ãmaregü i üünexü̃. Rü ngẽma ucapugügu tá nixĩ i nanucuãxü̃ i ngẽma ãmaregü i üünexü̃ i trigute̱xe, rü ãmare i pecaduarü ütanüca̱x inaxãgüxü̃ rü ngẽma ãmare i wüxi i guxchaxü̃ nax naxüxü̃gagu ixãxü̃ erü ngẽma ucapugü rü nachica i üünexü̃ nixĩgü.

Echequié 42:10

Rü Tupanapata ga taxü̃nearü súrcüwawa nayexmagü ga to ga ucapugü. Rü yema ucapugü rü naã̱xtüarü poxeguxü̃arü ma̱xwa nangugü. Rü yema ucapugü, rü guma taxü̃ne ga ĩpata ga Tupanapataca̱xwena yexmanecüwawa nangugü.

Echequié 42:1

Rü yexguma ga gumá yatü rü yema naa̱xtü ga nórtewaama üxü̃wa choxü̃ naga. Rü guma taxü̃ne ga ĩpata ga muarü ucapuã́ne ga Tupanapata ga taxü̃nearü nórtewaama yexmanegu choxü̃ naxücuxẽxẽ. Rü guma ĩpata rü yema naa̱xtü ga aixepewa üxü̃arü to̱xma̱xtawa nayexma nape̱xewa ga guma ĩpata ga taxü̃ne ga Tupanapataca̱xwe̱xwa yexmane.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.