Echequié 39:11 - Tupanaarü Ore

¹¹ Rü ñanagürü ta: —Ngẽma ngunexü̃gu rü tá Góxna chanaxã i wüxi i nachica nax ngẽmagu natáxü̃ca̱x. Rü ngẽma nachica rü Iraéanewa tá nangẽxma nawa i ngẽma metachinüxü̃ i már arü to̱xma̱xtawa ngẽxmaxü̃ i nawa nachopetüxü̃ i duü̃xü̃gü i éstewaama ĩxü̃. Rü ngẽma nax namuxũchixü̃ i naxü̃negü i ngẽma Góxarü churaragü i yuexü̃ rü taxucürüwa ngéma nachopetü i duü̃xü̃gü. Rü ngẽxma tá nixĩ i nata̱xgüãxü̃ i Góx rü ñu̱xũchi guxü̃ma i norü churaragü. Rü tá nanaxüégagü Metachinüxü̃ i Góxarü Churaragü Nagu Ta̱xgüxü̃.

Echequié 39:11 Referans Kwoze

Ore i mexü̃ ga Cuáü̃ ümatüxü̃ 6:1

Rü yemawena ga Ngechuchu rü naxtaxa ga Gariréaarü tocutüwa naxũ. Rü norü toéga ga gumá naxtaxa rü Tibéria nixĩ.

Ore i mexü̃ ga Luca ümatüxü̃ 5:1

Rü wüxicana ga yexguma naxtaxa ga Guenecharéxanacüwa nayexmagu ga Ngechuchu, rü muxü̃ma ga duü̃xü̃gü rü naxü̃tawa nangugü. Rü düxwa yéma nayaxãũxtügü, yerü nüxü̃ naxĩnüechaü̃ ga Tupanaarü ore.

Echequié 47:18

Rü ngẽma Iraéanearü üyeane i éstewaama rü ngẽma Auráü̃anearü üye rü Damácuanearü üye iyacuáxü̃wa tá inaxügü nax éstewaama nadaxü̃. Rü natü i Yudáü̃anacügu tá nida i Garaáxanecüwagu rü ñu̱xmata ĩane ya Tamárawa nangu. Rü yima ĩane ya Tamára rü Már ya Ngearü Maxü̃ã́xü̃cutüwa nangẽxma. Rü ngẽma tá nixĩ i Iraéanearü üyeane i éstewaama ngẽxmaxü̃.

Iraétanüxü̃arü muxchiga 34:11

Rü Chepáü̃wa rü ngẽma üyeane tá narüdae ñu̱xmatáta Ribá i Aíü̃arü éstewaama ngẽxmaxü̃wa nangu. Rü ngéma rü éstewaama tá nada ñu̱xmatáta naxtaxa ya Quinérexarü éstecüwawa nangu.

Iraétanüxü̃arü muxchiga 11:34

Rü yemaca̱x nixĩ ga Quibúx-ataabámaxã naxüégagüãxü̃, yerü yexma nixĩ ga nata̱xgüxü̃ ga yema duü̃xü̃gü ga namachigu rüxĩnüexü̃.

Echequié 39:10

Rü ngẽxguma i ngẽma Iraétanüxü̃ rü taxuca̱xtama norü üxüca̱x naxoegaãẽgü. Rü taxuca̱xtama naanegüwa rü naixnecüwa norü üxüwa naxĩ, erü guxü̃nema ya yima cuxnegü rü tá üxüwa nüxü̃́ name. Rü ngẽmaãcü i ngẽma Iraétanüxü̃ rü tá nüxí pexna nanapuxü̃ i perü ngẽmaxü̃gü yema pema norü yemaxü̃gü nüxna pepuxü̃xü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma, rü aixcüma tá ngẽmaãcü ningu’ ” —ñanagürü.

Echequié 39:12

Rü ngẽma Iraétanüxü̃ rü 7 ya tauemacü tá nixĩ i ta̱xgüwa napuracüexü̃ nax ngẽmaãcü tama Tupanape̱xewa naxãũãchixü̃ca̱x i nachixü̃ane.

Echequié 39:15

Rü ngẽxguma wüxi i ngẽma duü̃xü̃gü namaxã iyarüxũxgu i duü̃xẽchina̱xã rü naxü̃tagu tá nanapu i wüxi i cua̱xruxü̃ nax ngẽmawa nüxü̃ nacua̱xgüxü̃ca̱x i ngẽma táetatanüxü̃ i ngẽxguma ngéma nangugügu. Rü ngẽma táetatanüxü̃ tá nixĩ i nata̱xgüxü̃ nagu i ngẽma Metachinüxü̃ i Góxarü Churaragü Nagu Ta̱xgüxü̃.

Ínachoxü̃xü̃chiga 8:14

Rü ga duü̃xü̃gü rü nanade ga yema yuexü̃ ga cururugü, rü nananutaque̱xe. Rü guxü̃wama namaxã nayipetüane.