Echequié 40:16 - Tupanaarü Ore

¹⁶ Rü yema ucapugü ga yema ücuchicaarü guxü̃cüwawa yexmagüxü̃ rü norü caxtagü nüxü̃́ nayexma ga norü beü̃tánagü ga fierumena̱xãnaxca̱x. Rü yexgumarüxü̃ ta ga yema ucapu ga ngu̱xẽẽchica ga iyacuáxü̃wa yexmaxü̃ rü aixepewa nüxü̃́ nayexma ga norü beü̃tánagü ga fierumena̱xãnaxca̱x. Rü yema beü̃tánagü rü palmerachicüna̱xãgümaxã nanga̱xãẽgü.

Echequié 40:16 Referans Kwoze

Echequié 41:26

Rü yema nüxíraxü̃xü̃ ga naxmachiã rü nüxü̃́ nayexma ga norü beü̃tánagü ga fierumena̱xãgünaxca̱x. Rü nacüwagüwa rü palmerachicüna̱xãmaxã nangã̱xãẽgü. Rü yema ucapugü ga Tupanapata ga taxü̃nena yaxũxgüxü̃ rü yemagü rü ta nüxü̃́ nayexma ga norü beü̃tánagü ga fierumena̱xãgünaxca̱x. Rü yemacüwagüwa rü ta palmerachicüna̱xãmaxã nangã̱xãẽgü.

Norü taxre ga to ga popera ga ãẽ̱xgacügüchiga ümatüxü̃ 3:5

Rü guma Tupanapata ga taxü̃nearü aixepetapü̱x rü mürapewagü ga pínunaxca̱x nixĩ. Rü ñu̱xũchi úiru ga marü ngemataxü̃maxã nayapexgü ga yema mürapewagü. Rü palmerachicüna̱xãgü rü cadénachicüna̱xãgü nagu nixüagü. Rü ñu̱xũchi nutagü ga ngã̱xãẽruü̃gü nawa nadexcu.

Nüxíraxü̃xü̃ ga popera ga ãẽ̱xgacügüchiga 6:4

Rü Charomóü̃ nanamu nax fierumenaxãwa naxügüãxü̃ ga norü beü̃tánagü ga Tupanapata ga taxü̃ne.

Nüxíraxü̃xü̃ ga popera ga ãẽ̱xgacügüchiga 6:35

Rü natachinüwa nanaxüxüchigü ga Tupanaarü orearü ngeruxü̃ i dauxü̃cüã̱xgüchicüna̱xãgü, rü palmerachicüna̱xãgü, rü putürachicüna̱xãgü. Rü ñu̱xũchi úirumaxã nanapexgü ga yema naxchicüna̱xãgü.

Nüxíraxü̃xü̃ ga popera ga ãẽ̱xgacügüchiga 6:32

Rü yema taxretachinü ga ĩã̱x, rü mürapewa ga oribunaxca̱x nixĩgü. Rü natachinüwatama nanaxüxüchigü ga Tupanaarü orearü ngeruü̃chicüna̱xãgü, rü palmerachicüna̱xãgü, rü putürachicüna̱xãgü. Rü ñu̱xũchi úirumaxã nanatü ga guxü̃ma.

Nüxíraxü̃xü̃ ga popera ga ãẽ̱xgacügüchiga 6:29

Rü guxü̃ma ga norü aixepetapü̱xwa rü düxétütapü̱xwa ga Tupanapata ga taxü̃ne rü nanaxüxüchigü ga orearü ngeruxü̃ i dauxü̃cüã̱xgüchicüna̱xãgü, rü palmerachicüna̱xãgü, rü putürachicüna̱xãgü. Rü yemaacü nananga̱xãẽtapü̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9

Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Echequié 42:3

Rü guma ĩpataarü aixepewa nayexma ga norü üpetüchica ga 10 metru ga norü tatachinü. Rü yema üpetüchicaarü wüxicüwawa nayexma ga ucapugü ga yema ĩã̱xtü ga aixepewa yexmaxü̃waama ügüxü̃. Rü yema üpetüchicaarü tocüwawa nayexma ga ucapugü ga yema düxétüwa yexmaxü̃ ga naã̱xtüwaama ügüxü̃. Rü guma ĩpata rü tomaepü̱xgu naxü̃nagü ga nachiã.

