Echequié 40:1 - Tupanaarü Ore

^1-2 Rü yexguma 25 ga taunecü ínguxgu nax Babiróniawa tayexmagüxü̃ rü yexgumarüxü̃ ta 14 ga taunecü marü ningu nax Yerucharéü̃ yapugüxü̃ ga Babiróniacüã̱x. Rü gumá tauemacü ga taunecü namaxã ixügücüarü 10 ga ngunexü̃gu rü nüma ga Cori rü chaugu naxǘxme̱x rü chango̱xetü. Rü yema chorü ngo̱xetüwa Iraéanewa choxü̃ naga. Rü Iraéanewa rü wüxi ga ma̱xpǘne ga máchanenegu choxü̃ nachixẽxẽ. Rü yéma rü súrguama chadawenü, rü nüxü̃ chadau ga ĩpatagü ga itaxü̃ne. Rü chauxca̱x rü wüxi ga ĩane ga taxü̃nerüxü̃ nixĩ.

Echequié 40:1 Referans Kwoze

Echequié 33:21

Rü yexguma 12 ga taunecü ínguxgu nax Babiróniawa tayexmagüxü̃, rü gumá norü 10 ga tauemacüarü wüxime̱e̱xpü̱x ga ngunexü̃gu rü wüxi ga yatü ga Yerucharéü̃wa iñaxü̃ rü Babiróniaanewa nangu. Rü chomaxã nüxü̃ nixu nax uanügüme̱xẽgu nanguxü̃ ya Yerucharéü̃.

Echequié 37:1

Rü nüma ga Cori rü chaugu naxǘxme̱x rü choxü̃ naporaxẽxẽ namaxã ga norü pora. Rü Naãxẽ ya Üünecü rü chomaxã inacua̱x, rü wüxi ga metachinüxü̃ ga naxchina̱xãmaxã napaxü̃wa choxü̃ naga.

Echequié 32:17

Rü yexguma 12 ga taunecü ínguxgu nax Babiróniawa tayexmagüxü̃, rü gumá norü 12 ga tauemacüarü 15 ga ngunexü̃gu rü Tupana rü chomaxã nidexa rü ñanagürü choxü̃:

Echequié 32:1

Rü yexguma 12 ga taunecü ínguxgu nax Babiróniawa tayexmagüxü̃, rü gumá norü 12 ga tauemacüarü nüxíraxü̃xü̃ ga ngunexü̃gu rü Tupana rü chomaxã nidexa rü ñanagürü choxü̃:

Echequié 3:22

Rü yemawena ga nüma ga Cori ya Tupana rü chauétügu naxǘxme̱x, rü ñanagürü choxü̃: —¡Inachi rü yea ínadoxonexü̃wa naxũ! Rü ngéma ta nixĩ i cumaxã chidexaxü̃ —ñanagürü choxü̃.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:10

Rü wüxi ga yüxüarü ngunexü̃gu rü Tupanaãxẽ ya Üünecü chomaxã inacua̱x, rü chango̱xetü rü choweama nüxü̃ chaxĩnü ga wüxi ga naga ga tagaxü̃ ga ñoma cornétagarüxü̃ ixĩxü̃ ga ñaxü̃ choxü̃: “Chanaxwa̱xe nax wüxi i poperagu cunaxümatüxü̃ i ngẽma nüxü̃ cudauxü̃. Rü ñu̱xũchi chanaxwa̱xe i natanüwa cunamu i ngẽma 7 tücumü i yaxõgüxü̃ i Áchiaanearü ĩanegüwa ngẽxmagüxü̃. Rü yima ĩanegü nixĩ: Epéchiu, rü Echamíra, rü Pérgamu, rü Tiatíra, rü Chárdex, rü Filadélfia, rü Laodichéa”, ñaxü̃ choxü̃.

Echequié 29:17

Rü yexguma 27 ga taunecü ínguxgu nax Babiróniawa tayexmagüxü̃, rü gumá norü nüxíraxü̃xü̃ ga tauemacüarü nüxíraxü̃xü̃ ga ngunexü̃gu rü Tupana rü chomaxã nidexa rü ñanagürü choxü̃:

Echequié 11:24

Rü ñu̱xũchi ga yema Tupanaãxẽ ya Üünecü rü choxü̃ niga rü Babiróniaaneca̱x choxü̃ nataeguxẽxẽ natanüwa ga yema chautanüxü̃ ga yéma gagüxü̃. Rü guxü̃ma i ngẽma ñu̱xma nüxü̃ chixuxü̃ rü yema nixĩ ga Tupanaãxẽ ya Üünecü choxü̃ nüxü̃ dauxẽẽxü̃ ga yexguma choxü̃ nango̱xetüxẽẽgu. Rü yemawena rü inayarütaxu ga yema nüxü̃ chadauxü̃.

Echequié 8:1

Rü guma norü 6 ga taunecüarü 6 ga tauemacüarü 5 ga ngunexü̃gu rü choma rü chopatawa charüto namaxã ga Yudáanearü ãẽ̱xgacügü. Rü ngürüãchi Cori ya Tupana choxü̃ ningogü.

Ínachoxü̃xü̃chiga 12:41

Rü yematama ngunexü̃ ga nagu 430 ga taunecüwa nax nanguxü̃gu nixĩ ga yema nachixü̃anewa ínachoxü̃xü̃ ga guxü̃ma ga Cori ya Tupanaarü duü̃xü̃gü ga Iraétanüxü̃.

Ínachoxü̃xü̃chiga 12:3

¡Rü guxü̃ma i Iraétanüxü̃maxã nüxü̃ pixu, rü ñapegürü tá nüxü̃: “Doma tauemacügu rü norü 10 i ngunexü̃gu, rü Tupana nanaxwa̱xe i wüxíechigü i pema rü peyama̱x i wüxi i carnéru rüe̱xna wüxi i chíbuxacü i wüxichigü ya ĩpatawa!