Echequié 4:3 - Tupanaarü Ore

³ ¡Rü ngẽmawena rü nayaxu i wüxi i fierutachinü! ¡Rü yima ĩanechicüna̱xãpe̱xegu rü ñu̱xũchi cugüpe̱xearü ngãxü̃gu naxǘ i ngẽma fierutachinü ñoma wüxi i naxtapü̱xrüxü̃! Rü cuma rü ñoma ĩaneca̱x ícuyagoõchixü̃rüxü̃ tá cugü quixĩxẽxẽ. Rü guxü̃ma i ngẽma rü Iraétanüxü̃ca̱x rü wüxi i cua̱xruxü̃ tá nixĩ.

Echequié 4:3 Referans Kwoze

Echequié 12:6

Rü ngẽxguma nachütagu rü tá cugüatügu cunanugü i curü ngẽmaxü̃gü. ¡Rü ñu̱xũchi guxü̃ma i duü̃xü̃güpe̱xewa namaxã ínaxũxũ! ¡Rü tá cugü quidüxchiwe nax ngẽmaãcü tama nüxü̃ cudauxü̃ca̱x i ngẽma waixü̃mü! Rü guxü̃ma i ngẽma cuxü̃ chamuxü̃ nax cunaxüxü̃ca̱x rü wüxi i cua̱xruxü̃ tá nixĩ naxca̱x i ngẽma Iraétanüxü̃ i Yerucharéü̃wa ngẽxmagüxü̃ —ñanagürü choxü̃.

Ichaía 20:3

Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Echequié 12:11

¡Rü namaxã nüxü̃ ixu nax cuma rü wüxi i norü cua̱xruxü̃ quixĩxü̃ nax naxca̱x naxuãẽgüxü̃ca̱x i ngẽma guxchaxü̃ i naxca̱x tá ínguxü̃ yema cuxca̱x ínguxü̃rüxü̃! Erü norü uanügü rü to i nachixü̃anewa tá nanagagü i ngẽma duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 2:4

Rü nümatama ga Tupana rü ta taxca̱x nanango̱xẽxẽ nax aixcüma yixĩxü̃ i Cristugagu tüxü̃́ nangẽxmaxü̃ i ngẽma maxü̃. Yerü nüma ga Tupana rü Naãxẽ ya Üünexü̃wa tüxü̃ nanawe̱x ga naguxü̃raü̃xü̃ ga taxü̃ ga mexü̃gü rü cua̱xruxü̃gü ga norü poramaxã naxüxü̃ yema nüma nanaxwa̱xexü̃ãcüma.

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

Yeremía 39:1

Rü yexguma 9 ga taunecü marü ãẽ̱xgacü yixĩxgu ga Chedequía ga Yudáanewa, rü gumá taunecüarü 10 ga tauemacügü rü nüma ga Nabucudonochó rü norü churaragümaxã Yerucharéü̃ca̱x ínayaxüãchi rü nüxü̃ ínachomaeguãchi.

Lebítanüxü̃arü puracüchiga 2:5

Rü ngẽxguma curü ãmare rü trigute̱xe i piripáü̃wa íguxü̃ yixĩxgu, rü name i rümemaexü̃ i trigute̱xewa cunaxü rü chíxü̃maxã cunañumüxü̃ rü ñu̱xũchi nangearü pu̱xẽẽruü̃ã́xü̃.

Yeremía 39:2

Rü yexguma 11 ga taunecü marü ãẽ̱xgacü yixĩxgu ga Chedequía rü meama norü ãgümücü ga tauemacüarü 9 ga ngunexü̃gu rü nayapoxnagü ga norü poxeguxü̃ ga guma ĩane rü yemaacü nachocu.

Echequié 5:2

Rü ngẽxguma marü yapugüãgu ya yima ĩane ya Yerucharéü̃ ¡rü ngẽma tomaepü̱xtücumü i cuyaewa nayaxu i wüxitücumü, rü ĩanearü ngãxü̃wa yagu! ¡Ngẽmawena rü nayaxu i ngẽma norü taxretücumü i cuyae! ¡Rü wüxi ya cüxchimaxã yima ĩanecüwagu yawíü̃güchigü! ¡Rü ngẽma norü tomaepü̱xtücumü i cuyae rü buanecügu nawogü! Rü choma rü yimá ĩanecüã̱xgü i duü̃xü̃güweama tá chixũchigü namaxã i wüxi i tara i cho̱xme̱xgu tá chingexü̃.

Danié 11:17

Rü ñu̱xũchi nügü tá naxca̱x namexẽxẽ nax naya̱u̱xãxü̃ca̱x i guxü̃ma i ngẽma naane i Súrwa ngẽxmaxü̃. Rü ngẽmaca̱x Súranearü ãẽ̱xgacümaxã wüxi i uneta tá naxü, rü naxacü tá nüxna ngĩxü̃ namu nax naxma̱x yixĩxü̃ca̱x nax ngẽmaãcü naya̱u̱xãxü̃ca̱x i ngẽma naane i Súrwa ngẽxmaxü̃. Natürü ngẽma nagu naxĩnüxü̃ rü nagu tá narüchixe.

Ichaía 22:7

Rü Yerucharéü̃arü doxonegü i mexẽchixü̃ rü nanapagü namaxã i norü uanüarü carugü i daiweü̃gü. Rü ngẽma churaragü i cowaruétügu ĩxü̃ rü ĩanearü poxeguxü̃arü ĩã̱xwa nichocuchaü̃.