Echequié 39:21 - Tupanaarü Ore

²¹ Rü ngẽmaãcü tá nixĩ i ngẽma togü i nachixü̃anegüpe̱xewa ichanawéxü̃ i chorü pora. Rü guxü̃ma i ngẽma togü i nachixü̃anegü rü tá nüxü̃ nadaugü nax ñuxãcü tá nüxna naxca̱x chacaxü̃ i norü chixexü̃gü ga inaxügüxü̃chiga, rü ñuxãcü poxcu naxca̱x íchanguxẽẽxü̃.

Echequié 39:21 Referans Kwoze

Echequié 38:23

Rü ngẽmaãcü tá nixĩ i muxü̃ma i duü̃xü̃güxü̃ chanawéxü̃ nax choma rü guxü̃étüwa changexmaxü̃ rü chaxüünexü̃. Rü ngẽmaãcü tá chaugü nüxü̃ chacua̱xẽxẽ i duü̃xü̃gü. Rü nümagü rü tá nüxü̃ nicua̱xãchitanü nax choma yixĩxü̃ ya Cori ya Tupana” —ñachagürü.

Echequié 38:16

Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.

Echequié 36:23

Rü choma rü ngẽma nachixü̃anegüpe̱xewa tá chanawe̱x nax naxüünexü̃ i chauéga i pema natanüwa chixri nachiga pidexagüxü̃. Rü ngẽxguma ngẽma chaxüxgu, rü ngẽma nachixü̃anegü rü tá nüxü̃ nicua̱xãchitanü nax choma chixĩxü̃ ya Cori ya Tupana. Rü choma ya Cori ya Tupana nixĩ i nüxü̃ chixuxü̃ i ngẽma.

Ichaía 37:20

Rü ñu̱xmax, Pa Corix, Pa Torü Tupanax ¡rü toxü̃ ínanguxü̃xẽxẽ naxme̱xwa i ngẽma Achíriaanearü ãẽ̱xgacü nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Ínachoxü̃xü̃chiga 7:4

Rü Faraóü̃ rü taxũtáma pega naxĩnü. Natürü choma rü chorü poramaxã tá Equítuanewa íchananguxẽxẽ i taxü̃ i ãũcümaxü̃gü. Rü ngẽmaãcü taxü̃ i chorü ngü̃xẽẽmaxã tá Equítuanewa íchanagaxü̃ i chorü duü̃xü̃gü i Iraétanüxü̃ i chorü churaragü ixĩgüxü̃.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Echequié 39:13

Rü guxü̃ma i ngẽma Iraétanüxü̃ rü tá ngẽma yuexü̃arü ta̱xwa napuracüe. Rü norü taãxẽ tá nixĩ nax nata̱xgüãxü̃. Rü ngẽma ngunexü̃gu rü tá ichanawe̱x i chorü pora. Rü choma ya Cori ya Tupana nixĩ i nüxü̃ chixuxü̃ i ngẽma.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

1 Chamué 6:9

Rü pema rü mea tá penangugü rü ngextáama naxĩ i ngẽma wocagü namaxã i ngẽma baú. Rü ngẽxguma Iraéanecüã̱xgüarü naanewaama naxĩxgu i Bex-cheméwaama, rü ngẽmawa tá nüxü̃ tacua̱x nax yimá Iraéanecüã̱xgüarü Tupana yixĩxü̃ i taxca̱x ínanguxẽẽxü̃ i ngẽma da̱xaweane. Natürü ngẽxguma tama ngémaama naxĩxgu rü ngẽmawa tá nüxü̃ tacua̱x nax tama Iraéanecüã̱xgüarü Tupana yixĩxü̃ ga tüxü̃ poxcucü rü woetama ngẽma taxca̱x ínangumare —ñanagürügü.

1 Chamué 5:11

Rü guma ĩanewa rü guxü̃ma ga duü̃xü̃gü rü nanaxĩ̱xãchiãẽgü, yerü Tupana rü poraãcü nanapoxcue. Rü yemaca̱x ga yema ĩanecüã̱xgü rü guxü̃ma ga Firitéugüarü ãẽ̱xgacügüca̱x nangema rü ñanagürügü nüxü̃: —¡Nua torü ĩanewa ípenangexechi i ngẽma baú i Iraéanecüã̱xgüarü Tupanaarü mugüchixü̃, rü nachixü̃aneca̱xtama penataeguxẽxẽ nax tama toxü̃ nada̱i̱xü̃ca̱x i guxãma i tomax! —ñanagürügü.

1 Chamué 5:7

Rü yemaxü̃ nadaugügu ga yema duü̃xü̃gü ga Adúxcüã̱x rü ñanagürügü: —Ngẽma baú ya Iraéanecüã̱xgüarü Tupanaarü ixĩxü̃ rü tama tanaxwa̱xe i tatanüwa nax nangẽxmaxü̃ erü ngẽmagagu nixĩ i ngẽma Tupana rü taxca̱x rü tórü tupana i Dagóü̃ca̱x rü poraãcü guxchaxü̃ ínanguxẽẽxü̃ —ñanagürügü.

Ínachoxü̃xü̃chiga 14:4

Natürü i choma rü tá Faraóü̃xü̃ íchanataiãchiarü maxü̃ã̱xẽxẽ rü nüma rü tá pewe nangẽ. Rü ngẽxguma i choma rü Faraóü̃pe̱xewa rü guxü̃ma i norü churaragüpe̱xewa tá ichanawe̱x i chorü pora nax ngẽmaãcü nüxü̃ yacua̱xãchitanüxü̃ca̱x i ngẽma Equítuanecüã̱xgü nax choma rü aixcüma Cori ya Tupana chixĩxü̃ —ñanagürü.

Ínachoxü̃xü̃chiga 8:19

Rü yexguma ga yema yuüxü̃gü rü Faraóü̃xü̃ ñanagürügü: —Ñaa guxchaxü̃ rü aixcüma Tupanawa nixĩ i ne naxũxü̃ —ñanagürügü. Natürü ga nüma ga Faraóü̃ rü yema Cori ya Tupana nüxü̃ ixuxü̃rüxü̃ nanuama rü tama inaxĩnüchaü̃.

Wiyaegü 32:4

Rü chütacü rü ngunecü choxü̃ icurüwe̱xãchixẽxẽ, Pa Tupanax. Rü yema chorü pora rü ínaxũxũ ñoma putürachacu i üa̱xcü ipaxẽẽxü̃rüxü̃.

Miquéa 2:9

Rü pema nax ãẽ̱xgacügü pixĩgüxü̃ rü yíxema ngexegüna penapu ya yima tümapata ya nügümaxã tüxü̃́ wüxicane. Rü yíxema tümaxacügü rü nawa tüxü̃ ípewoxü̃ ya yima ĩpata i tüxna chaxãxü̃ne.

Wiyaegü 94:10

¿Rü pexca̱x rü yimá nachixü̃anegüarü poxcuruxü̃ rü taxũtáma pexü̃ napoxcu? ¿Rü pexca̱x rü taxũtáma nüxü̃ nacua̱x ya yimá duü̃xü̃güxü̃ ngúexẽẽcü nax naãẽxü̃ yacuáxü̃ca̱x?

Maraquía 1:5

Rü pemax rü pexetümaxã tá nüxü̃ pedau i ngẽma nüxü̃ chixuxü̃. Rü ngẽxguma i pema rü tá ñaperügügü: “Cori ya Tupana rü nataxüchi. Rü ngẽma norü pora rü Iraéanearü üyeanearü yexerawa nangu”, ñaperügügü tá —ñanagürü.