Echequié 40:6 - Tupanaarü Ore

⁶ Rü yemawena ga yema yatü rü yema ücuchica ga éstewaama üxü̃wa naxũ. Rü guma toxṍõnewa naxĩnagü rü nanangu ga yema ücuchicaarü tatachinü. Rü nüxü̃́ nayexma ga 3 metru ga norü tatachinü.

Echequié 40:6 Referans Kwoze

Echequié 43:1

Rü yemawena ga gumá yatü rü yema ĩã̱x ga éstewa yexmaxü̃wa chomaxã naxũ.

Echequié 8:16

Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.

Echequié 40:20

Rü nayexma ta ga wüxi ga ücuchica ga nórtewa üxü̃. Rü yema ücuchica rü naa̱xtü ga düxétüwa yexmaxü̃wa nangu. Rü gumá yatü rü nanangu ga yema ücuchicaarü ma̱x rü norü tachiã.

Echequié 11:1

Rü nüma ga Tupanaãxẽ ya Üünecü rü choxü̃ nayachü̱xüxãchixẽxẽ rü Tupanapata ya taxü̃nearü ĩã̱x ya éstewaama üxü̃wa choxü̃ naga ga Yerucharéü̃wa. Rü yema ĩã̱xwa nayexmagü ga 24 ga yatügü. Rü yematanüwa nüxü̃ chacuáxü̃ nixĩ ga Yaachanía ga Achúx nane rü Peratía ga Benaía nane. Rü nümagü rü Yerucharéü̃cüã̱xarü ãẽ̱xgacügü nixĩgü.

Echequié 10:18

Rü yexguma yema Cori ya Tupanaarü üüne rü guma Tupanapata ga taxü̃neétüna nayachü̱xüxãchi. Rü yema querubíü̃güétügu nayachü̱xüxü.

Yeremía 19:2

¡Rü ñu̱xũchi Ben-inóü̃arü Doxonexü̃wa naxũ i ĩã̱x i Tü̃xü̃gü i Puexü̃gu ãégaxü̃arü to̱xma̱xtawa! ¡Rü ngéma naxunagü i ngẽma ore i tá cumaxã nüxü̃ chixuxü̃!

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Neemía 3:29

Rü yemagüwena rü Chadóx ga Imé nane nixĩ ga namexẽẽxü̃ ga yema naxtapü̱xarü üye ga napataarü to̱xma̱xtawa yexmaxü̃. Rü yema naxtapü̱xarü üye ga idaxü̃ rü Chemaía ga Checanía nane nixĩ ga namexẽẽxü̃. Rü nüma ga Chemaía rü yema Éstegu ãégaxü̃ ga ĩã̱xarü dauruxü̃ nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:24

Rü Tupanapataarü éstewaama, rü oéstewaama, rü nórtewaama rü súrwaama nayexma ga norü dauruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:18

Rü ngẽma Lebítanüxü̃ rü ñu̱xma rü ta nüxna nadaugü i ngẽma Tupanapataarü ĩã̱x i éstewaama üxü̃ i nawa yaxücuxü̃ ya ãẽ̱xgacü. Rü yemagü nixĩ ga Lebítanüxü̃ ga Tupanapataarü ĩã̱xgüarü dauruü̃gü.

Nüxíraxü̃xü̃ ga popera ga ãẽ̱xgacügüchiga 6:8

Rü yema naxpacuarü ĩã̱x ga ñaxtüwa yexmaxü̃ rü Tupanapata ga taxü̃nearü tügünecüwawa naxü. Rü meruchipaãcü naxü ga guma toxṍõne ga nawa ixĩnagüne naxca̱x ga yema naxmachiã ga ngãxü̃wa üxü̃ rü yema dauxü̃wa üxü̃.

Echequié 47:1

Rü yemawena ga gumá yatü rü wenaxarü Tupanapata ga taxü̃nearü ĩã̱xwa choxü̃ namu. Rü yexguma yema ĩã̱xwa changuxgu rü nüxü̃ chadau ga dexá ga yema ĩã̱xtüxü̃wa ibaibexü̃ ga éstewaama yáxü̃ ga Tupanapata ídaxü̃chixü̃waama. Rü yema dexá rü Tupanapataarü tügünecüwaguama nida ga ãmarearü guruü̃arü súrcüwawa.

Echequié 46:12

Rü ngẽxguma nüma ya ãẽ̱xgacü norü ngúchaü̃maxã Cori ya Tupanana naxããgu i wüxi i naxü̃na i ãmareruxü̃ nax Tupanaca̱x yamáaxü̃ca̱x rü yaguãxü̃ca̱x rüe̱xna wüxi i naxü̃na nax Tupanaxü̃ nangüxmüxẽẽxü̃ca̱x, rü ngẽxguma tá ãẽ̱xgacüca̱x nayawãxna i ngẽma ĩã̱x i éstewaama üxü̃. Rü ngẽma ngü̃chigaarü ngunexü̃gu naxüxü̃ãcü tá inanaxã i norü ãmare nax Tupanaca̱x yamáaxü̃ rü yaguãxü̃. Rü ngẽxguma ínaxũxũxgu ya ãẽ̱xgacü rü tá narüwãxta i ngẽma ĩã̱x.

