Echequié 38:5 - Tupanaarü Ore

⁵ Rü tá cuxü̃ ínixümücü i churaragü i Pérchiaanecüã̱xgü, rü Etiopíaanecüã̱xgü rü Líbiaanecüã̱xgü. Rü guxü̃ma i ngẽma churaragü rü tá nixãxne rü nixãpate̱xe rü tá nüxü̃́ nangẽxmagü i norü poxü̃ruü̃gü.

Echequié 38:5 Referans Kwoze

Echequié 27:10

Rü yema curü churaragü rü Pérchiaanecüã̱x rü Lídiaanecüã̱x rü Líbiaanecüã̱x nixĩgü. Rü nümagü rü norü poxü̃ruxü̃gümaxã rü napate̱xegümaxã cuxü̃ nanga̱xãẽgü, rü yemaacü ga cuma rü cumexẽchi.

Naanearü ügüchiga 10:6

Rü Cáü̃ nanegü nixĩ ga Cúx, rü Mirayíü̃, rü Fúx rü Canaáü̃.

Echequié 30:5

Rü ngẽxma daigu tá nayue i norü churaragü i ngẽma nachixü̃anegü i Equítuaneétüwa ügüxü̃ i Etiopía rü Líbia rü Lídia rü Fúx rü guxü̃ma i Arábiaane rü ngẽma togü i nachixü̃anegü i Equítuaneétüwa ügüxü̃’.

Naúü̃ 3:9

Rü yema Etiopíaane rü Equítuane nixĩ ga yema Tébaarü poxü̃ruü̃gü ixĩgüxü̃. Rü yema Fúxane rü Líbiaane rü Tébaarü ngü̃xẽẽruü̃gü nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:8

Rü Cáü̃ nanegü nixĩ ga Cúx, rü Mirayíü̃, rü Fúx, rü Canaáü̃.

Naanearü ügüchiga 10:8

Rü nüma ga Cúx rü Nimróx nanatü nixĩ. Rü nüma ga Nimróx nixĩ ga duü̃xü̃gütanüwa nüxíraü̃cü ga yatü ga poraxüchicü ga ñoma i naanewa.

Norü taxre ga to ga popera ga ãẽ̱xgacügüchiga ümatüxü̃ 36:20

Rü yemawena rü yema Yudáanecüã̱xgü ga íyaxügüxü̃ rü Babiróniawa nanagagü nax ãẽ̱xgacüarü rü nanegüarü puracütanüxü̃ yixĩgüxü̃ca̱x. Rü yemaacü yéma namaxẽ rü ñu̱xmata Pérchiaanearü ãẽ̱xgacüme̱xẽgu nayi ga Cadéugü.

Édra 1:1

Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Echequié 30:4

Rü Equítuaneca̱x tá ínangu i dai. Rü ngẽxguma muxü̃ma nadaixgu rü norü ngẽmaxü̃gü napuxü̃gu rü guxü̃nema ya Equítuanearü ĩanegügu napogüegu, rü Etiopíaanearü duü̃xü̃gü rü tá nidu̱xruxe.

Danié 8:20

Rü ngẽma carnéru i taxrechata̱xcurexü̃ i nüxü̃ cudauxü̃ rü ngẽma rü Médiaanearü ãẽ̱xgacüchiga rü Pérchiaanearü ãẽ̱xgacüchiga nixĩ.