Echequié 39:18 - Tupanaarü Ore

¹⁸ Rü ngẽma ngurucugü rü naeü̃gü rü ñoma carnérugümachi, rüe̱xna carnéruxacügümachi, rüe̱xna chíbugümachi, rüe̱xna wocaxacügü i Bacháü̃anegu íngüexü̃machi nangõ̱xgüxü̃rüxü̃ tá nanangõ̱xgü i ngẽma churaragümachi rü tá nayaxagü ya nagü i ñoma i naanearü ãẽ̱xgacügü.

Echequié 39:18 Referans Kwoze

Wiyaegü 22:12

Rü chorü uanügü rü ñoma wocagü i iyatüxü̃ i Bacháü̃cüã̱x i düraexü̃rüxü̃ choxü̃ ínachomaeguãchi nax choxü̃ yama̱xgüxü̃ca̱x.

Yeremía 51:40

Rü ñu̱xũchi tá daiwa chanagagü ñoma carnéruxacügürüxü̃ rü chíburüxü̃, rü carnérugürüxü̃ —ñanagürü.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Echequié 29:5

Rü ngẽmawena rü tá chianexü̃wa cuxü̃ chayata̱x namaxã i guxü̃ma i ngẽma choxnigü i curü taxtüwa maxẽxü̃. Rü ngéma tá cungexma rü taxúetama cuxü̃ tayayauxgü nax cuxü̃ yata̱xgüxü̃ca̱x. Rü tá chanamu i ngẽma naeü̃gü i düraexü̃ rü ngẽma ngurucugü nax cuxü̃ nangõ̱xgüxü̃ca̱x.

Yeremía 50:27

¡Penadai i guxü̃ma i Babiróniaanearü churaragü! ¡Daichicawa penamugü! Rü wüxi i taxü̃ i ngechaü̃ nixĩ i naxca̱x i ngẽma duü̃xü̃gü. Marü nawa nangu i norü ngunexü̃ rü norü ora nax napoxcuexü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:21

Rü yema tara ga gumá cowaruétüwa rütocüa̱xwa ixũxũxü̃maxã nanadai ga yema ngo̱xogüarü churaragü. Rü guxü̃ma ga ngurucugü, rü yemamachimaxã nangãxcharaü̃gü.

Echequié 34:17

Rü choma ya Cori ya Tupana rü ñachagürü: —¡Iperüxĩnüe, Pa Chorü Carnérugüx! Choma rü tá pemaxã nüxü̃ chixu i nacüma i mexü̃ nax nagu tá pexĩxü̃ i pema i carnérugü rü chíbugü. Rü pema nax pemecümaxü̃ rü tá pexü̃ íchapoxü̃ nüxna i ngẽma chixecümaxü̃.

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Yeremía 50:11

Rü pema, Pa Cadéugüx, rü yexguma chorü duü̃xü̃güarü yemaxü̃gü pinaxgu rü poraãcü petaãẽgü. Rü ñoma wocaxacü i mecü ya maxẽnecüwa yuxnagüxü̃rüxü̃ petaãẽgü. Rü ñoma cowarugürüxü̃ petagagü.

Ichaía 34:7

Rü ngẽma ãẽ̱xgacügü i Edóü̃cüã̱xgü rü tá nadai ñoma wocagü iyatüxü̃ daiwa nagagüxü̃rüxü̃. Rü ñoma wocaacügürüxü̃ rü wocagü iyatüxü̃rüxü̃ tá nayue i ngẽma Edóü̃cüã̱xgü rü waixü̃mü rü tá nagümaxã nawaiane rü waixü̃müte̱xe rü norü chíxü̃maxã tá guxü̃wama niwaite̱xe.

Wiyaegü 68:30

Pa Tupanax, ¡napoxcu i ngẽma Equítuanearü ãẽ̱xgacü i cumaxã rüxuanüxü̃ i ñoma wocagü i iyatüxü̃ i düraexü̃ i dexnenecüwa maxẽxü̃rüxü̃ ixĩgüxü̃! Rü Equítuanepe̱xewa rü ngẽma togü i nachixü̃anegü rü ñoma wocaxacügürüxü̃ naturae. ¡Naxãneexẽxẽ i ngẽma Equítuane nax cupatawa nanaãxü̃ca̱x i diẽrumena̱xãgü! ¡Rü nawoone i ngẽma nachixü̃anegü i daigu rüxĩnüexü̃!

Wenaxarü naxümatü ga Tupanaarü mugü 32:14

Rü pexü̃́ nayexma ga perü wocagünenixü̃ rü ñu̱xũchi pexü̃́ nayexma ga perü wocagünenixü̃ ga marü itaigüne. Rü pema rü namaxã pexãwemü ga yema rümemaegüxü̃ ga carnérugü ga Bacháü̃anewa yexmagüxü̃ rü chíbugü ga iyatüxü̃, rü yema rümemaexü̃ ga trigu. Rü peyaxagü ga yema rümemaexü̃ ga úbatüxü̃ ga bínu.

Yeremía 46:5

¿Natürü ta̱xacü nixĩ i nüxü̃ chadauxü̃? Ngẽma churaragü rü taxü̃ i norü muü̃maxã nügü nawoegu. Rü norü uanügücha̱xwa nügü nawoone. Rü nibuxmü rü tama nügü ínidaugü. Rü guxü̃wama nangẽxma i taxü̃ i ãũcümaxü̃. Rü choma ya Cori ya Tupana nixĩ i ngẽma ñachaxü̃.

Echequié 39:19

Rü ngẽma õna i naxca̱x tá chaxüxü̃wa rü tá nanangõ̱xgü i chíxü̃ ñu̱xmatáta nawa yada̱xawee. Rü ñu̱xũchi tá nayaxagü ya nagü ñu̱xmatáta nawa nangãxe.

Ichaía 34:6

Rü ngẽma Cori ya Tupanaarü tara rü nagümaxã tá nadutachinü rü chíxü̃maxã tá niyi̱xatachinücüxü. Rü ñoma ngẽxguma ãmareruxü̃ carnéruxacügü rü chíbuxacügü idaixgurüxü̃ tá nixĩ. Rü nüma ya Cori ya Tupana rü ĩane ya Bochráwa wüxi i ãmare tá nigu, rü Edóü̃anewa rü muxü̃tama i duü̃xü̃güxü̃ tá nadai.