Echequié 40:3 - Tupanaarü Ore

³ Rü Cori ya Tupana rü guma ĩanewa choxü̃ naga, rü guma ĩanewa nüxü̃ chadau ga wüxi ga yatü ga nabróũchewa üxü̃raü̃xü̃. Rü ĩã̱xgu nachi, rü naxme̱xwa nanange ga wüxi ga ãnütaxü̃ ga ngugüruxü̃ ga línuchinaxca̱x, rü ñu̱xũchi wüxi ga naixmena̱xã ga ngugüruxü̃ ixĩxü̃ne.

Echequié 40:3 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:1

Rü yemawena choxna nanaxã ga wüxi ga dexnemena̱xã ga ngugüruxü̃ ixĩxü̃ne. Rü gumá choxna naxacü rü ñanagürü choxü̃: “¡Inachi rü nangugü ya yima Tupanapata ya taxü̃ne rü ngẽma ãmarearü guruxü̃! ¡Rü yaxugü rü ñuxre yixĩxü̃ i ngẽma duü̃xü̃gü i ngéma Tupanaxü̃ icua̱xüü̃güxü̃!

Echequié 47:3

Rü gumá yatü rü wüxi ga napana̱xã ga nangenütaxü̃maxã éstewaama naxũ. Rü yema napana̱xãmaxã nanangugü ga 500 metru. Rü yema natü ga poraxüchixü̃wa choxü̃ nixüexẽxẽ. Rü norü mátama rü cho̱xme̱xtüü̃wa nangu.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:15

Rü yema orearü ngeruxü̃ ga chomaxã idexaxü̃, rü nüxü̃́ nayexma ga wüxi ga norü ngugüxü̃ ga úirumena̱xãnaxca̱x nax yemamaxã nangugüãxü̃ca̱x ga guma ĩane rü norü ĩã̱xgü rü norü poxeguxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:15

Rü nacutü rü ta niyauracüxü ñoma bróũche i meama iya̱u̱xracüüxẽẽxü̃rüxü̃. Rü yexguma yadexaxgu rü natagaxüchi ñoma taxü̃ i dexá i chuxchuxü̃rüxü̃.

Echequié 1:7

Rü guma naparagü rü niwe̱xgümare rü nayawocaxacüpatügüraxü̃, rü ñu̱xũchi ñoma bróũche i meama ípixü̃rüxü̃ niyauratanücüxü.

Echequié 1:27

Rü yema naayearü daxũwaama rü niyauxra ñoma wüxi i bróũche i meama báixü̃rüxü̃. Rü üxüemamaxã ínanumaegu. Rü naayetüü̃waama rü ñoma wüxi i üxüemarüxü̃ nixĩ. Rü guxü̃cüwawa rü poraãcü nangóone.

Ichaía 28:17

Rü choma rü tá mea chanangugü i ngẽma naxüxü̃ i wüxichigü i duü̃xü̃gü. Rü guxü̃ma i ngẽma chaxüxü̃ rü aixcüma nawe̱xgu. Pema rü nüxü̃́ peyaxõ i ngẽma uneta i Equítuanemaxã pexüxü̃ nax pexü̃ ínapoxü̃xü̃, natürü ngẽma rü wüxi i doramare nixĩ rü gáuxü̃pütagü tá naétügu narüyi rü tá inayanaxoxẽxẽ. Rü taxü̃ i dexá tá ínananguxẽxẽ i perü cu̱xchicaxü̃ —ñanagürü ya Tupana.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Echequié 41:1

Rü yemawena ga gumá yatü rü Tupanapata ga taxü̃nearü aixepewa choxü̃ naga. Rü nanangu ga norü yacü ga guma taxre ga caxtagü ga norü ĩã̱xcüwawa yexmagüne. Rü wüxichigü ga guma caxtagü, rü 3 metru nixĩ ga norü yaxcü.

Echequié 42:16

Rü nanayaxu ga yema ngugüruxü̃ rü nanangugü ga yema naanecüwa ga éstewaama üxü̃. Rü yema rü nüxü̃́ nayexma ga 250 metru ga norü ma̱x.

Echequié 43:6

Rü gumá yatü rü chaucüwagu nachi, rü choma rü nüxü̃ chaxĩnü nax napatawa chomaxã yadexaxü̃ ga Cori ya Tupana.

Echequié 8:2

Rü nüxü̃ chadau ga wüxi ga nayatüxü̃raü̃xü̃. Rü yema naayetüü̃waama rü ñoma wüxi ga üxüemarüxü̃ nixĩ. Rü yema naayearü daxũwaama rü niyaura ñoma wüxi ga bróũche i baixẽẽxü̃rüxü̃.