Echequié 41:18

Rü yema mürapewagü ga norü tüchiãruü̃gü rü naxchicüna̱xãgümaxã nanga̱xãxẽ. Rü wüxi ga mürapewawa nayexma ga wüxi ga dauxü̃cüã̱xchicüna̱xã rü to ga mürapewawa nayexma ga wüxi ga palmerachicüna̱xã. Rü yemaacü nixĩ ga guxü̃cüwawa. Rü wüxichigü ga yema dauxü̃cüã̱xchicüna̱xãgü rü nataxrechametü.

Echequié 40:25

Rü napata ga yema ücuchica rü yema togü ga ücuchicagürüxü̃ nüxü̃́ nayexma ga norü ucapu ga ngu̱xẽẽchica rü norü beü̃tánagü ga norü guxü̃cüwawa. Rü guxü̃wama rü 25 metru nixĩ ga norü ma̱x rü 12 metruarü ngãxü̃ nixĩ ga norü tachiã.

Echequié 40:12

Rü yema ücuchicaarü aixepewa yexmagüxü̃ ga ucapugüpe̱xewa nayexma ga wüxi ga norü poxeguxü̃ ga ínuxtapüxü̃ ga 50 chentímetru ga norü máchane. Rü yema ucapugü rü wüxichigü nüxü̃́ nayexma ga 3 metru ga norü taxmachiã, rü 3 metru ta ga norü ma̱xmachiã.

Echequié 40:7

Rü nacüwagüwa ga yema ücuchica rü nüxü̃́ nayexma ga norü dauruü̃güarü ucapugü. Rü wüxichigü ga yema ucapugü rü 3 metru nixĩ ga norü ma̱x, rü 3 metru nixĩ ga norü tachiã. Rü yema ucapugü rü 2 metruarü ngãxü̃ nixĩ ga nügüna nayáxü̃guxü̃. Rü yema ücuchica iyacuáxü̃wa rü 3 metru nixĩ ga norü tachiã rü yéma nayexma ga wüxi ga ucapu ga ngu̱xẽẽchica. Rü yema ücuchica iyacuáxü̃wa nüxü̃ tadau ga guma Tupanapata ga taxü̃ne.

Wiyaegü 92:12

Rü ngẽma mea maxẽxü̃ i duü̃xü̃gü rü ñoma tema ya baxcacürüxü̃ tá nixĩgü. Rü tá nimexẽchi yima ocayiwa ya Líbanuwa ngẽxmagünerüxü̃.

Echequié 40:15

Rü yexguma nanguãgu ga yema ücuchicaxü̃, rü norü ügüwa inanaxügü nax nanguãxü̃ ñu̱xmata yema aixepe iyacuáxü̃wa nangu, rü guxü̃wama 25 metru nixĩ ga norü ma̱x.

Echequié 40:26

Rü nüxü̃́ nayexma ta ga norü toxṍõne ga 7 ga chinagü nüxü̃́ yexmane. Rü nayexma ta ga norü ngu̱xẽẽchica ga aixepewa yexmaxü̃. Rü wüxichigü ga norü caxtagü rü guxü̃cüwawa palmerachicüna̱xãgümaxã nanga̱xãxẽ

Echequié 40:29

Rü norü ucapugü rü norü ucapu ga ngu̱xẽẽchica rü norü caxtagü rü yema togü ga ücuchicagüarü ucapugü, rü ucapu ga ngu̱xẽẽchica, rü norü caxtagüarü ta nüxü̃́ nayexmagü. Rü napata ga yema ücuchica rü norü ucapu ga ngu̱xẽẽchica rü guxü̃ma nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Echequié 40:31

Rü yema ücuchicaarü ucapu ga ngu̱xẽẽchica rü naa̱xtü ga düxétüwa üxü̃waama nixĩ ga nayexmaxü̃. Rü guma norü caxtagü rü palmerachicüna̱xãgümaxã nanga̱xãẽgü. Rü nape̱xewa nayexma ga norü toxṍõne ga 8 ga chinagü nüxü̃́ yexmane.

