Echequié 4:16 - Tupanaarü Ore

¹⁶ Rü yemawena rü choxü̃ ñanagürü: —Yerucharéü̃arü ĩanewa rü tá chanatauxẽxẽ i õnagü. Rü ngẽma õna rü nügü tá nayaxíxra rü ngẽmaãcü tá ngechaü̃ãcü nanangõ̱xgü i duü̃xü̃gü. Rü ngẽma dexá rü ngugügumarexü̃ tá nixĩ, rü oegaãẽãcüma tá nayaxagü.

Echequié 4:16 Referans Kwoze

Echequié 5:16

Rü choma rü taxü̃tama i taiya tá pexca̱x íchanguxẽxẽ rü ñoma naxnegü ya pexü̃ daixü̃nerüxü̃ tá nixĩ. Rü ngẽma taiya rü tá poraãcü nitachigü rü tá pengebüe rü ngẽmagagu tá düxwa peyue.

Ichaía 3:1

¡Dücax, pexuãẽgü! Cori ya Tupana ya Guxãétüwa Ngẽxmacü rü Yerucharéü̃wa rü Yudáanewa tá nanatauxẽxẽ i guxü̃ma i ta̱xacü ingṍxü̃ i õna rü dexá.

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Wiyaegü 105:16

Rü nüma ga Tupana rü yema naanewa nanangebüanexẽxẽ rü yemaca̱x ínangu ga taxü̃ ga taiya.

Auxexü̃chiga 5:9

Rü ngẽxguma chianexü̃gu õnaca̱x tadaugügu rü guxü̃guma ãũcümaxü̃wa tangexmagü.

Auxexü̃chiga 1:11

Rü guxü̃ma i duü̃xü̃gü i Yerucharéü̃cüã̱x rü naxauxe. Rü nuxica ne nanaxĩ nax õnaca̱x nadaugüxü̃. Rü norü õnaca̱x inanaxãgü i norü ngẽmaxü̃gü nax ngẽmaãcü tama nayuexü̃ca̱x. Rü yima ĩane ya Yerucharéü̃ rü ñanagürü: “¡Dücax, Pa Corix, choxü̃ nadau nax taxü̃ i guxchaxü̃wa changexmaxü̃! ¡Rü chomaxã ixauxãchi nax ngúxü̃ chingexü̃!

Wiyaegü 60:3

Rü cuma rü taxü̃ i guxchaxü̃gü toxca̱x ícunguxẽxẽ. Rü ñoma wüxi ya bínu ya toxü̃ ãũãẽxẽẽcürüxü̃ toxü̃ quixĩgüxẽxẽ namaxã i ngẽma guxchaxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:5

Rü yexguma gumá Carnéruxacü yagáuyegu ga yema norü tomaepü̱x ga yema poperaarü ñaxtachipe̱xexü̃, rü nüxü̃ chaxĩnü ga yema norü tomaepü̱x ga yema daxũcüã̱x ga maxü̃xü̃ ga ñaxü̃ choxü̃: “¡Nua naxũ!” ñaxü̃. Rü ichadawenü rü nüxü̃ chadau ga wüxi ga cowaru ga waxüxü̃. Rü yema naétüwa rütoxü̃ rü naxme̱xwa nüxü̃́ nayexma ga wüxi ga yáruxü̃ ga balanza.

Yeremía 52:6

Rü gumá taunecüarü ãgümücüarü tauemacüarü 9 ga ngunexü̃gu rü poraãcü taiya ínangu ga guma ĩanewa. Rü duü̃xü̃gü rü nüxü̃́ nataxuma ga õna.

Auxexü̃chiga 5:4

Rü ñu̱xma yema dexá ga toxrüchire̱x ixĩxü̃ rü ñu̱xma rü naxca̱x tataxegü. Rü yema toxrüchire̱x ixĩgüxü̃ ga nai rü ñu̱xma naxca̱x tataxegü nax torü üxü yixĩxü̃ca̱x.

Echequié 4:15

Rü yexguma ga nüma rü choxü̃ ñanagürü: —Name i ngẽma nüxü̃ quixuxü̃ rü ngẽmaca̱x cuxü̃ chamu nax wocaü̃wa cuyaguxü̃ i curü paũ rü tama i duü̃xü̃xü̃wa —ñanagürü choxü̃.

Amúx 4:8

Rü duü̃xü̃gü rü ĩanegügu nixĩgüetanü nax dexáca̱x nadaugüxü̃, natürü taxuxü̃ma ga taxü̃ ga dexáxü̃ inayangaugü nax yemaacü nüxü̃́ yanguxü̃ca̱x nax yata̱xawaexü̃. Natürü woo yema pexü̃ nax ngupetüxü̃ ga pemax rü tama cha̱u̱xca̱x pewoegu —ñanagürü ya Cori ya Tupana.

Norü taxre ga popera ga ãẽ̱xgacügüchiga 6:25

Rü taxucürüwa texé guma ĩanewa ítaxũxũ rü tixücu, rü yemaca̱x düxwa nigu̱xgü ga nawemügü rü poraãcü taiya nangu̱x ga Chamáriawa. Rü wüxi ga búrueru rü naxãtanü ga 80 tachinü ga diẽru. Rü wüxi ga litruarü ngãxü̃arü ngãxü̃ nagune ga muxtucuü̃ rü naxãtanü ga 5 tachinü ga diẽru.

Norü taxre ga popera ga ãẽ̱xgacügüchiga 25:3

Rü yexguma gumá norü 4 ga tauemacüarü 9 ga ngunexü̃gu ga gumátama taunecügu rü yexera poraãcü taiya nangu̱x ga guma ĩanewa. Yerü yema duü̃xü̃gü rü marü nüxü̃́ nataxuma ga ta̱xacü nangõ̱xgüxü̃.