Echequié 40:7 - Tupanaarü Ore

⁷ Rü nacüwagüwa ga yema ücuchica rü nüxü̃́ nayexma ga norü dauruü̃güarü ucapugü. Rü wüxichigü ga yema ucapugü rü 3 metru nixĩ ga norü ma̱x, rü 3 metru nixĩ ga norü tachiã. Rü yema ucapugü rü 2 metruarü ngãxü̃ nixĩ ga nügüna nayáxü̃guxü̃. Rü yema ücuchica iyacuáxü̃wa rü 3 metru nixĩ ga norü tachiã rü yéma nayexma ga wüxi ga ucapu ga ngu̱xẽẽchica. Rü yema ücuchica iyacuáxü̃wa nüxü̃ tadau ga guma Tupanapata ga taxü̃ne.

Echequié 40:7 Referans Kwoze

Echequié 40:36

Rü nayexma ta ga norü ucapugü rü caxtagü rü yema norü ucapu ga ngu̱xẽẽchica. Rü guxü̃cüwawa nüxü̃́ nayexma ga norü beü̃tánagü. Rü napata ga yema ücuchica rü 25 metru nixĩ ga norü ma̱x rü 12 metruarü ngãxü̃ nixĩ ga norü taxmachiã

Echequié 42:5

Rü yema ucapugü ga dauxü̃chiãwa ügüxü̃ rü yema ucapugü ga ñaxtüwa ügüxü̃xü̃ narüxíxramaegü. Rü wüxichigü ga naxmachiã rü narüxíramaechigü yerü yema namaxacügü nanaxíxraxẽxẽ.

Echequié 40:33

Rü norü ucapugü rü norü caxtagü rü yema norü ngu̱xẽẽchica rü namaxã nawüxigu ga norü ta ga yema togü ga ücuchicagüarü ucapugü rü caxtagü rü ngu̱xẽẽchica. Rü napata ga yema ücuchica rü norü ucapu ga ngu̱xẽẽchica rü guxü̃wama nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Echequié 40:29

Rü norü ucapugü rü norü ucapu ga ngu̱xẽẽchica rü norü caxtagü rü yema togü ga ücuchicagüarü ucapugü, rü ucapu ga ngu̱xẽẽchica, rü norü caxtagüarü ta nüxü̃́ nayexmagü. Rü napata ga yema ücuchica rü norü ucapu ga ngu̱xẽẽchica rü guxü̃ma nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Yeremía 35:4

Rü Tupanapatawa chanagagü nawa ga yema Anáü̃ nanegüarü ucapu. Rü nüma ga Anáü̃ ga Idalía nane rü Tupanaarü duü̃xü̃ nixĩ. Rü yema ucapu rü yema Tupanapataarü ãẽ̱xgacügüarü ucapucüwawa nayexma. Rü Tupanapataarü ĩã̱xgüarü dauruxü̃ ga Maacheíaarü ucapuétüwa nayexma. Rü nüma ga Maachía rü Charúü̃ nane nixĩ.

Édra 8:29

Rü ngẽmaca̱x penaxwa̱xe nax mea nüxna pedaugüxü̃ rü ñu̱xmata Tupanapata ya taxü̃ne ya Yerucharéü̃wa ngẽxmanewa nangugü. Rü ngéma rü tá wena ipenayagü nape̱xewa i chacherdótegüarü ãẽ̱xgacügü, rü Lebítanüxü̃arü ãẽ̱xgacügü rü Iraétanüxü̃arü ãẽ̱xgacügü —ñachagürü.

Norü taxre ga to ga popera ga ãẽ̱xgacügüchiga ümatüxü̃ 31:11

Rü yemaca̱x ga Echequía rü norü duü̃xü̃güxü̃ namu nax Cori ya Tupanapata ga taxü̃negu naxügüã̱xü̃ca̱x ga ucapugü nax nagu nanuãxü̃ca̱x ga yema nawemügü. Rü yexguma marü yanguxgu ga yema ucapugü, rü yexma nananucugü ga yema nanutaque̱xegüxü̃ ga ãmaregü ga õnagü rü yemaxü̃gü ga Cori ya Tupanana naxãgüxü̃. Rü Lebítanüxü̃ ga Conaníaxü̃ naxunetagü nax yemamaxã inacuáxü̃ca̱x. Rü ñu̱xũchi nüxü̃ naxuneta ga naenexẽ ga Chimí nax norü ngü̃xẽẽruxü̃ yixĩxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 3:9

Rü wüxichigü ga yema itapua ga namaxã íyapotagüaxü̃ rü 550 gramu nixĩ ga norü ya. Rü yema naxmachiãgü ga dauxü̃wa üxü̃ rü ta rü úirumaxã nanapexmachiãgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:28

Rü yema Lebítanüxü̃ rü nanaxü ga yema Tupanapata ga taxü̃nearü puracügü ga Aróü̃tanüxü̃ ga chacherdótegü nagu namugüxü̃. Rü nüxna nadaugü ga naã̱xtügü ga Tupanapata ga taxü̃ne rü norü ucapugü. Rü nayayauxgü ga Tupanapata ga taxü̃nearü yemaxü̃gü ga ixüünexü̃. Rü yexgumarüxü̃ ta nanaxügü ga guxü̃ma ga toomachigü ga puracü ga Tupanapata ga taxü̃newa naxügüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:26

Natürü yema ãgümücü ga Lebítanüxü̃ ga dauxü̃taeruü̃gü ga natanüxü̃maxã icua̱xgüxü̃ rü taguma naxüchicüügü. Rü nümagü nixĩ ga nüxna nadaugüxü̃ ga Tupanapataarü ucapugü rü yema meruxü̃gü ga nawa yexmagüxü̃.

Echequié 40:8

Rü gumá yatü rü nanangu ga yema ucapu ga ngu̱xẽẽchica ga guma Tupanapata ga taxü̃nexü̃ nawa idauxü̃ rü yema rü 4 metru nixĩ ga norü taxmachiã. Rü yéma nayexma ga taxre ga caxtagü ga wüxi ga metru ixĩgüne ga norü yaxcü.

Echequié 40:10

Rü yema naxã̱xtüarü ĩã̱x ga nawa ixücuxü̃ ga éstewa yexmaxü̃ rü norü wüxicüwawachigü rü nüxü̃́ nayexma ga tomaepü̱x ga ucapugü. Rü guxü̃ma ga yema ucapugü rü nawüxigumare ga norü taxmachiãwa. Rü guma caxtagü ga wüxicüwawa yexmagüne rü wüxi ga metru ixĩgüne ga norü yaxcü.

Echequié 40:21

Rü norü wüxicüwawachigü rü nayexma ga tomaepü̱x ga ucapugü. Rü nayexma ta ga norü caxtagü rü norü ucapu ga ngu̱xẽẽchica. Rü yema ücuchica ga nórtewa üxü̃ rü norü ma̱x rü norü tachiã rü nawüxigu namaxã ga yema ücuchica ga éstewa üxü̃. Rü yemaacü nüxü̃́ nayexma ga 25 metru ga norü ma̱x rü 12 metruarü ngãxü̃ ga norü tatachinü.