Echequié 40:33

Rü norü ucapugü rü norü caxtagü rü yema norü ngu̱xẽẽchica rü namaxã nawüxigu ga norü ta ga yema togü ga ücuchicagüarü ucapugü rü caxtagü rü ngu̱xẽẽchica. Rü napata ga yema ücuchica rü norü ucapu ga ngu̱xẽẽchica rü guxü̃wama nüxü̃́ nayexma ga norü beü̃tánagü. Rü norü ma̱x rü 25 metru nixĩ rü norü taxmachiã rü 12 metruarü ngãxü̃ nixĩ.

Echequié 40:34

Rü yema ücuchicaarü ucapu ga ngu̱xẽẽchica rü naa̱xtü ga düxétüwa üxü̃waama nixĩ ga nayexmaxü̃. Rü guma norü caxtagü rü guxü̃cüwawa palmerachicüna̱xãgümaxã nanga̱xãẽgü. Rü nape̱xewa nayexma ga norü toxṍõne ga 8 ga chinagü nüxü̃́ yexmane.

Echequié 40:36

Rü nayexma ta ga norü ucapugü rü caxtagü rü yema norü ucapu ga ngu̱xẽẽchica. Rü guxü̃cüwawa nüxü̃́ nayexma ga norü beü̃tánagü. Rü napata ga yema ücuchica rü 25 metru nixĩ ga norü ma̱x rü 12 metruarü ngãxü̃ nixĩ ga norü taxmachiã

Echequié 40:37

Rü yema ücuchicaarü ucapu ga ngu̱xẽẽchica rü naa̱xtü ga düxétüwa üxü̃waama nixĩ ga nayexmaxü̃. Rü guma norü caxtagü rü nacüwagüwa palmerachicüna̱xãgümaxã nanga̱xãẽgü. Rü nape̱xewa nayexma ga norü toxṍõne ga 8 ga chinagü nüxü̃́ yexmane.

Echequié 41:3

Rü yemawena rü yema taxü̃ ga Tupanapatamachiãgu naxücu. Rü nanangu ga norü caxtagü ga ĩã̱xcüwawa ügüne. Rü wüxichigü rü nüxü̃́ nayexma ga wüxi ga metru ga norü ta. Rü yema ĩã̱x ga nawa ixücuxü̃ rü 3 metru nixĩ ga norü tatachinü. Rü naxtapü̱xgü ga norü ĩã̱xcüwawa yexmagüxü̃, rü wüxichigü rü 3 metruarü ngãxü̃ nixĩ ga norü ta.

Echequié 41:25

Rü yema naxmachiã ga ngãxü̃wa yexmaxü̃arü ĩã̱xgü rü dauxü̃cüã̱xchicüna̱xãgümaxã rü palmerachicüna̱xãgümaxã nanga̱xãẽgü. Rü yexgumarüxü̃ ta nixĩ ga nanga̱xãẽgüxü̃ ga naxtapü̱xgü. Rü yema nüxíraxü̃xü̃ ga naxmachiã ga nawa ixücuxü̃arü düxétüwa rü nayexma ga wüxi ga waicumüchate̱xexü̃ ga nainaxca̱x.

Nüxíraxü̃xü̃ ga popera ga ãẽ̱xgacügüchiga 7:4

Rü nayexma ga 3 chimüü̃ ga beü̃tánagü ga mea we̱xgu nuxü̃ rü yema 3 chimüü̃ ga beü̃tánagü ga wüxichimüü̃wachigü rü nügüarü to̱xma̱xtawa niyexmachigü.