Echequié 39:23 - Tupanaarü Ore

²³ Rü ngẽma togü i nachixü̃anegü rü tá nüxü̃ nicua̱xãchitanü nax yema Iraétanüxü̃ rü norü chixexü̃ ga naxügüxü̃gagu yixĩxü̃ nax to ga nachixü̃anewa nagagüxü̃. Rü choma rü nüxna chaxãca̱xwe̱xmare, yerü tama aixcüma choxü̃ nangechaxü̃gü. Rü yemaca̱x nüxna chixũgachi nax norü uanügü taramaxã daigu nada̱i̱xü̃ca̱x.

Echequié 39:23 Referans Kwoze

Ichaía 59:2

Natürü yema perü chixexü̃gü ga pexüxü̃ rü Tupanacha̱xwa pexü̃ nitoxyepe̱xe. Rü ngẽma perü pecadugügagu pexcha̱xwa nügü nidüxchametü ya Tupana nax ngẽmaãcü tama pexü̃ naxĩnüxü̃ca̱x.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Echequié 39:29

Rü tagutáma wena nüxna chaxãca̱xwe̱x, erü ngẽma Iraétanüxü̃tanüwa tá chanamu i Chauãxẽ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 42:24

¿Rü texé tixĩ ya guxema tauxcha nüxna ãxẽ ga yema Acóbutanüxü̃arü uanügü nax Iraégüxü̃ naporamaegüxü̃ rü ínayauxü̃ãxü̃? ¿Tama ẽ̱xna Cori ya Tupana yixĩxü̃? Yerü yema Iraétanüxü̃ rü Tupanape̱xewa chixexü̃ naxügü, rü tama Tupana naxwa̱xexü̃ãcü namaxẽ, rü tama naga naxĩnüechaü̃ ga yema norü ngu̱xẽẽtaegü.

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Wenaxarü naxümatü ga Tupanaarü mugü 32:20

Rü ñanagürü: “Rü ñu̱xma rü tá pexna chixũgachi, rü ngẽxguma tá nixĩ i nüxü̃ pecuáxü̃ nax ta̱xacü tá pexü̃ ngupetüxü̃. Rü aixcüma i pema rü duü̃xü̃gü i chixexü̃gu maxẽxe pixĩgü, rü chauxacügü i tama aixcümagüxe pixĩgü.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Echequié 36:36

Rü ngẽxguma i ngẽma nachixü̃anegü i perü ngaixcamawa ngẽxmagüxü̃ rü tá nüxü̃ nicua̱xãchitanü nax choma ya Cori ya Tupana yixĩxü̃ nax wenaxarü chayamexẽẽxü̃ ga guma ĩanegü ga marü nagu napogüegüne rü ñu̱xũchi wena chanatoxü̃ ga yema naanegü ga marü ngẽnetügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma rü aixcüma tá chayanguxẽxẽ” —ñanagürü.

Auxexü̃chiga 1:8

Yerucharéü̃arü duü̃xü̃gü rü poraãcü chixexü̃ naxügü, rü yemaca̱x ga yema togü ga nachixü̃anegü rü düxwa nüxü̃ naxoe. Rü yema nachixü̃anegü ga ü̃pa Yerucharéü̃maxã taãẽgüxü̃ rü ñu̱xma rü nüxü̃ naxoe, erü nüxü̃ nadaugü nax poraãcü chixexü̃gu nanguxü̃. Rü ngẽmaca̱x i ñu̱xma i ngẽma norü duü̃xü̃gü rü naxauxe rü naxãnee, rü ngẽma togü i nachixü̃anecüã̱xgüna naxãca̱xwe̱xgümare.

Yeremía 33:5

Rü ngẽma Babiróniacüã̱x rü tá naxca̱x ínayaxü̃ãchi ya daa ĩane, rü tá nanadaiãcu. Rü ngẽmaãcü tá yuexü̃maxã nanapaxẽxẽ ya daa ĩane. Erü choma rü chorü numaxã tá nüxü̃́ chanatauxchaxẽxẽ i ngẽma Babiróniacüã̱x nax nadaiaxü̃ca̱x ya daa ĩanearü duü̃xü̃gü. Rü marü na̱xcha̱xwa chidaugachi nagagu ga guxü̃ma ga norü chixexü̃gü.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.

