Echequié 4:14 - Tupanaarü Ore

¹⁴ Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Echequié 4:14 Referans Kwoze

Ngechuchuarü ngúexü̃gü ga yamugüxü̃arü puracüchiga 10:14

Rü Pedru nanangãxü̃ rü ñanagürü: —Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃ —ñanagürü.

Echequié 20:49

Rü yexguma ga choma rü Tupanaxü̃ ñacharügü: —¡Pa Chorü Tupanax, ngẽma duü̃xü̃gü rü nüxü̃ nixugüe nax choma rü ore i taxúema nüxü̃ cuáxü̃maxã chidexaxü̃! —ñacharügü.

Echequié 9:8

Rü yema ínaxügüyane rü chaxicatama íchayaxü. Rü yexguma ga choma rü ñaxtüanegu chanangücuchi rü poraãcü changechaü̃ãcüma aita chaxü rü ñachagürü: —Pa Corix, rü ñu̱xma nax yima ĩane ya Yerucharéü̃cüã̱xgümaxã nax cunuxü̃ ¿rü tá cunada̱i̱xü̃ i ngẽma noxretama i Iraétanüxü̃ i ngéma yaxügüxü̃? —ñachagürü.

Yeremía 1:6

Rü yexguma ga chomax rü chanangãxü̃ rü ñachagürü: —Acha̱xa, Pa Corix, Pa Tupanax, choma rü changextüxüxüchi rü tama nüxü̃ chacua̱x nax mea chidexaxü̃ —ñachagürü.

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Wenaxarü naxümatü ga Tupanaarü mugü 14:3

Rü tama name i penangõ̱x i ngẽma naeü̃ ya Tupana pexna chu̱xuxü̃. Rü ñaagü nixĩ i ngẽma naeü̃gü i mexü̃ nax penangṍxü̃: rü wocagü, rü carnérugü, rü chíbugü,

Ichaía 66:17

Tupana rü ñanagürü: —Wüxigu tá nayue i ngẽma duü̃xü̃gü i nügü imexẽẽgüxü̃ nax putüranecüwa naxchicüna̱xãgüxü̃ yacua̱xüü̃güxü̃ca̱x rü ngẽma duü̃xü̃gü i nangõ̱xgüxü̃ i cuchimachi rü ü̃cagü rü togü i naeü̃gü i ãũãchixü̃. Rü wüxicana tá nayue i ngẽma duü̃xü̃gü, erü meama nüxü̃ chacua̱x i ngẽma chixexü̃ i naxügüxü̃ rü nagu naxĩnüexü̃. Rü ngẽxguma i choma rü tá íchangu nax chanangutaque̱xexẽẽxü̃ca̱x i guxü̃ne ya ĩanecüã̱xgü rü nachixü̃anecüã̱xgü. Rü nüma rü tá nua naxĩ rü tá nüxü̃ nadaugü i ngẽma chorü üünemaxã chaxüxü̃.

Lebítanüxü̃arü puracüchiga 17:15

Rü yíxema Iraétanüxü̃ rüe̱xna to i nachixü̃anecüã̱x ya petanügu ãpataxe rü naeü̃ i yumarexü̃machi rüe̱xna naeü̃ i ai nagu wagüxü̃machi tangõ̱xgu, rü tanaxwa̱xe nax tügü tayauxchiruxü̃ rü tügü taxaiyaxü̃, erü tá taxãũãchi ñu̱xmata nachüta. Rü ngẽmawena rü marü tama taxãũãchi.

Ínachoxü̃xü̃chiga 22:31

Rü pema rü name nixĩ i guxü̃guma chauga pexĩnüe. Rü tama name nax penangṍxü̃ i ngẽma namachi i ai íyaxüxẽẽxü̃. Rü name nixĩ i airugüna penaxã i ngẽma namachi.

Echequié 44:31

Rü ngẽma chacherdótegü rü tama name nax nangõ̱xgüãxü̃ i ngẽma naeü̃ i ãxpe̱xatüxü̃ i nüechama yuxü̃ rüe̱xna ta̱xacürü to i naeü̃ i nüechama yuxü̃. Rü tama name nax nangõ̱xgüãxü̃ i ngẽma naeü̃ i wüxi i ai nagu wagüxü̃” —ñanagürü.

Lebítanüxü̃arü puracüchiga 19:7

Natürü ngẽxguma norü tomaepü̱x i ngunexü̃gu penangõ̱xgu, rü Tupana rü tá pewa nüxü̃ naxo i ngẽma ãmare, rü taxũtáma pexü̃́ nanayaxu.

Lebítanüxü̃arü puracüchiga 22:8

Rü tama name nax nangṍoxü̃ i namachi i naeü̃ i yumarexü̃ rüe̱xna naeü̃ i düraxü̃ nagu wagüxü̃ nax tama ngẽmamaxã nügü naxãũãchixü̃ca̱x. Erü choma nixĩ ya Cori ya Tupana.

Wenaxarü naxümatü ga Tupanaarü mugü 14:21

Rü ngẽxguma nüxü̃ peyangauxgu i wüxi i naeü̃ i marü yuxü̃ rü tama name nax penangṍxü̃. Erü pema rü perü Cori ya Tupanaarü duü̃xü̃gü pixĩgü. Natürü marü name nax ngẽma duü̃xü̃ i to i nachixü̃anecüã̱x i petanüwa maxü̃xü̃na penaxãxü̃ i ngẽma namachi. Rü nüma rü marü name nax nangṍãxü̃. Rü ngẽxgumarüxü̃ ta rü name nax namaxã petaxexü̃ nüxü̃ i ngẽma to i nachixü̃anecüã̱x i ngéma üpetüxü̃. Rü ngẽxgumarüxü̃ ta nachu̱xu nixĩ nax tümaégüneniü̃wa tüxü̃ pimuxraxü̃ ya wüxi ya cabraxacü.

Echequié 4:15

Rü yexguma ga nüma rü choxü̃ ñanagürü: —Name i ngẽma nüxü̃ quixuxü̃ rü ngẽmaca̱x cuxü̃ chamu nax wocaü̃wa cuyaguxü̃ i curü paũ rü tama i duü̃xü̃xü̃wa —ñanagürü choxü̃.

Danié 1:8

Natürü nüma ga Danié rü tama nanangṍxchaü̃ ga yema õna rü tama nayaxaxchaü̃ ga gumá bínu ga ãẽ̱xgacü nüxna naxãcü, yerü nagu narüxĩnü nax tama Tupanape̱xewa namexü̃ ga yema. Rü yemaca̱x ãẽ̱xgacüarü duü̃xü̃güeruna naca nax tama yema õna ga ãẽ̱xgacü nüxna ãxü̃ nüxü̃ nangõ̱xẽẽxü̃ca̱x.

Ínachoxü̃xü̃chiga 22:30

Rü ngẽma nüxíraxü̃xü̃ i perü wocaxacügü rü perü carnéruxacügü rü 7 i ngunexü̃ tá naémaxã nangẽxmagü, natürü ngẽxguma norü 8 i ngunexü̃wa nanguxgu rü tá choxna penamu.