Echequié 44:1

Rü gumá yatü rü wenaxarü Tupanapata ga taxü̃nea̱xtü ga düxétüwa yexmaxü̃arü ĩã̱x ga éstewa üxü̃wa choxü̃ naga. Natürü yema ĩã̱x rü narüwãxta.

Echequié 43:8

Yema Iraétanüxü̃ rü norü taxü̃ ga chixexü̃gümaxã nagu nidauxcüraxü̃gü ga chauéga i üünexü̃. Yerü chorü ãmarearü guruü̃gücüwagu nanaxü ga norü tupananetagüarü ãmarearü guruü̃gü. Rü wüxi ga naxtapü̱xicatama nixĩ ga nügüna nayaxü̃guxẽẽxü̃. Rü yemaca̱x nixĩ ga namaxã chanuxü̃ rü chanadaixü̃.

Echequié 40:26

Rü nüxü̃́ nayexma ta ga norü toxṍõne ga 7 ga chinagü nüxü̃́ yexmane. Rü nayexma ta ga norü ngu̱xẽẽchica ga aixepewa yexmaxü̃. Rü wüxichigü ga norü caxtagü rü guxü̃cüwawa palmerachicüna̱xãgümaxã nanga̱xãxẽ

Echequié 40:7

Rü nacüwagüwa ga yema ücuchica rü nüxü̃́ nayexma ga norü dauruü̃güarü ucapugü. Rü wüxichigü ga yema ucapugü rü 3 metru nixĩ ga norü ma̱x, rü 3 metru nixĩ ga norü tachiã. Rü yema ucapugü rü 2 metruarü ngãxü̃ nixĩ ga nügüna nayáxü̃guxü̃. Rü yema ücuchica iyacuáxü̃wa rü 3 metru nixĩ ga norü tachiã rü yéma nayexma ga wüxi ga ucapu ga ngu̱xẽẽchica. Rü yema ücuchica iyacuáxü̃wa nüxü̃ tadau ga guma Tupanapata ga taxü̃ne.

Echequié 40:5

Rü Tupanapata ga taxü̃nearü düxétüwa rü nayexma ga wüxi ga naxtapü̱x ga Tupanapataxü̃ íyadaeguxü̃. Rü guma yatüme̱xẽwa yexmaxü̃ ga ngugüruxü̃ rü 3 metru nixĩ ga norü ma̱x. Rü yexguma nanguãgu ga yema naxtapü̱x rü 3 metru nixĩ ga norü yacü, rü 3 metru nixĩ ga norü máchane

Echequié 40:22

Rü yema ücuchica ga nórtewa üxü̃ rü norü ucapu ga ngu̱xẽẽchica rü norü beü̃tánagü rü norü palmerachicüna̱xãgü rü nawüxigu namaxã ga yema éstewa üxü̃ ga ücuchicaarü ucapu ga ngu̱xẽẽchica rü norü beü̃tánagü rü norü palmerachicüna̱xãgü. Rü nayexma ta ga norü toxṍõne ga 7 ga chinagü nüxü̃́ yexmane. Rü nayexma ta ga norü ucapu ga ngu̱xẽẽchica ga aixepewa yexmaxü̃

Echequié 40:24

Rü yemawena ga yema yatü rü súrwaama choxü̃ naga. Rü yéma nayexma ga to ga ücuchica. Rü inanangu ga norü caxtagü rü norü ucapugü rü norü ngu̱xẽẽchicagü. Rü norü ta ga yema caxtagü rü norü ucapugü rü norü ngu̱xẽẽchicagü rü namaxã nawüxigumare ga yema to ga ücuchicagü.

Echequié 41:16

Rü yema beü̃tánagü rü fierumena̱xãnaxca̱x nixĩ. Rü yema naxpenüxü̃gü rü norü tomaepü̱xcüwawa rü mürapewagü nixĩ. Rü yema beü̃tánatüü̃wa nadaxü̃ ga naxtapü̱x rü mürapewamaxã natü. Rü yema ĩã̱xétüwa üxü̃ ga naxtapü̱x rü ta rü mürapewamaxã natü. Rü yemaacü ga yema naxtapü̱x ga Tupanapata ga taxü̃ne rü aixepewa rü düxétüwa rü guxü̃wama mürapewamaxã natü.

Echequié 42:15

Rü yexguma marü nüxü̃́ nagu̱xgu nax nanguãxü̃ ga Tupanapata ga taxü̃nearü tachiã ga aixepewa, rü gumá yatü rü chomaxã ínaxũxũ nawa ga yema ĩã̱x ga éstewa üxü̃. Rü nanangugü ga guxü̃ma ga norü ta ga yema naane ga Tupanapata ga taxü̃ne nagu üxü̃.

Echequié 43:17

Rü yema ãmarearü guruü̃arü ngãxü̃wa üxü̃ ga naxü̃ne rü nawüxigu ga nacüwagü. Rü wüxichigü ga nacüwagü rü 7 metru nixĩ. Rü yema catexü̃ ga nacüwawa yexmaxü̃ rü 50 chentímetru nixĩ ga norü taxü̃ma. Rü yema chauxnagü ga yema catexü̃cüwawa yexmaxü̃ rü 25 chentímetru nixĩ ga norü tabera. Rü guma ãmarearü guruü̃arü toxṍõne rü éstecüwawa nayexma.