Wiyaegü 106:41

Rü yema uanügü ga tama yaxõgüxü̃na nanawogü nax yema namaxã icua̱xgüxü̃ca̱x.

Wiyaegü 30:7

Cumax, Pa Corix, rü choxü̃ curüngü̃xẽxẽ rü nagu charüxĩnü nax tagutáma ta̱xacürü guxchaxü̃ choxü̃ üpetüxü̃. Natürü yexguma choxna quixũgachigu rü muü̃maxã chaba̱i̱xãchi.

Wiyaegü 10:1

Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Ãẽ̱xgacügü ga guxchaxü̃güarü mexẽxẽruü̃gü 3:8

Rü yemagagu nixĩ ga Cori ya Tupana ga Iraétanüxü̃maxã nanuxü̃ rü Cucháü̃-richataíü̃ ga Mechopotámiaarü ãẽ̱xgacüme̱xẽwa nayexmagüxẽẽãxü̃. Rü 8 ga taunecü yema ãẽ̱xgacüme̱xẽwa nayexmagü rü nüxü̃́ napuracüe ñu̱xmata wena Cori ya Tupanana nacua̱xãchie rü nüxü̃ naca̱a̱xü̃gü nax ínanguxü̃xẽẽãxü̃ca̱x. Rü nüma ga Cori ya Tupana rü Otoniéxü̃ naxuneta nax Iraétanüxü̃xü̃ ínanguxü̃xẽẽxü̃ca̱x. Rü Otonié rü Quená nane nixĩ. Rü nüma ga Quená rü Caréxenexẽ ga rübumaecü nixĩ.

Ãẽ̱xgacügü ga guxchaxü̃güarü mexẽxẽruü̃gü 2:14

Rü yemaca̱x ga nüma ga Cori ya Tupana rü poraãcü yema Iraétanüxü̃maxã nanu rü nüxna nixũgachi nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga Iraéanearü ngaicamagu ngẽxmagüxü̃ rü guxü̃guma nüxü̃ naporamaegüxü̃ca̱x. Rü nüma ga Iraétanüxü̃ rü taxucürüwama nügü ínapoxü̃gü.

Yeremía 44:22

Natürü nüma ga Cori rü marü tama yáxna namaxã naxĩnü ga yema chixexü̃ ga pexügüxü̃ ga nüma poraãcü naxchi naxaixü̃. Rü yemaca̱x ga pechixü̃ane rü ñu̱xma rü nachitaxü̃xicatama ínayaxü, rü taxúema nawa tamaxẽ. Rü ngẽmaãcü i ñu̱xma rü pechixü̃ane rü chixexü̃arü cua̱xruxü̃ nixĩ rü duü̃xü̃gü rü poraãcü namuü̃e i ngẽxguma nüxü̃ nadaugügu ga yema pechixü̃anemaxã ngupetüxü̃.

Echequié 7:22

Choma rü tá nüxna chixũgachi i ñaa nachixü̃ane, rü tá chanangexrü nax chixexü̃maxã yapaxẽẽgüãxü̃ ya yima chopata ga taxü̃ne ga chorü meruxü̃ ixĩxü̃ne. Rü tá ínangugü i ngĩ́xta̱xagüxü̃ rü tá nanaxãũãchixẽxẽ ya yima chopata.

Echequié 20:27

—Rü cumax, Pa Yatüx, ¡rü namaxã idexa i ngẽma Iraétanüxü̃ rü namaxã nüxü̃ ixu i ñaa chorü ore! “Yema perü o̱xigü rü ta rü pexrüü̃tama choxü̃ nanuxẽẽgü rü tama chomaxã nixaixcümagü.

Édra 9:7

Rü nũxcümacürüwa ga torü o̱xigü rü chixexü̃gu namaxẽx rü ñomaxü̃cüxü i toma rü ta nagu ítamaxẽ. Rü ngẽma torü chixexü̃gagu rü toma rü torü ãẽ̱xgacügü rü torü chacherdótegü rü naxme̱xgu tayi i ngẽma to i nachixü̃anecüã̱xgüarü ãẽ̱xgacügü i tama cuxü̃́ yaxõgüxü̃. Rü nümagü rü toxü̃ ínayauxü̃ rü toxca̱x nangĩ̱xgü rü duü̃xü̃güpe̱xewa toxü̃ nacugüe. Rü ngẽmatama nixĩ i ñu̱xma toxü̃ ngupetüxü̃.