Echequié 4:6 - Tupanaarü Ore

⁶ Rü ngẽxguma marü cuyanguxẽẽgu i ngẽma ngunexü̃gü rü curü tügünecüwamaxã tá ícuca i 40 i ngunexü̃. Rü ngẽmaãcü tá cugüétü cuyange i norü chixexü̃gü i ngẽma Yudáanecüã̱xgü. Rü ngẽma 40 i ngunexü̃ i nagu ngẽxma cucaxü̃ rü nachiga nixĩ ga guma 40 ga taunecügü ga Yudáanecüã̱xgü pecadu nagu ügücü.

Echequié 4:6 Referans Kwoze

Iraétanüxü̃arü muxchiga 14:34

Rü pemax rü 40 ga ngunexü̃ pinge nax penangugügüxü̃ i ngẽma nachixü̃ane. Rü ngẽmaca̱x rü 40 ya taunecü tá nixĩ i ñaa chianexü̃gu ipexĩĩxü̃ nax ngẽmaãcü peyangutanüxẽẽxü̃ca̱x i perü poxcu. Rü ngẽma 40 i ngunexü̃ca̱x rü 40 ya taunecü tá nixĩ. Rü ngẽmawa tá nixĩ i nüxü̃ picua̱xãchitanü nax ta̱xacü tüxü̃ nangupetüxü̃ ya yíxema tama chauga ĩnüxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:5

Natürü tama yema ngo̱xona nanachu̱xu nax nügü yacua̱xüxüxü̃ca̱x rü chixri Tupanachiga yadexaxü̃ca̱x. Rü yema ngo̱xona naxã ga pora nax 42 ga tauemacü ãẽ̱xgacü yixĩxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:14

Natürü ga Tupana rü ngĩxü̃ naxüxpe̱xatü ga yema nge. Rü ĩyüpe̱xatürüxü̃ nita. Rü yemaacü ga yema nge rü iyagóe rü yema nachica ga chianexü̃wa yexmaxü̃wa iña na̱xcha̱xwa ga yema ãxtape ga Chataná. Rü yema nachicawa tá nixĩ ya Tupana ngĩxna dauxü̃, rü ngĩxü̃ üwemüxü̃ i tomaepü̱x ya taunecüarü ngãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:15

Rü yemaacü niwẽgüxü̃ ga yema ãgümücü ga orearü ngeruü̃gü nax nadaiaxü̃ca̱x ga wüxi ga yema norü tomaepü̱xarü üyetücumü ga duü̃xü̃gü. Yerü ga yema orearü ngeruü̃gü rü woetama yemaca̱x ínamemaregü nax yema ora rü yema ngunexü̃ rü gumá tauemacü rü gumá taunecü nadaiaxü̃ca̱x ga yema duü̃xü̃gü.